ഹോണ്ട ഡബ്ല്യൂആർ-വി എസ്‌യുവി ഇന്ത്യൻ മണ്ണിലേക്ക്...

2016 പൗലോ ഓട്ടോ ഷോയിലായിരുന്നു ഈ ക്രോസോവർ മോഡലിന്റെ ആദ്യ അവതരണം. അടുത്ത വർഷം പകുതിയോടെ ഡബ്ല്യൂആർ-വി ഇന്ത്യൻ മണ്ണിലെത്തിച്ചേരുമെന്ന് പ്രതീക്ഷിക്കാം.

ഹോണ്ട ഈ ക്രോസവർ എസ്‌യുവിയുടെ പരീക്ഷയോണട്ടവും ഇതിനകം നടത്തിക്കഴിഞ്ഞു. ഹോണ്ട ജാസ് ഹാച്ച്ബാക്കിന്റെ അതെ പ്ലാറ്റ്ഫോമിലാണ് ഈ എസ്‌യുവിയുടേയും നിർമാണം നടത്തുന്നത്. അഗ്രസീവ് ലുക്ക് പകരുന്ന തരത്തിലുള്ളതാണ് ക്രോസോവറിന്റെ ഡിസൈൻ.

പുത്തൻ ഹെഡ്‌ലാമ്പും ഇതുമായി ഇഴുകിചേരുന്ന തരത്തിലുള്ള വലിയ ഗ്രില്ലുമാണ് മുൻഭാഗത്തെ മുഖ്യാകർഷണം. സ്പോർടി ബംബറും, വലിയ എയർഇൻടേക്കുകളും ഫോഗ് ലാമ്പുമാണ് മറ്റ് പ്രത്യേകതകൾ.

ജാസിലേതിനു സമാനമായ ഡോറുകളും ഫെന്ററുകളുമാണ് ഈ എസ്‌യുവിയിൽ നൽകിയിരിക്കുന്നത്. ജാസിലേതിനു സമാനമായ ഫീച്ചറുകൾ തന്നെയായിരിക്കും അകത്തളത്തിലും ഉൾപ്പെടുത്തുക.

ഏത് പരുക്കൻ പ്രദേശങ്ങളിലും അനായാസമോടാൻ സാധിക്കുന്ന തരത്തിൽ ഉയർന്ന ഗ്രൗണ്ട് ക്ലിയറൻസാണ് ഈ വാഹനത്തിനു നൽകിയിരിക്കുന്നത്.

1.2ലിറ്റർ i-VTEC പെട്രോൾ എൻജിനും 1.5 ലിറ്റർ i-DTEC ഡീസൽ എൻജിനും ഉൾപ്പെടുത്തിയായിരിക്കും ഹോണ്ട ഡബ്ല്യൂആർ-വി ലഭ്യമാവുക.

മാനുവലും ഓട്ടോമാറ്റിക് ട്രാൻസ്മിഷനും ഉൾപ്പെടുത്തിയ 1.2ലിറ്റർ എൻജിന് 90ബിഎച്ച്പി കരുത്താണുള്ളത്. 100ബിഎച്ച്പി കരുത്തുള്ള 1.5 ലിറ്റർ ഡീസൽ എൻജിനിൽ 6 സ്പീഡ് മാനുവൽ ഗിയർബോക്സ് മാത്രമെ ഉൾപ്പെടുത്തുകയുള്ളൂ.

മാരുതി വിറ്റാര ബ്രെസ, ഫോഡ് ഇക്കോസ്പോർട് എന്നീ വാഹനങ്ങളായിരിക്കും ഈ എസ്‌യുവിക്ക് എതിരാളികളായി തീരുക.

7.5 ലക്ഷം മുതൽ 10.5ലക്ഷം വരേയായിരിക്കും ഹോണ്ട ഡബ്ല്യൂആർ-വിയുടെ ഇന്ത്യൻ വിപണിയിലെ വില.

ഇന്ത്യൻ റോഡിലോരു അലങ്കാരമാകാൻ മിനി ക്ലബ്‌മാൻ

റിനോ ലോഡ്ജി സ്റ്റെപ്പ്‌വേ പുതുപുത്തൻ 16 ഫീച്ചറുകളിൽ