ലോഞ്ചിന് മുൻപെ വിറ്റഴിക്കപ്പെട്ടുവത്രെ ഈ ആസ്റ്റിൻ മാർട്ടിൻ കാർ!

ലോകപ്രശസ്തരായ സഗാടോ എന്ന ഇറ്റാലിയൻ ഡിസൈൻ കമ്പനിയുമായുള്ള പങ്കാളിത്തത്തിലാണ് ഈ പുതിയ കൺസ്പെറ്റിന് രൂപം നൽകിയിരിക്കുന്നത്.

സഗാടോയുമായുള്ള പങ്കാളിത്തത്തിൽ ബ്രിട്ടീഷ് നിർമാതാവിൽ നിന്നുമുള്ള അ‍ഞ്ചാമത്തെ കാറാണിത്.

കൺസ്പെറ്റിൽ നിന്ന് ഒട്ടും വ്യത്യാസാമല്ലാത്ത തരത്തിലാണ് പ്രോഡക്ഷൻ മോഡലിന്റെ നിർമ്മാണവും നടക്കുന്നത്.

മുൻ മോഡലുകളായ വൾകാൻ, വൺ-77, സിസി-100 എന്നിവയുടെ ഡിസൈനിൽ നിന്നുള്ള പ്രചോദനവും ഈ കൺസ്പെറ്റിൽ കാണാം.

കാർബൺ ഫൈബർ കൊണ്ടുള്ള ബോഡി പാനലുകളാണ് ഉപയോഗിച്ചിരിക്കുന്നത്. ഡിബി7 മോഡലിലുള്ള റിയർ ലൈറ്റും വൺ-77ലേതുപോലുള്ള ആൻഗുലാർ ഡോർ മിററുകളും പിൻഭാഗം ഡിബി11ന് സാമ്യവുമായിട്ടാണ് നിർമ്മിച്ചിരിക്കുന്നത്.

റൗണ്ട് ടെയിൽ ലാമ്പ്, വലിയ ഗ്രിൽ, ഡബിൾ ബബിൾ റൂഫ് എന്നിവയാണ് ഈ വാഹനത്തിന്റെ മറ്റ് പ്രത്യേകതകൾ.

ആധുനിക എൽഇഡി ലൈറ്റിംഗ് ടെക്നോളജിയാണ് കമ്പനി ഈ പുത്തൻ മോഡലിൽ ഉപയോഗപ്പെടുത്തിയത്.

591ബിഎച്ച്പിയുള്ള നാച്ചുറലി ആസ്പിരേറ്റ‍ഡ് 6ലിറ്റർ വി12 എൻജിനാണ് ബോണറ്റിനടയിൽ സ്ഥാനം പിടിച്ചിരിക്കുന്നത്.

3.5സെക്കന്റ് കൊണ്ട് പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കുമെന്നാണ് കമ്പനി അവകാശപ്പെടുന്നത്.

ഏതാണ്ട് 5കോടി വിലമതിക്കുമെങ്കിലും നിരത്തിലിറങ്ങാനിരിക്കുന്ന 99 യൂണിറ്റുകളും വിറ്റഴിക്കപ്പെട്ടു എന്നാണ് കമ്പനി നൽകിയിരിക്കുന്ന വിവരം.

അടുത്ത വർഷം ആദ്യപകുതിയോടു കൂടിയായിരിക്കും കാറുകളുടെ ഡെലിവറിയാരംഭിക്കുക.

മികച്ച മൈലേജുള്ള 10 ഡീസൽ എസ്‌യുവികൾ

കാറുകളിൽ ഉണ്ടായിരിക്കേണ്ട ചില നിർ‌ണായക സാങ്കേതികതകൾ