പുത്തൻ ബെൻസ് എഎംജി പെർഫോമൻസ് കാർ ഇന്ത്യയിൽ

മെഴ്സിഡസ് ബെൻസിന്റെ പെർഫോമൻസ് കാർ വിഭാഗമായ എഎംജിയിലേക്ക് ഒരു പുത്തൻ കാർ കൂടി എത്തിയിരിക്കുന്നു.

20 വർഷത്തിന് ശേഷം പുത്തൻ പേരിലും പുത്തൻ അവതാരത്തിലുമാണ് ഈ കാർ എത്തിയിരിക്കുന്നത്.

3.0ലിറ്റർ ബൈ-ടർബോ വി6 എൻജിനാണ് പുതിയ സിഎൽസി 43ക്ക് കരുത്തേകുന്നത്. 362ബിഎച്ച്പിയും 520എൻഎം ടോർക്കും നൽകുന്ന എൻജിനിൽ 9സ്പീഡ് ഓട്ടോമാറ്റിക് ട്രാൻസ്മിഷനാണ് നൽകിയിരിക്കുന്നത്.

പൂജ്യത്തിൽ നിന്ന് 100കിലോമീറ്റർ വേഗത കൈവരിക്കാൻ വെറും 4.7സെക്കന്റു മാത്രം മതി. മണിക്കൂറിൽ 250കി.മി വേഗതയാണ് ഈ കാറിനുള്ളത്.

ആൻഗുലാർ ഹെഡ്‌ലാമ്പ്, ലോഗോ പതിപ്പിച്ചിട്ടുള്ള സിങ്കിൾ സ്ലാറ്റ് ഗ്രിൽ, വലിയ എയർഡാം, എൽഇഡി ഡെ ടൈം റണ്ണിംഗ് ലാമ്പ് എന്നീ ഫീച്ചറുകളാണ് മുൻഭാഗത്തിന്റഎ മോടികൂട്ടുന്നത്.

പിൻവശത്ത് പുതുക്കിയ ബംബറും, ക്രോം ടിപ്പോടുകൂടിയ ഡ്യുവൽ എക്സോസ്റ്റും, പുതുക്കിയ ടെയിൽ ലാമ്പുമാണ് പ്രധാന സവിശേഷതകളായി പറയാനുള്ളത്.

മണിക്കൂറിൽ 40കി.മി വേഗതയിൽ ഓടിക്കൊണ്ടിരിക്കുമ്പോൾ തന്നെ പ്രവർത്തിപ്പിക്കാവുന്ന ഓട്ടോമാറ്റിക് മെറ്റൽ റൂഫാണ് ഈ വാഹനത്തിന്റെ മുഖ്യാകർഷണം.

ആൻഡ്രോയിഡ് ഓട്ടോ, ആപ്പിൾ കാർ പ്ലെ എന്നിവയടക്കമുള്ള 4 ഇഞ്ച് ഇൻഫോടെയിൻമെന്റ് സിസ്റ്റം, പുതുക്കിയ അപ്ഹോൾസ്ട്രെ, ലെതർസീറ്റ് എന്നിവയാണ് അകത്തളത്തിലെ സവിശേഷതകൾ.

ഇന്ത്യൻ വിപണിയിലുള്ള ഓഡി ടിടി, ബിഎംഡബ്ല്യൂ സെഡ്4 എന്നീ കാറുകളുമായി കൊമ്പുകോർക്കാനാണ് പുതിയ മെഴ്സിഡസ് ബെൻസ് എഎംജി എസ്എൽസി 43 റോഡ്സ്റ്ററിന്റെ വരവ്.

ബലെനോയെ വെല്ലുവിളിച്ച് പുത്തൻ ടെക്നോളജിയുമായി ഹ്യുണ്ടായ്

നിരത്തിലിറങ്ങാനിരിക്കുന്ന പുത്തൻ റിനോ കാറുകൾ