സ്വിഫ്റ്റിന്റെ ഡെക്കാഎഡിഷനുമായി മാരുതി; വില 5.94ലക്ഷം മുതൽ

പുതിയ റൂഫ് സ്പോയിലറും സൈഡ് സ്കേട്ടുകളും ഉൾപ്പെടുത്തിയാണ് പുത്തൻ എഡിഷൻ അവതരിച്ചിരിക്കുന്നത്.

ഫുട്ട്ബോൾ കളിക്കാരുടെ ജേഴ്സിയിലുള്ള പത്താം നമ്പറിനെ സൂചിപ്പിക്കും വിധം നമ്പർ 10 എന്നും കാറിന്റെ മുൻ ഡോറിൽ നൽകിയിരിക്കുന്നതായി കാണാം.

പതിവ് സിൽവർ ഫിനിഷിംഗിനു പകരം ഗ്ലോസി ബ്ലാക്ക് ഫിനിഷിംഗാണ് വീൽ കവറുകൾക്ക് നൽകിയിരിക്കുന്നത്.

ടച്ച് സ്ക്രീൻ ഇൻഫോടെയിൻമെന്റ് സിസ്റ്റം, 6 ഇഞ്ച് സോണീ സ്പീക്കറുകൾ, ബ്ലാക്ക്-റെഡ് നിറങ്ങളിലുള്ള സീറ്റുകൾ, സ്റ്റിയറിംഗ് വീൽ കവർ, ഫ്രണ്ട് ആം റെസ്റ്റ്, ക്യാമറയോടുകൂടിയ റിവേഴ്സ് പാർക്കിംഗ് സിസ്റ്റം എന്നിവയ്ക്കൊയാണ് അകത്തളത്തിലെ സവിശേഷതകളായി പറയാവുന്നത്.

ഡോർ സിൽ ഗാർഡ്, ആംബിയന്റ് ലൈറ്റ്, സെന്റർ കൺസോളിൽ കാർബൺ ഫൈബർ ഫിനിഷിംഗ്, ഫ്ലോർ മാറ്റ്, ഗിയർ ബൂട്ട് കവർ എന്നീ സവിശേഷതകളും ഈ പ്രത്യേക പതിപ്പിലുണ്ട്.

കടും ചുവപ്പ് നിറത്തിലും വെള്ളനിറത്തിലുമാണ് പത്താം നമ്പർ ഫുട്ട്ബോൾ കളിക്കാരുടെ വിജയത്തെ ആദരിച്ചുക്കൊണ്ടുള്ള ഈ എഡിഷൻ ഇറക്കിയിരിക്കുന്നത്.

സ്പോർടി, സ്റ്റൈലിഷ് ലുക്കിൽ പുതിയ ഫീച്ചറുകൾ ഉൾപ്പെടുത്തി എത്തിയ ഈ എഡിഷൻ പെർഫോമൻസിനും പ്രാധാന്യം നൽകുന്നു.

സ്വിഫ്റ്റിന്റെ സ്റ്റാൻന്റേഡ് വിഎക്സ്ഐ(ഒ) മോഡലുകളേക്കാൾ 22,555രൂപ കൂടുതലാണ് ഡെക്കാ എഡിഷന്. അതുപോലെ വിഡിഐ(ഒ) യേക്കാൾ 30,319രൂപ അധിക നിരക്കിലാണ് വിഡിഐ ഡെക്കാഎഡിഷൻ ലഭ്യമാവുക.

ഇതിനുപുറമെ അക്സെസറി കിറ്റുകൾക്കായി 18,000രൂപയുടെ ആനുകൂല്യവും ഡെക്കാഎഡിഷന് ഏർപ്പെടുത്തിയിട്ടുണ്ട്.

ഓഡി ക്യു2 മിനി എസ്‌യുവിയുമായി ഇന്ത്യയിലേക്ക്