കെയുവി100ന് ഫ്ലിപ്കാർടിൽ റെക്കോർഡ് ബുക്കിംഗ്

വീട്ടിൽ അല്ലെങ്കിൽ ജോലി സ്ഥലത്തിരുന്ന് കൊണ്ട് വളരെ എളുപ്പത്തിൽ വാഹനങ്ങളുടെ ബുക്കിംഗ് സാധ്യമാക്കുക എന്ന ലക്ഷ്യത്തോടെ 2016 ജനവരിയിലാണ് ഫ്ലിപ്കാർട് ഓട്ടോമൊബൈൽ സെക്ഷൻ ആരംഭിച്ചത്.

രാജ്യത്തുടനീളമുള്ള ഉപയോക്താക്കളിൽ നിന്നും ഓൺ ലൈൻ ബുക്കിംഗിന് മികച്ച പ്രതികരണം ലഭിച്ചതിൽ അതീവ സന്തുഷ്ടരാണെന്ന് ഫ്ലിപ്കാർടിലെ ഇലക്ട്രോണിക്സ് ആന്റ് ഓട്ടോ വിഭാഗം വൈസ് പ്രസിണ്ടന്റ് ആദർഷ്.കെ.മോനോൻ വ്യക്തമാക്കി.

ഫ്ലിപ്കാർട്ടുമായുള്ള കൂട്ടായ്മയിൽ കൂടുതൽ ഉഭപോക്താക്കളിൽ എത്താൻ കഴിഞ്ഞതിലും മഹീന്ദ്രയുടെ വില്പന ശൃംഗല വിപൂലീകരിക്കാൻ കഴിഞ്ഞതിലും സന്തോഷവാനാണെന്ന് മഹീന്ദ്രയുടെ ഓട്ടോമോട്ടീവ് ഡിവിഷൻ സീനിയർ വൈസ് പ്രസിണ്ടന്റ് വീജെ റാം നാക്ര അറിയിച്ചു.

കെയുവി 100 പെട്രോൾ, ഡീസൽ വേരിയന്റുകളിൽ ലഭ്യമാണ്. 82ബിഎച്ച്പി കരുത്തും 115എൻഎം ടോർക്കും ഉള്ള 1.2ലിറ്റർ പെട്രോൾ എൻജിനും, 77ബിഎച്ച്പി കരുത്തും 190എൻഎം ടോർക്കുമുള്ള 1.2ലിറ്റർ ഡീസൽ എൻജിനാണ് ഉൾപ്പെടുത്തിയിരിക്കുന്നത്.

5സ്പീഡ് മാനുവൽ ട്രാൻസ്മിഷനാണ് രണ്ട് എൻജിനിലും ഉൾപ്പെടുത്തിയിരിക്കുന്നത്.

പെട്രോൾ മോഡലിന് 4.45 ലക്ഷം മുതൽ 5.99ലക്ഷം വരെയാണ് ദില്ലി എക്സ്ഷോറൂം വില.

5.25 ലക്ഷം മുതൽ 6.48 ലക്ഷം വരെയാണ് ഡീസൽ മോഡലിന്റെ ദില്ലി എക്സ്ഷോറൂം വില.

• മഹീന്ദ്രയുടെ ക്വാണ്ടോ ഫേസ്‌ലിഫ്റ്റ് മാർച്ചിൽ-കൂടുതൽ വായിക്കുക
• കൂടുതൽ പുതുമകളോടെ സ്‌കോർപിയോ സ്പെഷ്യൽ എഡിഷൻ വരുന്നു