ടൊയോട്ട സ്പെയർ പാർട്സുകൾ ഓൺലൈൻ വിൽപനയ്ക്ക്

ടൊയോട്ട മോഡലുകളുടെ സ്പെയർ പാർട്സുകൾ ഓൺലൈൻ വഴി വിൽപന നടത്താൻ ആലോചന. ഉപഭോക്താക്കളിലേക്ക് കൂടുതൽ കാര്യക്ഷമമായി ഇറങ്ങിച്ചെല്ലുക എന്ന ഉദ്ദേശ്യമാണ് ഈ നീക്കത്തിനു പിന്നിലുള്ളത്.

ടൊയോട്ടയുടെ ഔദ്യോഗിക വെബ്സൈറ്റിലൂടെയാണ് വിൽപന നടക്കുക. വാറന്റിയടക്കമുള്ള എല്ലാ ആനുകൂല്യങ്ങളോടും കൂടി, കൃത്യമായ വിലയിൽ സ്പെയർ പാർട്സുകൾ വാങ്ങാമെന്നതിനാൽ ഉപഭോക്താക്കൾ ഈ വഴിക്ക് തിരിയാൻ സാധ്യതയേറെയാണ്.

തുടക്കത്തിൽ ബങ്കളുരുവിൽ മാത്രമാണ് ഈ സംവിധാനം നിലവിൽ വരിക. പിന്നീട് മറ്റു നഗരങ്ങളിലേക്കും വ്യാപിപ്പിക്കും. ബങ്കളുരുവിൽ നിന്ന് ലഭിക്കുന്ന പ്രതികരണം പേലെയിരിക്കും ഈ പദ്ധതിയുടെ വ്യാപനം.

2016ഓടു കൂടി രാജ്യത്തെമ്പാടും ഓൺലൈൻ വിൽപനാ സൗകര്യം ഏർപെടുത്തണമെന്നാണ് ടൊയോട്ടയുടെ ആഗ്രഹം.

ആകെ 30 തരം ആക്സസറികളും നാനൂറോളം സ്പെയർപാർട്സുമാണ് വിൽപനയ്ക്കുണ്ടാവുക. എയർ ഫിൽട്ടർ, ഓയിൽ ഫിൽട്ടർ, ഫാൻ ബെൽറ്റുകൾ, വൈപ്പറുകൾ തുടങ്ങിയവയെല്ലാം ഇതിലുൾപെടും.