ആകർഷകമായ 3 ലക്ഷം വിലക്കിഴിവോടെ ഷവർലെ ട്രെയിൽബ്ലേസർ

26.99ലക്ഷം ദില്ലിഎക്സ്ഷോറൂം വിലയായിരുന്നു ട്രെയിൽബ്ലേയിസറിന്റെ വിപണി വില. 3.04 ലക്ഷത്തോളം വിലക്കിഴിവ് ഏർപ്പെടുത്തിയതിനാൽ 23.95 ലക്ഷമെന്ന ആകർഷക വിലയിൽ ഈ പ്രീമിയം എസ്‌യുവി ലഭ്യമാക്കാവുന്നതാണ്.

എൽടിസെഡ് എന്ന ഒരേയൊരു വേരിയന്റിൽ മാത്രമാണ് ട്രെയിൽബ്ലേയിസറിനെ ഇറക്കിയിട്ടുള്ളത്. സിബിയു വഴി ഇന്ത്യയിലെത്തിയ ഈ എസ്‌യുവി ഇതുവരെയായി വെറും 50 യൂണിറ്റുകളുടെ വില്പനമാത്രമാണ് കാഴ്ചവെച്ചിട്ടുള്ളത്.

ഇതിനിടെ ഫോഡ് പ്രീമിയം എസ്‌യുവി എൻഡവറിന്റെ വിലയും കുറച്ചിരിക്കുന്നു. ഫോഡ് എൻഡവറിന്റെ നേരിട്ടുള്ള എതിരാളി എന്ന നിലയ്ക്ക് ഷവർലെയ്ക്ക് ഈ എസ്‌യുവിയുടേയും വിലയിൽ കുറവു വരുത്തേണ്ടതായിട്ടുണ്ട്.

വിപണിയിൽ പിടിച്ചുനിൽക്കാനുള്ള കാർനിർമാതാക്കളുടെ തന്ത്രങ്ങളായിട്ട് വേണം കാണാൻ. മാത്രമല്ല ടൊയോട്ടയുടെ പുതിയ ഫോർച്യൂണറിന്റെ വരവ് എൻഡവർ, ട്രെയിൽബ്ലേയിസർ എസ്‌യുവികൾക്ക് കനത്തൊരു തിരിച്ചടിയായേക്കാം.

നിരത്ത് കീഴടക്കാനെത്തുന്നു ഷവർലെയുടെ പുത്തൻ കോംപാക്ട് സെഡാൻ

പെട്രോൾ കാറുകൾക്ക് മൈലേജ് കുറവാണെന്ന് പറയുന്നവർക്കുള്ള ഉത്തരമിതാ