ക്വിഡ്, റെഡി-ഗോ എഫക്ട് ;ഓൾട്ടോയ്ക്ക് വമ്പിച്ച ഓഫർ

82,000രൂപയുടെ ആനുകൂല്യമാണ് ദില്ലിയിൽ ഓൾട്ടോ 800ന് ഏർപ്പെടുത്തിയിരിക്കുന്നത്.

മുംബൈയിലെ ഉപഭോക്താക്കൾക്കായി 55,000രൂപയുടെ ഡിസ്കൗണ്ടാണ് നൽകിയിട്ടുള്ളത്. ഓഫറുകൾ പരിമിതക്കാലത്തേക്ക് മാത്രമാണെന്നാണ് മാരുതി അറിയിച്ചിട്ടുള്ളത്.

എക്സ്സേഞ്ച് ബോണസ്, ലോയൽറ്റി ബോണസ്, കോർപ്പറേറ്റ്, ഗവൺമെന്റ് ആനുകൂല്യങ്ങൾ എന്നിവയും ഈ ഓഫറിൽ ഉൾപ്പെടും.

ഓൾട്ടോ 800 എൽഎക്സ്ഐ ട്രിമിനാണ് നിലവിൽ ഓഫർ നൽകിയിട്ടുള്ളത്. ദില്ലി എക്സ്ഷോറൂം 2.45ലക്ഷമാണ് ഓൾട്ടോ ബേസ് വേരിയന്റിന്റെ വില.

ഓൾട്ടോ 800ന് കരുത്തേകാനായി 796സിസി ഇൻലൈൻ ത്രീ സിലിണ്ടർ ലിക്വിഡ് കൂൾഡ് പെട്രോൾ എൻജിനാണ് മാരുതി ഉപയോഗിച്ചിരിക്കുന്നത്.

47ബിഎച്ച്പിയും 69എൻഎം ടോർക്കും ഉല്പാദിപ്പിക്കുന്ന എൻജിനിൽ 5സ്പീഡ് മാനുവൽ ഗിയർബോക്സാണ് നൽകിയിട്ടുള്ളത്.

ഓൾട്ടോ 800ന്റെ സിഎൻജി വേരിയന്റും നിലവിൽ ലഭ്യമാണ്. റെഡി-ഗോ വളരെ കുറഞ്ഞനിരക്കിൽ എത്തിയതിനാലാണ് മാരുതി ഈ ഓഫറുകൾ ലഭ്യമാക്കുന്നത്.

പുതുമകൾ ഏറെയുണ്ട് ഓൾട്ടോയിൽ; അറിയാം

കാർപ്രേമികൾക്ക് ഹരമാകാൻ നിസ്‌മോ