ബ്രെസ, ബലെനോ കുതിക്കുന്നു; ഇഗ്നിസ് വരവിന് തടസം

മികച്ച രീതിയിൽ വിറ്റഴിക്കപ്പെടുന്ന വിറ്റാര ബ്രെസ, ബലെനോ മോഡലുകളുടെ ബുക്കിംഗ് തുടർന്നു കൊണ്ടിരിക്കുന്നു അതോടൊപ്പം വെയിറ്റിംഗ് പീരീഡും ക്രമാധീതമായി വർധിച്ചിരിക്കുകയാണ്.

ഈ മോഡലുകളുടെ പ്രോഡക്ഷൻ കൂട്ടുന്നത് വഴി ഇവയ്ക്കുള്ള വെയിറ്റിംഗ് പിരീഡ് കുറയ്ക്കാമെന്നതിനാലാണ് ചെറു എസ്‌യുവി ഇഗ്നിസിന്റെ ലോഞ്ച് നീട്ടി വെയ്ക്കുന്നത്.

അതുകൊണ്ട് ഇഗ്നിസിന്റെ പ്രോഡക്ഷനും മുൻപേ പറഞ്ഞതിൽ നിന്ന് രണ്ട് മാസം വൈകിയാണ് ആരംഭിക്കുക.

ഇക്കഴിഞ്ഞ ദില്ലി ഓട്ടോഎക്സ്പോയിലൂടെ ഇന്ത്യൽ അരങ്ങേറ്റം കുറിക്കുന്നതിന് മുൻപ് 2015 ടോക്കിയോ മോട്ടോർ ഷോയിലായിരുന്നു ഇഗ്നിസിന്റെ ആദ്യ പ്രദർശനം നടത്തിയിരുന്നത്.

സ്വിഫ്റ്റിൽ ഉപയോഗിച്ചിട്ടുള്ള അതെ എൻജിനാണ് ഇഗ്നിസിലും നൽകിയിട്ടുള്ളത്. ഓട്ടോമറ്റിക് വാഹനങ്ങളുടെ വർധിച്ച് വരുന്ന ഡിമാന്റ് മാനിച്ച് സിവിടി ഓട്ടോമറ്റിക് ഗിയർബോക്സ് ഉൾപ്പെടുത്തിയാണ് ഇഗ്നിസ് എത്തുന്നത്.

1.2ലിറ്റർ പെട്രോൾ, 1.3ലിറ്റർ ഡീസൽ എന്നീ വകഭേദങ്ങളിലാണ് മസിലൻ ആകാരഭംഗിയുള്ള ഈ ചെറു എസ്‌യുവി എത്തുന്നത്.

ട്രാൻസ്മിഷനെ കുറിച്ച് പറയുകയാണെങ്കിൽ സിവിടിക്കൊപ്പം ഒരു 5സ്പീഡ് മാനുവൽ ട്രാൻസ്മിഷൻ കൂടി ഉൾപ്പെടുത്തിയിട്ടുണ്ട്.

83 ബിഎച്ച്പിയും 115എൻഎം ടോര്‍ക്കും നൽകുന്ന 1.2ലിറ്റർ പെട്രോൾ എൻജിന് 20.4km/l മൈലേജാണുള്ളത്.

1.3ലിറ്റർ ഡീസൽ എൻജിൻ 74ബിഎച്ച്പിയും 180എൻഎം ടോർക്കും നൽകുന്നതോടൊപ്പം 25.2km/l മൈലേജും വാഗ്ദാനം ചെയ്യുന്നു.

മുഖംമിനുക്കി ഹോണ്ട സിആർവി എത്തുന്നു

3 പുതിയ സ്‌കോഡ എസ്‌യുവികൾ ഇന്ത്യയിലേക്ക്...