ബലെനോ സ്റ്റൈലിൽ സ്വിഫ്റ്റിനൊരു വേഷപകർച്ച

നിലവിലുള്ള മോഡലിനേക്കാൾ നീളവും വീതിയും കൂടുതലാണ് പുത്തൻ സ്വിഫ്റ്റിന്. ഡൈമൻഷൻ കൂടിയാലും ബലെനോയിലുള്ള ഭാരം കുറഞ്ഞ ചാസി ഉപയോഗിക്കുന്നത് കാരണം കാറിന്റെ ഭാരം താരതമ്യേന കുറയ്ക്കാൻ സാധിച്ചിട്ടുണ്ട്.

ഇതു കാരണം കൂടുതൽ മൈലേജും പെർഫോമൻസും കൂടാതെ കുറഞ്ഞ എമിഷനുമായിരിക്കും പുതിയ സ്വിഫിറ്റിന് ഉണ്ടാവുക.

സ്വിഫ്റ്റിന്റെ ഘടനയ്ക്ക് മാറ്റം വരുത്താതെ അകത്തളത്തിലും പുറമെയുമായിട്ട് ചില ഡിസൈൻ പരിവർത്തനങ്ങളാണ് കൂടുതലായും ഉൾക്കൊള്ളിച്ചിട്ടുള്ളത്.

ഹെക്സാഗണൽ ഗ്രില്ല്, ഫോഗ് ലാമ്പിന് ചുറ്റുമായുള്ള എയർ ഇൻടേക്കുകൾ, പുതുക്കിയ ഹെഡ് ലാമ്പുകൾ എന്നീ പുതുമകളാണ് വരുത്തിയിട്ടുള്ളത്.

സ്ലോപ്പിംഗ് റൂഫ് ലൈൻ, കറുത്ത സി-പില്ലറുകൾ, ബൾജ് ചെയ്ത് നിൽക്കുന്ന വീൽ ആർച്ചുകൾ, അലോയ് വീലുകൾ എന്നിവയാണ് മറ്റ് പ്രത്യേകതകൾ.

ഇതുകൂടാതെ പിൻവശത്തായി പുതിയ ടെയിൽ ലാമ്പുകളും ബംബറുകളും ഉൾപ്പെടുത്തിയിട്ടുണ്ട്.

പുതിയ സ്വിഫ്റ്റിന്റെ അകത്തളത്തിൽ മൊത്തത്തിൽ പുതുക്കി പണിതിട്ടുള്ള ഡാഷ് ബോർഡാണ് നൽകിയിട്ടുള്ളത്.

ഇതിൽ ടച്ച് സ്ക്രീൻ ഇൻഫോടെയിൻമെന്റ് സിസ്റ്റം, ട്വിൻ-പോഡ് ഇൻസ്ട്രുമെന്റ് ക്ലസ്റ്റർ, ചെറിയ ടിഎഫ്ടി ക്ലസ്റ്റർ എന്നിവ ഉൾപ്പെടുത്തിയിട്ടുണ്ട്. വേറെ പുതുമയായിട്ടുള്ളത് മൾട്ടിഫംഗ്ഷൻ സ്റ്റിയറിംഗ് വീലാണ്.

ഒരു ഡീസൽ, രണ്ട് പെട്രോൾ എൻജിൻ എന്ന കണക്കിൽ മൂന്ന് എൻജിൻ ഓപ്ഷനുകളാണ് പുതുക്കിയ സ്വിഫ്റ്റിൽ ഉൾപ്പെടുത്തിയിരിക്കുന്നത്.

1.3ലിറ്റർ എംജെഡി(മൾട്ടി ജെറ്റ് ഡീസൽ) ഡീസൽ എൻജിനും പെട്രോൾ എൻജിനുകളായി 1.0ലിറ്റർ ബൂസ്റ്ററ്‍ജെറ്റ്, 1.2ലിറ്റർ കെ-സീരീസ് എൻജിനുകളും നൽകിയിട്ടുണ്ട്.

ടവേരയുടെ പുത്തൻ പതിപ്പിറങ്ങുന്നു

ലോഞ്ചിന് മുൻപെ വിറ്റഴിക്കപ്പെട്ടുവത്രെ ഈ ആസ്റ്റിൻ മാർട്ടിൻ കാർ