നീളവും വലുപ്പവും കൂട്ടി ഓൾട്ടോയെ വെല്ലാൻ 'നാനോ പെലിക്കൺ'..

പുതുക്കിയ ഹെഡ്‌ലാമ്പാണ് നാനോ പെലിക്കണിൽ ഉപയോഗിച്ചതെന്ന് ചിത്രങ്ങളിൽ നിന്നും വ്യക്തമാക്കാം. മുന്നിലേയും പിന്നിലേയും ബംബറിലും ബോണറ്റിലും മാറ്റങ്ങൾ ഉൾക്കൊള്ളാൻ ശ്രമിച്ചിട്ടുണ്ടെന്നും വ്യക്തമാണ്.

പുറം ഡിസൈനിൽ മൊത്തമായും മാറ്റം വരുത്തിയിട്ടുണ്ടെന്ന് വളരെയധികം ഉറപ്പിക്കാവുന്നതാണ്. കൂടാതെ നിലവിലുള്ള 12 ഇഞ്ച് വീലുകളിൽ നിന്നും 13 ഇഞ്ച് വീലുകളാക്കിയും മാറ്റിയിട്ടുണ്ട്.

വലുപ്പമേറിയ രണ്ട് എൻജിനുകളാണ് പെലിക്കൺ ഹാച്ച്ബാക്കിൽ ടാറ്റ ഉപയോഗിച്ചിരിക്കുന്നത്. രണ്ട് എൻജിനുകളിലും മാനുവൽ, ഓട്ടോമാറ്റിക് ട്രാൻസ്മിഷനും ഉൾപ്പെടുത്തുന്നതായിരിക്കും.

55.76 മുതൽ 60.83 പിഎസ് കരുത്തുള്ള ത്രീസിലിണ്ടർ എൻജിനുകളായിരിക്കും പിലിക്കണിൽ ഉപയോഗപ്പെടുത്തുക എന്നാണ് റിപ്പോർട്ടുകൾ സൂചിപ്പിക്കുന്നത്.

അകത്തളത്തെ കുറിച്ച് പറയുകയാണെങ്കിൽ പുതുക്കിയ ഡാഷ്ബോർഡാണ് നൽകിയിട്ടുള്ളത്. മുൻ മോഡലുകളിൽ സെൻട്രൽ കൺസോളിന് മുകളിലായിട്ടായിരുന്നു സ്പീഡോമീറ്റർ നൽകിയിരുന്നത്.

അതിൽ നിന്നുമാറി ഡ്രൈവറിന് നേരെ മുന്നിലായാണ് പെലിക്കണിൽ സ്പീഡോമീറ്റർ നൽകിയിട്ടുള്ളത് എന്നാണ് എടുത്തുപറയാവുന്ന വലിയൊരു സവിശേഷത.

സെൻട്രൽ കൺസോളിൽ പുതിയ ഏസി വെന്റുകളും ഘടിപ്പിച്ചിട്ടുണ്ട്. മാത്രമല്ല ടിയാഗോയിലുള്ള ഹർമാൻ ഇൻഫോടെയിൻമെന്റ് സിസ്റ്റവും ഇതിലുൾപ്പെടുത്തിയിട്ടുണ്ട്.

മൊത്തമായുള്ള അഴിച്ചുപണികൾക്ക് ചേരുംവിധമുള്ള പുതിയ ഫാബ്രിക് അപ്ഹോൾസ്ട്രെയാണ് പെലിക്കണിന്റെ മറ്റൊരു പ്രത്യേകത.

വില സംബന്ധിച്ച വിവരങ്ങളൊന്നും കമ്പനിയിതുവരെ വെളിപ്പെടുത്തിയിട്ടില്ല. ഈ വർഷമവസാനം അല്ലെങ്കിൽ 2018 ആദ്യമാണ് നാനോ പെലിക്കൺ-ന്റെ ലോഞ്ച് പ്രതീക്ഷിക്കുന്നത്.

വിപണിയില്‍ പ്രധാനമായും മാരുതി ഓള്‍ട്ടോയെ ലക്ഷ്യം വച്ചായിരിക്കും ഈ വലിയ നാനോയുടെ വരവ്.

ക്വിഡ്, റെഡി-ഗോയ്ക്ക് എതിരാളിയായി എത്തുന്നു മാരുതിയുടെ പുത്തൻ കാർ

മാരുതിയുടെ പുത്തൻ ചെറു എസ്‌യുവി ഇഗ്നിസ് വരവായി