നിരത്തിലെ താരമാകാൻ എത്തി കരുത്തൻ ക്വിഡ്

67ബിഎച്ച്പിയും 91എൻഎം ടോർക്കും നൽകുന്ന 993സിസി ത്രീ സിലിണ്ടർ എൻജിനാണ് പുത്തൻ ക്വിഡിന് കരുത്തേകുന്നത്.

5 സ്പീഡ് മാനുവൽ ഗിയർബോക്സാണ് എൻജിനിൽ ഉൾപ്പെടുത്തിയിട്ടുള്ളത്. പിന്നീട് ക്വിഡിന്റെ എഎംടി വേരിയന്റിനെ കൂടി അവതരിപ്പിക്കുമെന്നാണ് കമ്പനി അറിയിപ്പ്.

ക്വിഡിന്റെ കരുത്തേറിയ എൻജിൻ ലിറ്ററിന് 23.01 കിലോമീറ്റർ എന്ന മികച്ച മൈലേജാണ് വാഗ്ദാനം ചെയ്യുന്നത്.

ഹാച്ച്ബാക്ക് സെഗ്മെന്റിൽ കരുത്തുറ്റ എൻജിൻ ആഗ്രഹിക്കുന്ന ഉപഭോക്താക്കളെ മുൻനിർത്തിയാണ് റിനോ ക്വിഡിന്റെ കരുത്തുറ്റ പതിപ്പിനെ ഇറക്കിയിരിക്കുന്നത്.

എൻജിൻ ബെസ്റ്റ് ക്ലാസ് പെർഫോമൻസ് നൽകുന്നതിനാൽ അതോർത്ത് നിരാശപ്പെടെണ്ടി വരില്ല എന്നാണ് കമ്പനി അറിയിച്ചിട്ടുള്ളത്.

പുതുമയെന്ന് പറയാൻ സൈഡ് പാനലിൽ ചെക്ക് ഫ്ലാഗ് ഡിസൈനിലുള്ള ഗ്രാഫിക്സും, പുതിയ അലോയ് വീലുകളും, 1.0ലിറ്റർ ബാഡ്ജുമാണ് ഉള്ളത്.

എസ്‌യുവി മാതൃകയിലുള്ള ഡിസൈൻ, 7ഇഞ്ച് ടച്ച് സ്ക്രീൻ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, വൺ ടച്ച് ലെയിൻ ഇൻഡിക്കേറ്റർ, റേഡിയോ സ്പീഡ് ഡിപെന്റന്റ് വോളിയം കൺട്രോൾ, മൾട്ടിപിൾ സ്റ്റോറേജ് സ്പേസ്, ഇർഗോ-സ്മാർട് ക്യാബിൻ,സെൻട്രൽ ലോക്കിംഗ്,ഗിയർഷിഫ്റ്റ് ഇൻഡിക്കേറ്റർ എന്നീ മികച്ച ഫീച്ചറുകളാണ് ക്വിഡ് വാഗ്ദാനം ചെയ്യുന്നത്.

ഈ സെഗ്മെന്റിലെ മികച്ച 300ലിറ്റർ ബൂട്ട് കപ്പാസിറ്റിയ്ക്കൊപ്പം 180എംഎം ഗ്രൗണ്ട് ക്ലിയറൻസുമാണ് ശേഷിയേറിയ ക്വിഡിന്റെ മറ്റൊരു സവിശേഷത.

സുരക്ഷയെ കുറിച്ച് പറയുകയാണെങ്കിൽ എയർബാഗ്, പ്രോ-സെൻസ് സീറ്റ് ബെൽറ്റ് എന്നിവ ഉൾപ്പെടുത്തിയിട്ടുണ്ട്. എന്നാൽ എബിഎസിന്റെ അഭാവമുണ്ട് ഈ വാഹനത്തിൽ.

വിപണിയിൽ ഓൾട്ടോ കെ10, ഹ്യുണ്ടായ് ഇയോൺ, വാഗൺ ആർ, സെലരിയോ എന്നിവരാണ് 1ലിറ്റർ ക്വിഡിന്റെ മുഖ്യ എതിരാളികൾ.

ഇതിനകം തന്നെ ജനപ്രീതി നേടിയെടുക്കുന്നതിൽ ക്വിഡ് വിജയംകൈവരിച്ചതോടെ ശേഷിയേറിയ ഒരു ലിറ്റർ ക്വിഡിനും മികച്ച സ്വീകാര്യത തന്നെയാണ് റിനോ പ്രതീക്ഷിക്കുന്നത്.

വിദേശത്തും പ്രചാരം നേടിയ 5 'ഇന്ത്യൻ നിർമിത' കാറുകൾ

സ്റ്റീയറിങ് വീലും പെഡലൊന്നുമില്ലാത്ത കാറുമായി ഫോഡ്