ഡാറ്റ്സൻ ഗോ ക്രോസ് കൺസ്പെറ്റ് അവതരിച്ചു

നിസാന്റെ ബജറ്റ് കാർ നിർമാണ ശൃംഖലയായ ഡാറ്റ്സൻ പുതിയ ഗോ ക്രോസ് കൺസ്പെറ്റിനെ ഓട്ടോഎക്സ്പോയിൽ അവതരിപ്പിച്ചു. 2015 ടോക്കിയോ ഓട്ടോഷോയിൽ പ്രദർശിപ്പിച്ച ഗോ പ്ലസ് പ്ലാറ്റ്ഫോമിലുള്ള എംപിവിയെ അടിസ്ഥാനപ്പെടുത്തിയാണ് ഈ ഗോ ക്രോസിന്റെ നിർമാണം.

ഇന്ത്യയിൽ ഇതാദ്യമായിട്ടാണ് ഡാറ്റ്സൻ ഈ ക്രോസ്ഓവർ കൺസ്പെറ്റിനെ അവതരിപ്പിക്കുന്നത്. യുവതലമുറയുടെ താല്പര്യങ്ങൾ മുൻനിർത്തിക്കൊണ്ടാണ് ഈ വാഹനത്തിന്റെ നിർമാണം നടത്തിയിരിക്കുന്നത്.

മുൻഭാഗത്തായി ക്രോം പട്ടയുള്ള ഹെക്സാഗണൽ ഗ്രില്ല്, പ്രോജക്ടർ ഹെഡ്‌ലാമ്പ്, ഡേ ടൈം റണ്ണിംഗ് ലാമ്പുകൾ, എൻഇഡി ഫോഗ് ലാമ്പുകൾ, സിൽവർ സ്കിഡ് പ്ലേറ്റുകൾ എന്നീ സവിശേഷതകൾ ഉൾപ്പെടുത്തിയിരിക്കുന്നു. ഒരു മസിലൻ ആകാരഭംഗി കൊടുക്കാനായി ക്രോം വീലുകളും റൂഫ് റേലും ഉൾക്കൊള്ളിച്ചിട്ടുണ്ട്.

1.2ലിറ്റർ 3 സിലിണ്ടർ പെട്രോൾ എൻജിൻ 64.1ബിഎച്ച്പി കരുത്തും 140എൻഎം ടോർക്കും ഉല്പാദിപ്പിക്കുന്നു. 5സ്പീഡ് മാനുവൽ ഗിയർബോക്സാണ് നൽകിയിരിക്കുന്നത്. ഈ വർഷം പുറത്തിറങ്ങുന്ന ഈ വാഹനത്തിന്റെ വിലയെന്തെന്ന് കമ്പനി ഇതുവരെ വ്യക്തമാക്കിയിട്ടില്ല.