ജാഗ്വറിന്റെ പുത്തൻ സെഡാൻ എക്സ്എഫ് വിപണിയിൽ

By Praseetha

Published: Thursday, September 22, 2016, 15:53 [IST]

ജാഗ്വർ പുതിയ എക്സ്എഫ് പ്രീമിയം സെഡാനെ വിപണിയിൽ എത്തിച്ചു. ദില്ലി എക്സ്ഷോറൂം 49.5 ലക്ഷമാണിതിന്റെ പ്രാരം വില. ജാഗ്വറിന്റെ ഇൻജീനിയം എൻജിനോടു കൂടി ഇന്ത്യയിൽ ഇറങ്ങുന്ന ആദ്യത്തെ കാറാണിത്.

അഞ്ച് വേരിയന്റുകളിലായി എക്സ്എഫിന്റെ ഡീസൽ, പെട്രോൾ വകഭേദങ്ങളാണ് ഇന്ത്യൻ വിപണിയിൽ എത്തിയിരിക്കുന്നത്.

ജാഗ്വറിന്റെ പുത്തൻ സെഡാൻ എക്സ്എഫ് വിപണിയിൽ

177ബിഎച്ച്പിയും 430എൻഎം ടോർക്കും നൽകുന്ന 2.0 ലിറ്റർ ഇൻജീനിയം ഡീസൽ എൻജിനാണ് ജാഗ്വർ എക്സ്എഫിലുള്ളത്.

എക്സ്എഫിന്റെ 2.0ലിറ്റർ പെട്രോൾ എൻജിനാകട്ടെ 237ബിഎച്ച്പി കരുത്തും 340എൻഎം ടോർക്കുമാണ് സൃഷ്ടിക്കുന്നത്.

8 സ്പീഡ് ഓട്ടോമാറ്റിക് ഗിയർബോക്സാണ് ഇരു എൻജിനുകളിലും ഉൾക്കൊള്ളിച്ചിരിക്കുന്നത്.

പെർഫോമൻസിനെ കുറിച്ച് പറയുകയാണെങ്കിൽ 8.1 സെക്കന്റുകൊണ്ട് എക്സ്എഫിന്റെ സീസൽ എൻജിന് പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ സാധിക്കും.

പെട്രോൾ എൻജിൻ വെറും 7 സെക്കന്റു കൊണ്ടാണ് പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കുന്നത്.

എക്കോ, ഡൈനാമിക്, റെയിൻ/സ്നോ/ഐസ് എന്നീ ഡ്രൈവിംഗ് മോഡുകൾ തിരഞ്ഞെടുക്കാവുന്ന തരത്തിൽ ജാഗ്വർ ഡ്രൈവ് കൺട്രോളും ഈ വാഹനത്തിൽ ഉൾപ്പെടുത്തിയിട്ടുണ്ട്.

17 ഇഞ്ച് വീൽ, ബൈ-ഫോക്കൽ സെനോൺ ഹെഡ്‌ലാമ്പ്, 10 ഇഞ്ച് ടച്ച് സ്ക്രീൻ ഇൻഫോടെയിൻമെന്റ് സിസ്റ്റം, ഇലക്ട്രിക്കലി അഡ്ജസ്റ്റബിൾ ഫ്രണ്ട് സീറ്റ് എന്നീ സവിശേഷതകളാണ് ഈ സെഡാനിലുള്ളത്.