മെഴ്സിഡസ് പുതിയ ഇ-ക്ലാസ് കൂപ്പെ പുറത്തിറക്കി!!!

എസ്-ക്ലാസ്, സി-ക്ലാസ് കൂപ്പെകളിൽ നിന്നും പ്രചോദനം കൊണ്ടുള്ള രൂപകല്പനയാണ് ഇ-ക്ലാസ് കൂപ്പെയ്ക്ക് നൽകിയിരിക്കുന്നത്.

എൽഇഡി ഹെഡ്‌ലാമ്പ്, മെഴ്സിഡസിന്റെ ത്രീ പോയിന്റ് സ്റ്റാറുള്ള ട്വിൻ ബ്ലേഡ് ഗ്രിൽ എന്നീ സവിശേഷതകളാണ് കാറിന്റെ മുൻഭാഗത്തായുള്ളത്.

അതേസമയം എൽഇഡി ടെയിൽലാമ്പ്, ബൂട്ട് ലിപ് സ്പോയിലർ, എക്സോസ്റ്റ് എന്നിവയാണ് പിൻഭാഗത്തെ പ്രത്യേകതകൾ.

12.3ഇഞ്ച് ഡിസ്പ്ലെ, ഇൻസ്ട്രുമെന്റ് ക്ലസ്റ്റർ, 23 സ്പീക്കർ സൗണ്ട് സിസ്റ്റം, വൃത്താകൃതിയിലുള്ള എയർ വെന്റുകൾ, പുതുക്കിയ സീറ്റ് എന്നിവയൊക്കെയാണ് അകത്തളത്തിലെ സവിശേഷതകളായി പറയാവുന്നത്.

മോഡുലാർ റിയർ ആർകിടെക്ചർ എന്ന മെഴ്സിഡസ് പ്ലാറ്റ്ഫോമിനെ അടിസ്ഥാനപ്പെടുത്തിയിട്ടുള്ളതാണ് ഇ-ക്ലാസ് കൂപ്പെ.

4826എംഎം നീളവും 1860എംഎൺ വീതിയും 1430എംഎം ഉയരവും, 2873എംഎം വീൽബേസുമാണ് ഈ കൂപ്പെയ്ക്കുള്ളത്.

കൂടുതൽ സ്ഥല സൗകര്യം പ്രദാനം ചെയ്തുകൊണ്ട് 74എംഎം ലെഗ് സ്പേസ്, 15എംഎം ഹെ‌ഡ് റൂം, 34എംഎം ഷോൾഡർ റൂം, 13എംഎം എൽബോ റൂം എന്നിവയും ഉൾക്കൊള്ളിച്ചിട്ടുണ്ട്.

മൂന്ന് പെട്രോൾ, ഒരു ഡീസൽ വേരിയന്റുകളായാണ് പുതിയ ഇ-ക്ലാസ് കൂപ്പെ ലഭ്യമായിട്ടുള്ളത്.

191ബിഎച്ച്പിയും 400എൻഎം ടോർക്കും നൽകുന്നതാണ് ഇ220ഡിയിലുള്ള 2.0ലിറ്റർ ടർബോചാർജ്ഡ് ഫോർ സിലിണ്ടർ ഡീസൽ എൻജിൻ. 9 സ്പീഡ് ഓട്ടോമാറ്റിക് ഗിയർബോക്സാണ് ഈ എൻജിനിൽ ചേർത്തിരിക്കുന്നത്.

പെട്രോൾ വേരിയന്റുകളായ ഇ200, ഇ300 കൂപ്പെയിൽ 2.0ലിറ്റർ ടർബോചാർജ്ഡ് എൻജിനാണ് കരുത്തേകുന്നത്. 9 സ്പീഡ് ഗിയർബോക്സും ഇതിൽ ഉൾക്കൊള്ളിച്ചിട്ടുണ്ട്.

ഇ200 കൂപ്പെയ്ക്ക് കരുത്തേകുന്ന എൻജിൻ 181ബിഎച്ച്പിയും 300എൻഎം ടോർക്കുമാണ് സൃഷ്ടിക്കുന്നത്. അതേസമയം ഇ300 വേരിയന്റ് 241ബിഎച്ച്പിയും 370എൻഎം ടോർക്കുമാണ് ഉല്പാദിപ്പിക്കുന്നത്.

ടോപ്പ് എന്റ് വേരിയന്റായ ഇ400 ന് കരുത്തേകാൻ 328ബിഎച്ച്പിയും 480എൻഎം ടോർക്കുമുള്ള 3.0ലിറ്റർ ട്വിൻ ടർബോചാർജ്ഡ് എൻജിനാണ് നൽകിയിട്ടുള്ളത്. ചക്രങ്ങളിലേക്ക് പവർ എത്തിക്കാൻ 9 സ്പീഡ് ഗിയർബോക്സും നൽകിയിട്ടുണ്ട്.

5.3 സെക്കന്റുകൊണ്ട് പൂജ്യത്തിൽ നിന്നു 100 കിലോമീറ്റർ വേഗത കൈവരിക്കുന്ന ഇ400ന് 250km/h ആണ് ഉയർന്ന വേഗത.

ബേസ് സ്റ്റീൽ സ്പ്രങ് ഡിറക്ട് കൺട്രോൾ സിസ്റ്റം, സ്റ്റീൽ സ്പ്രങ് ഡൈനാമിക് ബോഡി കൺട്രോൾ സിസ്റ്റം, എയർ ബോഡി കൺട്രോൾ സിസ്റ്റം, മൾട്ടി ചാംബർ എയർ സ്പ്രിങ് എന്നീ മൂന്ന് സസ്പെൻഷൻ ഓപ്ഷനുകളാണ് ഈ കൂപ്പെയിൽ ഉള്ളത്.

എക്കോ, കംഫേർട്, സ്പോർട്, സ്പോർട് പ്ലസ് എന്നീ നാല് വ്യത്യസ്ത ഡ്രൈവിംഗ് മോഡുകളും ഈ എല്ലാ ഇ-ക്ലാസ് കൂപ്പെയിലും ഉൾപ്പെടുത്തിയിട്ടുണ്ട്.

അടുത്ത വർഷം ഏപ്രിലിലേക്കാണ് പുതിയ ഇ-ക്ലാസ് കൂപ്പെകളുടെ ഡെലിവറി നിശ്ചയിച്ചിരിക്കുന്നത്.