23.02km/l മൈലേജുമായി കരുത്തൻ ക്വിഡ്; മാരുതി,ഹ്യുണ്ടായ്ക്ക് ഭീഷണി

2016 ദില്ലി ഓട്ടോഎക്സ്പോയിലൂടെ അരങ്ങേറ്റം കുറിച്ച 1 ലിറ്റർ ക്വിഡിന് മികച്ച രീതിയിൽ ലിറ്ററിന് 23.01കിലോമീറ്റർ ഇന്ധനക്ഷമത നൽകാൻ കഴിയുമെന്നാണ് റിനോ അവകാശപ്പെടുന്നത്.

67 ബിഎച്ച്പിയും 91എൻഎം ടോർക്കുമുള്ള 999സിസി ത്രീ സിലിണ്ടർ എൻജിനാണ് പുതിയ ക്വിഡിന്റെ കരുത്ത്.

എൻജിനിൽ 5 സ്പീഡ് മാനുവൽ ഗിയർബോക്സ് ഉൾപ്പെടുത്തിയിട്ടുണ്ട്. എന്നാൽ റിനോയുടെ ഈസി-ആർ എഎംടി ട്രാൻസ്മിഷൻ കൂടി ഉൾപ്പെടുത്തുമെന്നാണ് റിനോ അറിയിച്ചിരിക്കുന്നത്.

ഡിസൈനിനെ കുറിച്ച് പറയുകയാണെങ്കിൽ സൈഡ് പാനലിൽ ചെക്ക് ഫ്ലാഗ് ഡിസൈനിലുള്ള ഗ്രാഫിക്സും, പുതിയ അലോയ് വീലുകളും, 1.0ലിറ്റർ എന്ന ബാഡ്ജുമൊഴിച്ച് പറയത്തക്ക മാറ്റങ്ങളൊന്നും വരുത്തിയിട്ടില്ല.

വിപണിയിലെത്തുന്നതോടെ ക്വിഡിന് കടുത്ത മത്സരങ്ങൾ നേരിടേണ്ടതായി വരുമെന്നതിൽ ഒരു സംശയവുമില്ല. മുഖ്യമായും മാരുതി സുസുക്കി ഓൾട്ടോ, ഹ്യുണ്ടേയ് ഇയോൺ, മാരുതി സുസുക്കി വാഗൻ ആർ പുത്തൻ മോഡൽ ടാറ്റ ടിയാഗോ എന്നിവരാണ് മുൻനിര എതിരാളികൾ.

ഇതിനകം തന്നെ ജനപ്രീതി നേടിയെടുക്കുന്നതിൽ ക്വിഡ് വിജയംകൈവരിച്ചതോടെ ശേഷിയേറിയ ഒരു ലിറ്റർ ക്വിഡിനും മികച്ച സ്വീകാര്യത തന്നെയാണ് റിനോ പ്രതീക്ഷിക്കുന്നത്.

ഈ വർഷമവസാനത്തോടെ ക്വിഡിന്റെ പിൻബലത്തിൽ ഇന്ത്യൻ വിപണിയിൽ അഞ്ചു ശതമാനം വിഹിതം സ്വന്തമാക്കാൻ കഴിയുമെന്ന പ്രതീക്ഷയിലാണ് റിനോ.

ഇതോടുകൂടി ഇന്ത്യൻ വിപണിയിലുള്ള മറ്റ് യൂറോപ്യൻ നിർമാതാക്കൾക്കിടയിൽ റിനോ ഒന്നാമതെത്തുകയും ചെയ്യും.

സ്റ്റീയറിങ് വീലും പെഡലൊന്നുമില്ലാത്ത കാറുമായി ഫോഡ്

ഹോണ്ടയുടെ സിവിക് ഹാച്ച്ബാക്ക് അവതരിച്ചു!!!