മഹീന്ദ്ര നുവോസ്പോർട് എത്തുന്നു ഏപ്രിൽ നാലിന്

ഡീസൽ, പെട്രോൾ വകഭേദങ്ങളിലാണ് മഹീന്ദ്ര പുതിയ ഫേസ്‌ലിഫ്റ്റിനെ എത്തിക്കുന്നത്. 1.2 ലിറ്റർ എംഹോക്ക് 100 പെട്രോൾ എൻജിനാണ് ന്യുവോസ്പോർടിൽ ഉപയോഗിച്ചിട്ടുള്ളത്.

ക്വാണ്ടോയിൽ ഉപയോഗിച്ചിട്ടുള്ള 1.5 ലിറ്റർ ഡീസൽ എൻജിൻ തന്നെയാണ് നുവോസ്പോർടിൽ ഉപയോഗിച്ചിട്ടുള്ളത്.

രണ്ട് എൻജിനുകളിലും നൽകിയിട്ടുള്ള 5 സ്പീഡ് മാനുവൽ ട്രാൻസ്മിഷൻ കൂടാതെ പെട്രോൾ വേരിയന്റിൽ എഎംടി ഉൾപ്പെടുത്തിയിട്ടുണ്ടെന്നാണ് കമ്പനി വ്യക്തമാക്കിയിട്ടുള്ളത്.

ക്വാണ്ടോയ്ക്ക് സമാനമായ ആകാരഭംഗിയാണ് ഈ പുത്തൻ പതിപ്പിന് നൽകിയതെങ്കിലും ഒരു മോഡേൺ സ്പോർടി ലുക്ക് നൽകാനായി ഡിസൈനിൽ അല്പസ്വല്പ മാറ്റങ്ങൾ വരുത്തിയിട്ടുണ്ട്.

പുതുക്കിയ ഡിസൈനിന്റെ ഭാഗമായിട്ട് പുതിയ ഗ്രില്ല്, വലിയ ഹെഡ് ലാമ്പുകൾ,ഐബ്രോ ഡിആർഎലുകൾ, ടേൺ ഇൻഡിക്കേറ്റർ, ബോണറ്റ് സ്കൂപ്പ്, പുതുക്കിയ ബംബറും ടെയിൽ ലാമ്പും എന്നിവയാണ് ഉൾപ്പെടുത്തിയിരിക്കുന്നത്.

മോടികൂട്ടാനായി ഫൈവ് സ്പോക്ക് അലോയ് വീലുകൾ, പിന്നിലായി സ്പെയർ വീൽ എന്നിവ ഘടിപ്പിച്ചിട്ടുണ്ട്.

സുരക്ഷയ്ക്കായി രണ്ട് എയർബാഗുകളാണ് ഈ വാഹനത്തിൽ ഉൾപ്പെടുത്തിയിരിക്കുന്നത്. എല്ലാ ബേസ് വേരിയന്റിലും സുരക്ഷാസംവിധാനങ്ങൾ നൽകിയിട്ടുണ്ട്.

മഹീന്ദ്ര സ്‌കോർപിയോ എക്സ്‌യുവി 500 പുതുക്കിയ വിലയിൽ