കൂടുതൽ കരുത്തുറ്റ എൻജിനുമായി വോൾവോ എസ്60, വി60 മോഡലുകളിറക്കി

പഴയ 3ലിറ്റർ 6 സിലിണ്ടർ എൻജിനു പകരം 2.0ലിറ്റർ 4 സിലിണ്ടർ യൂണിറ്റാണ് നൽകിയിരിക്കുന്നത്.

362ബിഎച്ച്പിയും 470എൻഎം ടോർക്കുമാണ് ഈ സൂപ്പർചാർജ്ഡ്, ടർബോചാർജ്ഡ് എൻജിൻ ഉല്പാദിപ്പിക്കുന്നത്.

വലിയ ടർബോ, പുതിയ കാംഷാഫ്റ്റുകൾ, വലിയ എയർ ഇൻടേക്ക്, ഉയർന്ന പ്രവർത്തന ക്ഷമതയുള്ള ഫ്യുവൽ പമ്പ് എന്നിവയാണ് കൂടുതൽ കരുത്ത് ലഭിക്കാനായി എൻജിനിൽ ഉൾപ്പെടുത്തിയിരിക്കുന്നത്.

നാല് വീലുകളിലേക്കും പവർ എത്തിക്കാനായി 8സ്പീഡ് ഓട്ടോമാറ്റിക് ഗിയർബോക്സാണ് നൽകിയിരിക്കുന്നത്.

4.7സെക്കന്റ് കൊണ്ടാണ് പൂജ്യത്തിൽ നിന്നും 100 കിലോമീറ്റർ വരെ വേഗത കൈവരിക്കുന്നത്. 250km/h ആണിവയുടെ ഉയർന്ന വേഗത.

20 ഇഞ്ച് ലൈറ്റ് വെയിറ്റ് അലോയ് വീലുകളും 371എംഎം സ്ലോറ്റഡ് ബ്രേക്ക് സിസ്കുകളാണിവയ്ക്ക് നൽകിയിട്ടുള്ളത്.

എസ്60 വി60 മോഡലുകളുടെ നിർമാണം വർഷത്തിൽ1,500 യൂണിറ്റുകളാക്കി ഉയർത്താനുള്ള പദ്ധതിയിലാണ് കമ്പനി.

കീലെസ് കാറുകളുടെ യുഗം വരുന്നു വോൾവോയിലൂടെ

വോൾവോ എസ്60 ക്രോസ് കൺട്രി ഇന്ത്യയിൽ