കൂടുതൽ പുതുമകളോടെ സ്‌കോർപിയോ സ്പെഷ്യൽ എഡിഷൻ വരുന്നു

സ്‌കോർപ്പിയോന്റെ പുതിയ എഡിഷൻ ഇന്ത്യൻ നിരത്തിൽ പരീക്ഷണ ഓട്ടം നടത്തുന്നതിന്റെ ചിത്രങ്ങൾ പുറത്ത് വിട്ടിരിക്കുന്നു.

എസ്‌യുവിക്ക് സ്പോർടി ലുക്ക് നൽകുന്ന തരത്തിൽ പുതിയ ബോഡി ഗ്രാഫിക്സ്, ബ്ലാക്ക് അലോയ് വീലുകൾ, ചുവന്ന നിറത്തിലുള്ള ബ്രേക്ക് ക്യാലിപെറുകൾ എന്നിവ ഉൾക്കൊള്ളിച്ചിട്ടുണ്ടെന്നാണ് പുറത്ത് വിട്ട ചിത്രങ്ങളിൽ നിന്നും വെളിപ്പെടുന്നത്.

സ്പെഷ്യൽ എഡിഷൻ സ്‌കോർപ്പിയോയിൽ എൻജിൻ മാറ്റങ്ങളൊന്നും വരുത്തിയിട്ടില്ല. എന്നാൽ റെഗുലർ സ്‌കോർപ്പിയോകളെക്കാൾ വില വർധിക്കാനാണ് സാധ്യത.

സ്‌കോർപ്പിയോന്റെ നിലവുലുള്ള ബേസ് വേരിയന്റിൽ 75ബിഎച്ച്പി കരുത്തും 200എൻഎം ടോർക്കും നൽകുന്ന 2.5ലിറ്റർ എൻജിനാണുള്ളത്.

120ബിഎച്ച്പി കരുത്തും 280എൻഎം ടോർക്കും ഉള്ള 2.2ലിറ്റാണ് മറ്റുള്ള വേരിയന്റുകളിൽ ഉൾപ്പെടുത്തിയിരിക്കുന്നത്.

ദില്ലിയിൽ രണ്ട് ലിറ്ററിന് മുകളിലുള്ള ഡീസൽ എൻജിനുകൾക്ക് നിരോധനം ഏർപ്പെടുത്തിയപ്പോഴാണ് മഹീന്ദ്ര 1.9ലിറ്റർ ഡീസൽ എൻജിനെ അവതരിപ്പിച്ചത്. ഈ 1.9ലിറ്റർ എൻജിൻ നിലവിൽ ദില്ലിയിൽ മാത്രമാണ് ലഭ്യമാവുക.

9.06ലക്ഷം മുതലാണ് (ദില്ലി എക്സ്ഷോറൂം) റെഗുലർ സ്‌കോർപ്പിയോകളുടെ വിലയാരംഭിക്കുന്നത്.

കഴിഞ്ഞ കുറച്ച് മാസങ്ങളായി സ്‌കോർപിയോന്റെ 4,000യൂണിറ്റുകൾ മാത്രമാണ് വിറ്റഴിച്ചിട്ടുള്ളത്. സ്പെഷ്യൽ എഡിഷൻ സ്‌കോർപിയോ വരുന്നതോടുകൂടി വില്പനയിൽ ഗണ്യമായ വർധനവുണ്ടാകുമെന്നാണ് കമ്പനി പ്രതീക്ഷിക്കുന്നത്.