ന്യൂജനറേഷൻ സ്വിഫ്റ്റിനെ അടുത്തറിയാം

സ്വിഫ്റ്റിന്റെ ഘടനയ്ക്ക് മാറ്റം വരുത്താതെ അകത്തളത്തിലും പുറമെയുമായിട്ട്ചില ഡിസൈൻ പരിവർത്തനങ്ങൾ നടത്തിയിട്ടുണ്ട്. ഹെക്സാഗണൽ ഗ്രില്ല്, ഫോഗ് ലാമ്പിന് ചുറ്റുമായുള്ള എയർ ഇൻടേക്കുകൾ, പുതുക്കിയ ഹെഡ് ലാമ്പുകൾ എന്നീ പുതുമകളാണ് വരുത്തിയിട്ടുള്ളത്.

സ്ലോപ്പിംഗ് റൂഫ് ലൈൻ, കറുത്ത സി-പില്ലറുകൾ, ബൾജ് ചെയ്ത് നിൽക്കുന്ന വീൽ ആർച്ചുകൾ, അലോയ് വീലുകൾ എന്നിവയാണ് മറ്റ് പ്രത്യേകതകൾ.

പിൻവശത്തെ ഡോർ ഹാന്റിൽ വിൻഡോയുടെ കോര്‍ണറിലായ് മറിഞ്ഞിരിക്കത്തക്ക രീതിയിലാണ് രുപകല്പന നടത്തിയിട്ടുള്ളത്. ഇതുകൂടാതെ പിൻവശത്തായി പുതിയ ടെയിൽ ലാമ്പുകളും ബംബറുകളും ഉൾപ്പെടുത്തിയിട്ടുണ്ട്.

പുതിയ സ്വിഫ്റ്റിന്റെ അകത്തളത്തിൽ മൊത്തത്തിൽ പുതുക്കി പണിതിട്ടുള്ള ഡാഷ് ബോർഡാണ് നൽകിയിട്ടുള്ളത്.

ഇതിൽ ടച്ച് സ്ക്രീൻ ഇൻഫോടെയിൻമെന്റ് സിസ്റ്റം, ട്വിൻ-പോഡ് ഇൻസ്ട്രുമെന്റ് ക്ലസ്റ്റർ, ചെറിയ ടിഎഫ്ടി ക്ലസ്റ്റർ എന്നിവ ഉൾപ്പെടുത്തിയിട്ടുണ്ട്. വേറെ പുതുമയായിട്ടുള്ളത് മൾട്ടിഫംഗ്ഷൻ സ്റ്റിയറിംഗ് വീലാണ്.

ബലെനോ ആർഎസിൽ ഉൾപ്പെടുത്തിയ 1.0ലിറ്റർ ടർബോചാർജ്ഡ് എൻജിനോപ്പം പതിവ് 1.2 ലിറ്റർ പെട്രോൾ എൻജിനാണ് നൽകിയിരിക്കുന്നത്. നിലവിലെ മോഡലിന് കരുത്തേകുന്ന അതെ 1.3 ലിറ്റർ ഡീസൽ എൻജിൻ തന്നെയാണ് ഉപയോഗിക്കുക.

ഈ വർഷം അവസാനത്തോടുകൂടി പുറത്തിറങ്ങുന്ന ന്യൂജറേഷൻ സ്വിഫ്റ്റ് 2017 മോഡൽ എന്ന ലേബലിലായിരിക്കും വില്പനയ്ക്കെത്തുന്നത്.

ക്വിഡ് vs ഓൾട്ടോ കെ10 ഒരു എഎംടി പോരാട്ടം