2020 ഓടെ ചെറിയ ഡീസൽ കാർ നിർമാണം മൊത്തമായി നിലച്ചേക്കാം...

കൂടാതെ 2020 ഓടുകൂടി ഇന്ത്യൻ ഗവൺമെന്റ് യൂറോ VI ചട്ടവട്ടങ്ങൾ നിർബന്ധമാക്കനുള്ള തയ്യാറെടുപ്പിലാണ്. അതനുസരിച്ച് വാഹന നിർമാതാക്കളും കാറുകളിൽ ചില മാറ്റങ്ങളും വരുത്തേണ്ടതായി വരും.

ഈ നിയമം നടപ്പിലാക്കുന്നതോടു കൂടി ഇന്ത്യയിൽ ഡീസൽ ചെറു കാറുകളുടെ നിർമാണം പൂർണമായും നിർത്തലാക്കേണ്ടതായും വരുമെന്ന് മാരുതി സുസുക്കി ചെയർമാൻ ആർസി ഭാർഗവ വ്യക്തമാക്കി. ചെറിയ ഡീസൽ കാറുകളാണ് കൂടുതൽ മലിനീകരണമുണ്ടാക്കുന്നതെന്നും അദ്ദേഹം വ്യക്തമാക്കി.

പഴയ സാങ്കേതികത ഉപയോഗിച്ച് ബൈക്ക് നിർമാണം നടത്തിക്കൊണ്ടിരിക്കുന്നതിനാൽ മലിനീകരണത്തിന് ഒരുപരിധിയോളം ബൈക്കുകളും കാരണമാകുന്നുവെന്ന് ഭാർഗവ അഭിപ്രായപ്പെട്ടു.

ബൈക്കുകൾക്കായി ബിഎസ്III ചട്ടങ്ങളാണ് ഇന്ത്യ പിൻതുടരുന്നത്. മലിനീകരണം പൂർണമായും ഒഴിവാക്കണമെന്ന് അനുശാസിക്കുന്ന ബിഎസ്IV ഏപ്രിൽ 2017 മുതൽ ഇന്ത്യയിൽ പ്രാബല്യത്തിൽ വരും.

ഇന്ത്യയിൽ ബിഎസ് VI മലിനീകരണ നിയമങ്ങൾ നിലവിൽ വരുന്നതോടെ ഡീസൽ കാറുകളുടെ വിലയിൽ വൻ വർധനവ് നേരിടാനുള്ള സാധ്യതയുണ്ട്. അതുകൊണ്ട് തന്നെ മാരുതി ചെറിയ ഡീസൽ കാറുകളുടെ നിർമാണത്തിൽ നിയന്ത്രണമേർപ്പെടുത്തുവാനുള്ള തീരുമാനം കൈകൊണ്ടിരിക്കുകയാണ്.

ബിഎസ് VI എമിഷൻ ചട്ടങ്ങളെ അനുസൃതമാക്കാൻ നിലവിലുള്ള ഡീസൽ എൻജിനുകളിൽ ക്രമാധീതമായ മാറ്റങ്ങൾ വരുത്തേണ്ടതായിട്ടുണ്ട്. അതേസമയം പെട്രോൾ എൻജിനിൽ വലിയ മാറ്റങ്ങൾ ആവശ്യമായി വരില്ല.

ഇക്കാരണത്താൽ ഡീസൽ, പെട്രോൾ കാറുകളുടം വിലയിൽ വലിയ അന്തരമുണ്ടാകാനുള്ള സാധ്യതയുണ്ട്.

ഇപ്പോൾ മാരുതി, ഹ്യുണ്ടായ് പോലുള്ള നിർമാതാക്കൾ പെട്രോൾ കാറുകളുടെ ഇന്ധനക്ഷമത വർധിപ്പിക്കുന്ന തരത്തിലുള്ള മൈൽ ഹൈബ്രിഡ് സാങ്കേതികതയ്ക്കാണ് ഊന്നൽ കൊടുക്കുന്നത്.

കാറുകളിൽ ഈ സാങ്കേതികത നടപ്പിലാക്കുന്നതോടെ ഗവൺമെന്റിന്റെ ഫെയിം സ്കീം ബാധകമാവുകയും അതുമുഖേന പെട്രോൾ കാർ വിലയിൽ വൻ കുറവു വരുത്തുവാനും സാധിക്കും.

മാരുതിയെ തറപ്പറ്റിക്കുമെന്ന ഭീഷണിമുഴക്കി ഹ്യുണ്ടായ്

നിരത്തുകൾ കീഴടക്കാൻ പുതിയ സ്വിഫ്റ്റ് വരുന്നു