കൂടുതൽ കരുത്തുറ്റവനായി മഹീന്ദ്ര ടിയുവി300 വിപണിയിൽ

1.5ലിറ്റർ എംഹോക്ക് 100 ഡീസൽ എൻജിൻ ഉൾപ്പെടുത്തിയ ടിയുവി300നെ 8.87ലക്ഷമെന്ന ആകർഷകമായ വിലയിലാണ് എത്തിച്ചിരിക്കുന്നത് (മുംബൈ എക്സ്ഷോറൂം).

100ബിഎച്ച്പിയും 240എൻഎം ടോർക്കുമാണ് ഈ പുതിയ എൻജിൻ ഉല്പാദിപ്പിക്കുന്നത്. ഓപ്ഷണൽ മാനുവലും പുതിയതായി നൽകിയിട്ടുള്ള എഎംടിയും ഈ എൻജിനിൽ ഉൾപ്പെടുത്തിയിരിക്കും.

കരുത്ത് കുറവാണെന്നുള്ള കസ്റ്റമർ ഫീഡ്ബാക്കിനെ തുടർന്നാണ് പുതിയ എംഹോക്ക്100 എൻജിൻ ടോപ്പ് വേരിയന്റിൽ ഉൾപ്പെടുത്താനുള്ള കാരണം.

പുതിയ എൻജിൻ ഉൾപ്പെടുത്തിയെന്നല്ലാതെ വേറെയൊരു മാറ്റവും ഈ വേരിയന്റിൽ ഉൾപ്പെടുത്തിയിട്ടില്ല.

മഹീന്ദ്ര ഇന്ത്യയിൽ ഇതുവരെയായി ടിയുവിയുടെ 25,000ത്തിലധികം യൂണിറ്റുകളാണ് വിറ്റഴിച്ചിട്ടുള്ളത്.

പുതിയ എൻജിന്റേയും എഎംടിയുടേയും ഉൾപ്പെടുത്തൽ വില്പനയിൽ ഗണ്യമായ വർധനവ് വരുത്തുമെന്നാണ് കമ്പനി പ്രതീക്ഷിക്കുന്നത്.

ഭാവിയിൽ കുറെയേറെ സവിശേഷതകൾ ഉൾപ്പെടുത്തിയിട്ടുള്ള പുതിയ വാഹനങ്ങളെ വിപണിയിലെത്തിക്കാനുള്ള ഒരുക്കത്തിലാണ് മഹീന്ദ്ര.

മാരുതി സ്വിഫ്റ്റ് എഎംടി ഉടൻ വിപണിയിൽ

ഒരു മാസംകൊണ്ട് ടിയാഗോ ടാറ്റയുടെ ബെസ്റ്റ് സെല്ലിംഗ് കാർ