സ്വിഫ്റ്റിലും താരം കബാലി തന്നെ...

തമിഴ്‌നാട്ടിലെ ശ്രീ അമ്മൻ കാർസ് എന്ന സ്ഥാപനമാണ് കബാലിക്ക് വേണ്ടി സ്വിഫ്റ്റിന്റെ ഈ പ്രത്യേക എഡിഷനെ പുറത്തിറക്കിയിരിക്കുന്നത്.

മാരുതി സ്വിഫ്റ്റ് കബാലി എഡിഷൻ എന്ന പേരിൽ കാറിന്റെ സൈഡിലും റൂഫിലും പിൻവശത്തും രജനിയുടെ കബാലി ഗെറ്റപ്പിലുള്ള പോസ്റ്ററുകൾ പതിപ്പിച്ചാണ് കാറിന്റെ രൂപകല്പന നടത്തിയിട്ടുള്ളത്.

പുറമെ നൽക്കിയിട്ടുള്ള ഗ്രാഫിക്സ് ഒഴിച്ച് സ്വിഫ്റ്റിൽ വേറെ മാറ്റങ്ങളൊന്നും വരുത്തിയിട്ടില്ല. ക്യാബിനകവും റെഗുലർ മോഡലുകൾ പോലെതന്നെയാണ്.

സ്വിഫ്റ്റിലെ അതെ 1.2ലിറ്റർ കെ-സീരീസ് പെട്രോൾ എൻജിനിലും 1.3ലിറ്റർ ഡിഡിഐഎസ് 190 ഡീസൽ യൂണിറ്റുലുമാണ് ഈ എഡിഷൻ ലഭ്യമാക്കിയിട്ടുള്ളത്.

രജനിക്ക് നിറയെ ആരാധവലയങ്ങളുള്ളതിനാൽ കാർ സ്വന്തമാക്കാൻ ആരാധകുടെ കുത്തൊഴുക്കുതന്നെ ഉണ്ടാകുമെന്നുള്ള പ്രതീക്ഷയിലാണ് ഡീലർഷിപ്പുക്കാർ.

കബാലിക്ക് ഇത്രയധികം പ്രോമോഷൻ നൽകുന്നതിലും കാര്യമുണ്ട് ചിത്രം ബോക്സ് ഓഫീസിൽ വൻ ഹിറ്റാകുമെന്ന പ്രതീക്ഷയാണ് ഏവർക്കുമുള്ളത്.

ഇതുവരെ ഇന്ത്യൻ സിനിമാ ട്രെയിലറുകൾക്ക് ലഭിക്കാത്ത 25 മില്ല്യൺ വ്യുവർഷിപ്പാണ് ഇതിനകം കബാലി ടീസറിന് ലഭിച്ചിരിക്കുന്നത്.

അതുകൊണ്ട് തന്നെയാണ് ചെറുതും വലുതുമായ സ്ഥാപനങ്ങൾ രജനിയുമായി ഒത്തുച്ചേർന്നുള്ള പ്രമോഷനും പങ്കാളികളാകുന്നത്.

ഈ പ്രത്യേക പതിപ്പ് ഇറക്കിയതിൽ മാരുതിക്ക് കബാലിയുടെ നിർമാതാവുമായി യാതൊരു പങ്കാളിത്തവുമില്ല. ശ്രീ അമ്മൻ കാർസ് ആണ് ആരാധകർക്കായി കബാലി എഡിഷനെ അവതരിപ്പിച്ചത്.