Click it and Unblock the Notifications
ലോകത്തില് ഏറ്റവുമധികം 'ഗൂഗിള്' ചെയ്യപെട്ട കമ്പനികള്
'ഗൂഗിള് ചെയ്യുക' എന്നത് ഒരു അംഗീകൃത പ്രയോഗമായി മാറിയിട്ടുണ്ട് നമ്മുടെ ഭാഷയില്. ഗൂഗിളില് സെര്ച്ച് ചെയ്യുന്നവരുടെ മുമ്പില് ആദ്യം പ്രത്യക്ഷപെടാനുള്ള വ്യഗ്രതയിലാണ് ഈ ലേഖനം ടൈപ്പ് ചെയ്യുന്നവനും ഇത് വായിക്കുന്നവനും/വളും അടക്കമുള്ള ലോകം.
ലോകത്തില് ഏറ്റവുമധികം ഗൂഗിള് ചെയ്യപ്പെട്ട അഥവാ തെരയപ്പെട്ട കാര് നിര്മാതാക്കള് ആരെല്ലാമായിരിക്കും എന്ന് വെറുതെയൊന്ന് ഗൂഗിള് ചെയ്തു നോക്കി. ഗൂഗിള് തന്നെ നല്കിയ വിവരങ്ങളാണ് ഇവിടെ നല്കുന്നത്.
താളുകളിലൂടെ നീങ്ങുക.
10. ടെസ്ല മോട്ടോഴ്സ്
2003ല് സ്ഥാപിക്കപെട്ട ഈ കമ്പനി ഇലക്ട്രിക് കാറുകളാണ് നിര്മിക്കുന്നത്. ലോകത്തിലെ ഏറ്റവും മികച്ച ഇലക്ട്രിക് വാഹനങ്ങള് നിര്മിക്കുന്നത് ടെസ്ല-യാണെന്നു പറഞ്ഞാല് അതില് അതിശയോക്തിയില്ല. ഗൂഗിള് തെരച്ചിലുകളില് പത്താം സ്ഥാനത്താണ് ഈ കാര്നിര്മാതാവുള്ളത്. (2014ലെ കണക്കുകളാണ് ലഭ്യമായിട്ടുള്ളത്)
സിഇഒ: എലണ് മസ്ക്
09. ബിഎംഡബ്ല്യു
ആഡംബര കാറുകള് എന്നു കേള്ക്കുമ്പോള് ആദ്യം മനസ്സില് വരുന്ന പേരുകളിലൊന്നാണ് ബിഎംഡബ്ല്യു. ഇന്ത്യയില് ഇന്ന് ഓഡി കഴിഞ്ഞാല് ഏറ്റവുമധികം പ്രീമിയം കാറുകള് വില്ക്കുന്നത് ബിമ്മറാണ്. ഗൂഗിള് തെരച്ചിലുകളില് ഒമ്പതാം സ്ഥാനത്താണ് ഈ കമ്പനി.
സിഇഒ: നോബര്ട്ട് റെയ്ത്ഫോര്
08. നിസ്സാന്
ഇന്ത്യയില് മികച്ച ചില വാഹനങ്ങള് എത്തിക്കുന്നുണ്ടെങ്കിലും സര്വീസ് സെന്ററുകളുടെ അപര്യാപ്തത ഈ കമ്പനിയുടെ വളര്ച്ചയ്ക്ക് തടസ്സമായി നില്ക്കുന്നതായി കാണാം. ലോകത്തെമ്പാടുമുള്ള ഉപഭോക്താക്കള് വിശ്വാസ്യതയുള്ള കാര്നിര്മാതാക്കളുടെ കൂട്ടത്തിലാണ് നിസ്സാനെ പെടുത്തിയിരിക്കുന്നത്. ഇവര് ഗൂഗിള് തെരച്ചിലില് എട്ടാം സ്ഥാനത്താണുള്ളത്.
സിഇഒ: കാര്ലസ് ഗൂസന്
07. ഹോണ്ട
എന്ജിന് വിശ്വാസ്യതയുടെ കാര്യത്തില് ലോകവിഖ്യാതമാണ് ഹോണ്ട. 1946ലാണ് ഈ കമ്പനി സ്ഥാപിക്കപെട്ടത്. ഈ ഫോര്മുല വണ് എന്ജിന് സപ്ലയറാണ് ഗൂഗിള് തെരച്ചിലുകളില് ഏഴാം സ്ഥാനത്തു നില്ക്കുന്നത്.
ഹോണ്ട: തകനോബു ഇടോ
06. സുബാരു
ഇന്ത്യയില് ഈ കമ്പനി എത്തിയിട്ടില്ല. 1954ലാണ് ആദ്യത്തെ സുബാരു കാര് വിപണിയിലെത്തുന്നത്. ഗൂഗിള് തെരച്ചിലുകളില് ആറാം സ്ഥാനത്താണ് ഈ കമ്പനി നില്ക്കുന്നത്.
സിഇഒ: തകേഷി തചിമോറി
05. ജനറല് മോട്ടോഴ്സ്
ഏറ്റവുമധികം ഗൂഗിള് സെര്ച്ച് വന്ന കമ്പനികളില് അഞ്ചാം സ്ഥാനത്താണ് ജനറല് മോട്ടോഴ്സ് നില്ക്കുന്നത്. ലോകത്തിലെ ഏറ്റവും വലിയ കാര് കമ്പനി കൂടിയാണിത്. 1908ലാണ് ഈ കമ്പനി സ്ഥാപിക്കപെട്ടത്.
സിഇഒ: മാരി ടി ബറ
04. ടൊയോട്ട
1937ലാണ് ഈ കമ്പനി സ്ഥാപിക്കപെടുന്നത്. ജപ്പാനിലെ ടൊയോട്ടയിലാണ് കമ്പനിയുടെ ആസ്ഥാനം. ലോകത്തെമ്പാടുമുള്ള ശൃ്ംഖലകളിലായി 338,875 ജോലിക്കാരുണ്ട് ടൊയോട്ടയ്ക്ക്.
സിഇഒ: അകിയോ ടൊയോഡ
03. ഡോഡ്ജ്
ഏറ്റവുമധികം ഗൂഗിള് ചെയ്യപ്പെട്ട ഓട്ടോമൊബൈല് കമ്പനികളില് മൂന്നാം സ്താനത്താണ് ഡോഡ്ജ് വരുന്നത്. 1900ത്തിലാണ് ഈ അമേരിക്കന് കമ്പനി സ്ഥാപിക്കപെട്ടത്.
സിഇഒ: തിമോത്തി കുനിസ്കിസ്
02. ജീപ്പ്
രണ്ടാം സ്ഥാനത്ത് ജീപ്പ് വരുന്നു. ഫിയറ്റ് ക്രൈസ്ലറിന്റെ ഉപബ്രാന്ഡാണിത്. 1941ല് സ്ഥാപിതമായി.
സിഇഒ: മിഖായേല് മാന്ലി
01. ഫോഡ്
ലോകത്തെമ്പാടുമുള്ള ഓട്ടോമൊബൈല് പ്രേമികള് ഗൂഗിളില് ഏറ്റവുമധികം തെരയുന്നത് ഫോഡിനെയാണ്. ഈ അമേരിക്കന് കമ്പനി സ്ഥാപിക്കപെട്ടത് 1903ലാണ്.
സിഇഒ: മാര്ക്ക് ഫീല്ഡ്സ്
Continue with Google