പുതിയ ഹോണ്ട അമേസ് എത്തി : വില 5.29 ലക്ഷം

വില- പെട്രോൾ വേരിയന്റ്

• ഇ(എംടി) - 5,29,900 രൂപ
• എസ് (എംടി) - 5,95,400 രൂപ
• എസ്എക്സ് (എംടി) - 6,80,500രൂപ
• വിഎക്സ് (എംടി) - 7,19,900രൂപ
• എസ് (എടി) - 7,19,900രൂപ
• വിഎക്സ് (എടി) - 8,19,900രൂപ



വില- ഡീസൽ വേരിയന്റ്

• ഇ(എംടി) - 6,41,900രൂപ
• എസ് (എംടി) - 7,29,900രൂപ
• എസ്എക്സ് (എംടി) - 7,82,000രൂപ
• വിഎക്സ് (എംടി) - 8,19,900



മൊബീലിയോ-ക്ക് സമാനമായ വീതിക്കൂടിയ സിങ്കിൾ ക്രോം ഗ്രില്ലാണ് നൽകിയിരിക്കുന്നത്. വലുപ്പമേറിയ ബംബറും സ്മോക്കി ഇഫക്ട് നൽകിയ ഹെഡ്‌ലാമ്പും ഈ കോംപാക്ട് സെഡാന് പുത്തൻ പരിവേഷമാണ് നൽകുന്നത്.



പുതിയ ഡ്യവൽ ടോൺ സ്കീം, പുതിയ ഇൻസ്ട്രുമെന്റ് പാനെൽ, ടച്ച് സ്ക്രീൻ അടക്കമുള്ള ഓഡിയോ-വീഡിയോ നാവിഗേഷൻ എന്നിവയാണ് അകത്തളങ്ങളിലെ പ്രത്യേകതകൾ.



മുൻമോഡലുകളിലെ അതെ പെട്രോൾ, ഡീസൽ എൻജിനാണ് അമേസ് ഫേസ്‌ലിഫ്റ്റിൽ ഉപയോഗിച്ചിരിക്കുന്നത്.



86ബിഎച്ച്പി കരുത്തും 109എൻഎം ടോർക്കും ഉല്പാദിപ്പിക്കുന്ന 1.2ലിറ്റർ എൻജിനാണ് പെട്രോൾ വേരിയന്റിന് കരുത്തേകുന്നത്.



‍ഡീസൽ വേരിയന്റിൽ 98 ബിഎച്ച്പി കരുത്തും 200 എൻഎം ടോർക്കും ഉല്പാദിപ്പിക്കുന്ന 1.5ലിറ്റർ എൻജിനാണ് ഉപയോഗിച്ചിരിക്കുന്നത്.



മാനുവൽ ട്രാൻസ്മിഷൻ ഉള്ള പെട്രോൾ വേരിയന്റ് 17.8km/l മൈലേജും സിവിടി ഗിയർബോക്സുള്ള പെട്രോൾ വേരിയന്റ് 18.1km/l മൈലേജുമാണ് വാഗ്ദാനം ചെയ്യുന്നത്. 25.8km/l മൈലേജാണ് ഡീസൽ വേരിയന്റിനുള്ളത്.



അമേസിന്റെ ഡീസൽ, പെട്രോൾ വേരിയന്റിൽ 5സ്പീഡ് മാനുവൽ ലഭ്യമാണ്. പെട്രോൾ വേരിയന്റിൽ മാത്രമാണ് പുതിയ 5സ്പീഡ് സിവിടി ഓട്ടോമാറ്റിക് ഗിയർബോക്സ് നൽകിയിരിക്കുന്നത്.



അമേസ് പുതിയ ബ്ലൂ ടൈറ്റാനിയം മെറ്റാലിക് കളർ ഉൾപ്പെടെ 7 വ്യത്യസ്ത കളറുകളിൽ ലഭ്യമാണ്.



ഇന്ത്യയിലെ എല്ലാ ഹോണ്ട ഷോറൂമുകളിലും പുതിയ അമേസ് ലഭ്യമാണ്.



മാരുതി സ്വിഫ്റ്റ് ഡിസയർ, ഹ്യുണ്ടായ് എക്സെന്റ്, ഫോർഡ് ഫിഗോ ആസ്പെയർ, ഫോക്സ്‌വാഗൺ അമിയോ എന്നിവരാണ് മുൻനിര എതിരാളികൾ.