റിനോ കോളിയോസ്,ഫ്ലുവെൻസ് വിടചൊല്ലുന്നു....

ഈ രണ്ട് മോഡലുകളും സെമി-ക്നോക്കഡ് ഡൗൺ (എസ്‌കെഡി) പ്ലാറ്റ്ഫോം വഴി ഇന്ത്യയിലെത്തിച്ചതിനാൽ വിലയും താരതമ്യേന കൂടുതലാണ്. ഇക്കാരണത്താൽ തന്നെ വേണ്ടത്ര സ്വീകാര്യതയും ഈ വാഹനങ്ങൾക്ക് ലഭിച്ചില്ല.

വില കുറയ്ക്കാനും അതുവഴി വില്പന നിരക്ക് വർധിപ്പിക്കാനും റിനോ പ്രാദേശികമായ ഉല്പാദനത്തിനായിരിക്കും മുൻതൂക്കം നൽകുക. അതുവഴി ഇന്ത്യൻ നിരത്തിന് അനുയോജ്യമായ വാഹനങ്ങൾ നിരത്തിലിറക്കാനും കമ്പനിക്ക് സാധിക്കും.

ഈ തീരുമാനങ്ങൾ കണക്കിലെടുത്തുകൊണ്ട് കോളിയോസ്, ഫ്ലുവൻസ് മോഡലുകളെ നിരത്തിൽ നിന്നും പിൻവലിക്കുന്നതായിരിക്കും.

2016 ജനവരി മുതൽ ആഗസ്ത് വരെയുള്ള കണക്കെടുത്തു നോക്കുകയാണെങ്കിൽ ആഗോള വിപണിയിൽ വില്പനയുടെ കാര്യത്തിൽ റിനോയ്ക്ക് ഏഴാം സ്ഥാനമാണുള്ളത്.

എൻട്രി-ലെവൽ വാഹനം ക്വിഡാണ് റിനോയ്ക്ക് ഈ നേട്ടം കൈവരിക്കാൻ സഹായകമായത്.

റിനോ ഏറ്റവും കൂടുതലായി വിറ്റഴിച്ച കാറും ക്വിഡ് തന്നെയാണ്. ഇത് റിനോയ്ക്ക് ഇന്ത്യയിൽ ഒരു നിലയുറപ്പിക്കുന്നതിനും പ്രേരകമായി തീർന്നു.

ഇന്ത്യൻ വിപണിയിൽ ഓരോവർഷവും ഓരോ പുതിയ കാറുകളെ വീതം ഇറക്കാനുള്ള പദ്ധതി കൂടി നടപ്പിലാക്കുകയാണ് റിനോ.

അതിനു മുന്നോടിയായി മാരുതി വിറ്റാര ബ്രെസ, ഫോഡ് ഇക്കോസ്പോട് വാഹനങ്ങൾക്ക് കടുത്ത വെല്ലുവിളിയുയർത്താൻ പുതിയ കോംപാക്ട് എസ്‌യുവിയെ നിരത്തിലെത്തിക്കാനുള്ള തയ്യാറെടുപ്പിലാണ് റിനോ.

വില്പനയിൽ ചരിത്രം സൃഷ്ടിച്ച് പുത്തൻ ഫോർച്യുണർ

730 കുരിതശക്തിയുള്ള പുതുപുത്തൻ ലംബോർഗിനി കാർ അവതരിച്ചു