പുത്തൻ തലമുറ ജിമ്നിയുടെ നിർമാണത്തിനൊരുങ്ങി സുസുക്കി

ഗുജറാത്തിലുള്ള സുസുക്കിയുടെ പ്ലാന്റിൽ വച്ചായിരിക്കും പുതിയ ജിമ്നിയുടെ നിർമാണം നടത്തുന്നത്. അടുത്ത വർഷമായിരിക്കും നിർമാണം ആരംഭിക്കുക.

നിർമാണത്തിന് ശേഷം യൂറോപ്പ്, സൗത്ത് ഈസ്റ്റ് ഏഷ്യ, ബ്രസീൽ, ജപ്പാൻ എന്നിവടങ്ങളിലേക്കും കയറ്റി അയക്കുന്നതാണ്.

ബലെനോ, ഇഗ്നിസ് ഹാച്ച്ബാക്കുകളുടെ അതെ പ്ലാറ്റ്ഫോമിലായിരിക്കും ജിമ്നിയുടെ നിർമാണവും നടത്തുക. ഇതിൽ ഫോർ ഫീൽ ഡ്രൈവ് ഓപ്ഷനും കൂടി ഉൾപ്പെടുത്തും.

1.0ലിറ്റർ ടർബോ ചാർജ്ഡ് ത്രീ സിലിണ്ടർ പെട്രോൾ എൻജിനും ഓട്ടോമാറ്റിക് ഉൾപ്പെടുത്തിയ കരുത്തുറ്റ1.4ലിറ്റർ ടർബോചാർജ്ഡ് പെട്രോൾ എൻജിനുമാണ് ജിമ്നിക്ക് കരുത്തേകുക.

ബിഎസ് IV ചട്ടങ്ങൾ പ്രകാരമുള്ള പെട്രോൾ എൻജിനുകളാണ് ജിമ്നിയിൽ ഉൾപ്പെടുത്തുന്നത്.

1970കളിലാണ് ഒന്നാം തലമുറ ജിമ്നിയെ അവതരിപ്പിച്ചത്. 1981ൽ രണ്ടാം തലമുറയും 1998ൽ മൂന്നാം തലമുറ ജിമ്നിയേയും അവതരിപ്പിച്ചു.

മൂന്നാം തലമുറയ്ക്ക് ശേഷം ജിമ്നിയിൽ കാര്യമായ മാറ്റങ്ങളൊന്നും നടത്തിയിട്ടില്ല. മിനുക്കുപണികൾ നടത്തിയിട്ടുള്ള നാലാം തലമുറ ജിമ്നി 2017 പകുതിയോടെ വിപണിയിലെത്തുമെന്നാണ് പ്രതീക്ഷിക്കുന്നത്.

7 സീറ്റർ ഡസ്റ്ററുമായി റിനോ

3 പുതിയ സ്‌കോഡ എസ്‌യുവികൾ ഇന്ത്യയിലേക്ക്