ക്രാഷ് ടെസ്റ്റിൽ മികവ്പുലർത്തി ബലെനോ

യൂറോ എൻസിഎപി ക്രാഷ് ടെസ്റ്റിൽ ബലെനോയുടെ രണ്ട് വേരിയന്റാണ് പരിശോധനയ്ക്ക് വിധേയമാക്കിയത്.

അതിൽ സ്റ്റാൻന്റേഡ് ബലെനോ മോഡലുകൾക്ക് ത്രീ സ്റ്റാർ റേറ്റിംഗ് ലഭിച്ചു.

ഓപ്ഷണൽ സേഫ്റ്റി ഫീച്ചറുകൾ ഉൾപ്പെടുത്തിയ പ്രീമിയം ഹാച്ച്ബാക്കിന് ഫോർ സ്റ്റാർ റേറ്റിംഗാണ് ലഭിച്ചത്.

ഇന്ത്യയിൽ നിന്നാണിപ്പോൾ ബലെനോയുടെ നിർമാണവും കയറ്റുമതിയും നടത്തുന്നത്.

സുരക്ഷയുടെ ഭാഗമായി റഡാർ ബ്രേക്ക് അസിസ്റ്റ് ഉൾപ്പെടുത്തിയവയാണ് യൂറോപ്പ്യൻ മോഡലുകൾ. എന്നാൽ ഇന്ത്യയിൽ ഇവ ഉപയോഗിക്കുന്നതിനുള്ള അനുമതി ഇതുവരെ ലഭിച്ചിട്ടില്ല.

ഡ്യുവൽ ഫ്രണ്ട് എയർബാഗുകൾ, സൈഡ് എയർബാഗുകൾ, സീറ്റ് ബെൽറ്റ് പ്രീടെൻഷനർ, ലോഡ് ലിമിറ്റർ, സീറ്റ് ബെൽറ്റ് റിമൈൻഡർ, എബിഎസ്, ഇബിഡി എന്നീ സ്റ്റാന്റേഡ് സേഫ്റ്റി ഫീച്ചറുകൾ ഉൾപ്പെടുത്തിയ മോഡലാണ് പരിശോധനയ്ക്ക് വിധേയമാക്കിയത്.

മുതിർന്നവരുടെ സുരക്ഷയ്ക്ക് 80%, കുട്ടികളുടെ സുരക്ഷയ്ക്ക് 73%, കാൽനടക്കാരുടെ സുരക്ഷയ്ക്ക് 65%, സേഫ്റ്റി അസിസ്റ്റന്റ് സിസ്റ്റത്തിന് 43% സ്‌കോറാണ് ലഭിച്ചിരിക്കുന്നത്.

ഇന്ത്യൻ റോഡിൽ നടപ്പിലാക്കിയിട്ടുള്ള എല്ലാ സുരക്ഷാ ക്രമീകരണങ്ങളും പാലിച്ചിട്ടുള്ള വാഹനമാണിത്. അതിനാൽ വാഹനം വാങ്ങിക്കുന്നതിൽ സുരക്ഷയൊരു തടസമാകില്ല.

ഇന്ത്യയിലിപ്പോൾ ക്രാഷ് ടെസ്റ്റ് നിർബന്ധമാക്കിയില്ലെങ്കിലും വരും വർഷങ്ങളിൽ കൂടുതൽ മുൻഗണന നൽകുന്നതായിരിക്കും.

മാരുതി കുതിക്കുന്നു ക്വിഡ് പിന്നാലെ ഹ്യുണ്ടായ് തകർന്നു

പുതിയ ഇക്കോസ്പോർട് അടുത്തവർഷം വിപണിയിൽ

മഹീന്ദ്രയുടെ മിനി ബൊലേറോയ്ക്കായി കാത്തിരിക്കൂ