ടാറ്റ 'പെലിക്കണ്‍'; ഓൾട്ടോയെ വെല്ലാൻ വലിയ നാനോ

നാനോ ഹാച്ച്ബാക്കില്‍ ഉപയോഗിച്ചിരിക്കുന്ന എക്‌സ്302 എന്ന പ്ലാറ്റ്‌ഫോമിലാണ് പെലിക്കൺ-ന്റെ നിർമാണവും നടത്തിയിരിക്കുന്നത്. പുതിയ വലിപ്പമേറിയ വാഹനത്തിനായി അല്പം മാറ്റങ്ങള്‍ വരുത്തിയിട്ടുണ്ടെന്നു മാത്രം.

രണ്ട് എന്‍ജിനുകളാണ് പെലിക്കണ്‍ ഹാച്ച്ബാക്കിനായി ടാറ്റ തയ്യാറാക്കിയിരിക്കുന്നത്. ഒരു 800 സിസി ഡീസല്‍ എന്‍ജിനും ഒരു 1 ലിറ്റര്‍ എന്‍ജിനും പെലിക്കണില്‍ ഘടിപ്പിക്കും.

ഈ രണ്ട് എന്‍ജിനുകളും ടാറ്റ പുതുതായി വികസിപ്പിച്ചെടുത്തവയാണ്. ഈ വാഹനം വിദേശങ്ങളിലേക്ക് കയറ്റിവിടാനും ടാറ്റയ്ക്ക് പദ്ധതിയുണ്ട്.

പുത്തൻ നാനോയുടെ ബോണറ്റിലും, ബംബറിലും ഹെഡ്‍ലൈറ്റിലും മാറ്റങ്ങൾ വരുത്തിയിട്ടുണ്ട്.

നിലവിലുള്ള 12 ഇഞ്ച് വീലുകൾക്ക് പകരം 13 ഇഞ്ച് വീലുകളാണ് ഉപയോഗിച്ചിരിക്കുന്നത്.

അകത്തളത്തിലും ടാറ്റ പുതിയ മാറ്റങ്ങൾ ഉൾക്കൊള്ളിച്ചിട്ടുണ്ട്. സിറ്റിയറിംഗ് വീലിന് പിൻവശത്തായി സ്പീഡോമീറ്റർ ഉൾക്കൊള്ളിച്ചിട്ടുണ്ടെന്നുള്ളതാണ് വലിയ മാറ്റം.

മുൻപത്തെ മോഡലിൽ സ്പീഡോമീറ്റർ സെൻട്രൽ കൺസോളിന് മുകളിലായിരുന്നു. ടിയാഗോയിലുള്ള അതേ ഇൻഫോടെയിൻമെന്റ് സിസ്റ്റവും ഇതിലുൾപ്പെടുത്തിയിട്ടുണ്ട്.

ഓൾട്ടോ, ഇയോൺ, ക്വിഡ് എന്നിവരാണ് വലിയ നാനോയെ എതിരാടിനായി വിപണിയിലുള്ളത്.

പുതുമകൾ ഏറെയുണ്ട് ഓൾട്ടോയിൽ; അറിയാം

കാറുകളിൽ ഉണ്ടായിരിക്കേണ്ട ചില നിർ‌ണായക സാങ്കേതികതകൾ