റിനോ ഡസ്റ്റർ കൂടുതൽ പുതുമകളോടെ !

By Praseetha

Updated: Tuesday, January 12, 2016, 11:42 [IST]

റിനോ ഡസ്റ്റർ എസ്‌യുവികൾ ഇതിനകം തന്നെ വിപണി കീഴടക്കിയവരാണ്. എന്നാൽ കൂടുതൽ പുതുമകൾ ഉൾക്കൊള്ളിച്ചു കൊണ്ടുള്ള ഒരു എഡിഷൻ ഇറക്കാനാണ് റിനോയുടെ ഇപ്പോഴത്തെ ശ്രമം.

പുതിയ ഡസ്റ്ററിന്റെ നിർമാണം ഫെബ്രുവരിയോടു കൂടി ചെന്നൈയിൽ ആരംഭിക്കുമെന്ന് കമ്പനി അറിയിച്ചിരിക്കുന്നു. കൂടാതെ ഇത് ദില്ലിയിൽ നടക്കുന്ന ഓട്ടോ എക്സ്പോയിൽ ഉടൻ പ്രദർശിപ്പിക്കുന്നതുമായിരിക്കും.

പുതു എഡിഷനെ കുറിച്ചുള്ള കൂടുതൽ വിവരങ്ങൾ വരും സ്ളൈഡുകളിൽ കാണാം

പുതിയ ഡസ്റ്ററിൽ കൂറയേറെ രുപമാറ്റങ്ങൾ നിങ്ങൾക്ക് പ്രതീക്ഷിക്കാം. വിദേശ രാജ്യങ്ങളിൽ വിറ്റഴിക്കുന്ന ഡേസിയ ഡസ്റ്ററിന് സമാനമായ ഡിസൈനായിരിക്കും പുതിയ എഡിഷനുണ്ടാവുക.

കമ്പനി ഈ കോംപാക്ട് എസ്‌യുവിക് ഓട്ടോമാറ്റിക് ഗിയർബോക്സുകൾ ഘടിപ്പിക്കുന്നതായിരിക്കും. ഇന്ത്യൻ വിപണിയിലെ ഇതിന്റെ വർധിച്ച് വരുന്ന ഡിമാന്റ് കണക്കിലെടുത്തു കൊണ്ടാണ് ഈ തീരുമാനം.

ഈ വാഹനത്തിന്റെ ഫ്രന്റ് ഗ്രിൽ, ഹെഡ് ലാമ്പുകൾ, കളർ ഓപ്ഷനുകള്‍, ഗ്രാഫിക്സ് എന്നിവയിൽ കൂടുതൽ പുതുമകൾ പ്രതീക്ഷിക്കാം.

മുൻഗാമിയെ വച്ച് താരതമ്യം ചെയ്തു നോക്കുമ്പോൾ പുതിയ ഡസ്റ്ററിന് മസിലൻ ആകാരഭംഗിയാണ് ഉള്ളത്. കൂടാതെ ഇതിന്റെ ഇന്റീരീയറിലും കുറെയേറെ മാറ്റങ്ങൾ വരുത്തിയിട്ടുണ്ട്.