നാലുമാസത്തിനുള്ളിൽ 40,000യൂണിറ്റുകൾ വിറ്റഴിച്ച് മാരുതിയുടെ ഹൈബ്രിഡ് കാറുകൾ

ഒരു മാസത്തെ കണക്ക് എടുത്ത് നോക്കുകയാണെങ്കിൽ സിയാസിന്റേയും എർടിഗയുടേയും 5000, 6000 യൂണിറ്റുകൾ വീതമാണ് വിൽക്കപ്പെടുന്നത്.

ഇന്ത്യൻ ഗവൺമെന്റിന്റെ ഫെയിം സ്കീമും എസ്‌എച്ച്‌വിഎസ് മോഡലുകളുടെ മികച്ച ഇന്ധനക്ഷമതയുമാണ് മികച്ച വിൽപനയ്ക്കുള്ള കാരണമായി കണക്കാക്കുന്നത്.

ഫെയിം സ്കീം ഉപയോഗപ്പെടുത്തി മാരുതി 29,000രൂപ വരെയുള്ള ആനുകൂല്യമാണ് ഈ ഹൈബ്രിഡ് വാഹനങ്ങൾക്ക് ഏർപ്പെടുത്തിയിട്ടുള്ളത്.

ഇന്റഗ്രേറ്റഡ് സ്റ്റാർടർ ജനറേറ്റർ ഉൾപ്പെടുത്തിയാണ് എസ്എച്ച്‌വിഎസ് മോഡലുകൾ ഇറക്കുന്നത്. ലിതിയം അയേൺ ബാറ്ററിയാണ് ഈ കാറുകളെ പ്രവർത്തിപ്പിക്കുന്നത്.

വാഹനം ഓടുമ്പോഴുണ്ടാകുന്ന കൈനറ്റിക് എനർജിയെ വൈദ്യുതോർജ്ജമാക്കി മാറ്റിയാണ് ബാറ്ററി ചാർജ് ചെയ്യപ്പെടുന്നത്.

വാഹനങ്ങളിൽ നിയന്ത്രണമേർപ്പെടുത്തി കൊണ്ട് ഏറ്റവും കൂടുതൽ മലിനീകരണമുള്ള ദില്ലി നഗരത്തെ ശുദ്ധീകരിക്കാനായി തുടങ്ങിവെച്ച ഓഡ് ഈവൺ ഫോർമുല വരുന്ന ഏപ്രിൽ 15 മുതൽ 30 വരെ വീണ്ടും നടപ്പാക്കുമെന്നതിനാൽ വരും നാളിൽ എസ്എച്ച്‌വിഎസ് മോഡലുകൾക്ക് ആവശ്യകതയേറാനുള്ള സാധ്യതയാണുള്ളത്.

മാരുതിയുടെ ഹൈബ്രിഡ് കാര്‍ അറിയേണ്ടതെല്ലാം