ഡാറ്റ്സൻ റെഡി-ഗോ കേരളത്തിൽ; വിലയറിയാം

കൊച്ചി എക്സ്ഷോറൂം വില

• ഡി- 2.43 ലക്ഷം രൂപ
• എ- 2.87 ലക്ഷം രൂപ
• ടി- 3.14 ലക്ഷം രൂപ
• ടി(ഓപ്ഷണൽ)- 3.25 ലക്ഷം രൂപ
• എസ്- 3.40 ലക്ഷം രൂപ



'ടോള്‍ ബോയ്' ഡിസൈനിലുള്ള റെഡി-ഗോയുടെ ലൈം, റൂബി, സിൽവർ, വൈറ്റ്, ഗ്രേ തുടങ്ങി അഞ്ചു നിറങ്ങളിലാണ് ലഭ്യമായിട്ടുള്ളത്.



ഫ്രഞ്ച് പങ്കാളിയായ റിനോയ്ക്ക് ഉജ്ജ്വല വിജയം നേടിക്കൊടുത്ത ക്വിഡിന്റെ അതെ പ്ലാറ്റ്ഫോമിലാണ് റെഡിഗോയുടെ നിർമാണവും നടത്തിയിരിക്കുന്നത്.



യുവാക്കളെ ആകർഷിക്കാനായി സ്പോർട്ടി രൂപമാണ് റെഡി ഗോയ്ക്ക് നൽകിയിരിക്കുന്നത്.



799സിസി, 3സിലിണ്ടർ പെട്രോൾ എൻജിനാണ് ഈ കുഞ്ഞൻ കാറിന് കരുത്തേകുന്നത്. 53ബിഎച്ച്പിയും 72എൻഎം ടോർക്കുമാണ് ഇതിനുള്ളത്.



കൂടാതെ 5സ്പീഡ് മാനുവൽ ഗിയർബോക്സും എൻജിനിൽ നൽകിയിട്ടുണ്ട്. 25 കിലോമീറ്റര്‍ മൈലേജ് ലഭിക്കുമെന്നാണ് കമ്പനിയുടെ വാഗ്ദാനം.



28 ലിറ്റര്‍ ഫ്യൂവല്‍ ടാങ്ക് കപ്പാസിറ്റി നൽകിയ ഈ വാഹനത്തിന്റെ ഉയർന്ന വേഗത 140km/h ആണ്.



15.9സെക്കന്റ് കൊണ്ടാണ് പൂജ്യത്തിൽ നിന്നും 100 കിലോമീറ്റർ വേഗത കൈവരിക്കുന്നത്.



സുരക്ഷയ്ക്കായി ഡാറ്റ്സൻ പ്രോ-സേഫ് 7 എന്ന പാക്കേജാണ് നൽകിയിട്ടുള്ളത്. ഷോർട്ടസ്റ്റ് ബ്രേക്കിംഗ് ഡിസ്റ്റൻസ്, ഹൈ സ്ത്രെങ്ത് ബോഡി ഷെൽ, ഉയർന്ന വിസിബിലിറ്റി, സുപീരിയർ സസ്പെൻഷൻ സിസ്റ്റം, ഉയർന്ന കോർണറിംഗ് സ്റ്റബിലിറ്റി, എനർജി അബ്സോർബിങ് സ്റ്റിയറിംഗ്, ഡ്രൈവര്‍ എയർ ബാഗ് എന്നിവയാണ് നൽകിയിട്ടുള്ളത്.



ചെറുകാര്‍ ശ്രേണിയില്‍ നിലവിൽ മുന്നേറുന്ന മാരുതി ഓള്‍ട്ടോ, റെനോ ക്വിഡ്, ഹുണ്ടായി ഇയോണ്‍ എന്നിവരോടായിരിക്കും റെഡി-ഗോയ്ക്ക് പോരിടേണ്ടി വരിക.



കൃത്രിമത്വം; 1.9 ലക്ഷം ഫോക്സ്‌വാഗൺ കാറുകൾ തിരിച്ച് വിളിക്കുന്നു



ഡിസയറിനെ വെല്ലാനെത്തി ഇന്ത്യൻ നിർമിത 'അമിയോ'