വോള്‍വോ എക്‌സ്‌സി90-ക്ക് 16,000 ബുക്കിങ്

വോള്‍വോ എക്‌സ്‌സി90 എസ്‌യുവി ഈയിടെയാണ് അവതരിപ്പിക്കപ്പെട്ടത്. അടുത്തുതന്നെ ലോഞ്ച് ചെയ്യാനിരിക്കുന്ന ഈ വാഹനത്തിന് വന്‍തോതിലുള്ള സ്വീകരണം ഉറപ്പാക്കപ്പെട്ടു കഴിഞ്ഞു. വാഹനത്തിനുവേണ്ടി പതിനാറായിരം പേരാണ് കാത്തിരിക്കുന്നതെന്ന് കമ്പിന വെളിപ്പെടുത്തുന്നു.

ലോഞ്ചിനു മുമ്പുതന്നെ വന്‍തോതിലുള്ള ബുക്കിങ് ലഭിച്ചത് വോള്‍വോയെ സന്തോഷിപ്പിക്കുന്നുണ്ട്. സ്വീഡനിലെ ടോര്‍സ്ലാന്‍ഡയിലാണ് എക്‌സ്‌സി90 എസ്‌യുവി നിര്‍മിക്കുന്നത്.

വോള്‍വോയുടെ പുതുതലമുറ സാങ്കേതികതയെല്ലാം ഉള്‍ക്കൊള്ളുന്ന വാഹനമാണിത്. വരുംവര്‍ഷങ്ങളില്‍ ഈ വാഹനത്തിന്റെ ചുവടു പിടിച്ചായിരിക്കും പുതിയ മോഡസലുകള്‍ വിപണിയിലെത്തുക.

2.0 ലിറ്റര്‍ ശേഷിയുള്ള എന്‍ജിനാണ് വാഹനത്തില്‍ ചേര്‍ത്തിട്ടുള്ളത്. കൂടെ ഒരു ഇലക്ട്രിക് മോട്ടോറും ഘടിപ്പിച്ചിരിക്കുന്നു. പെട്രോള്‍ എന്‍ജിനും ഇലക്ട്രിക് മോട്ടോറും ചേര്‍ന്ന് 400 കുതിരശക്തി പകരുന്നുണ്ട്.