പറക്കും കാർ എന്ന ടെസ്‌ലയുടെ സ്വപ്നം യാഥാർത്ഥ്യമാവുന്നു

ഓട്ടോണമസ് കാറുകളുടെ അഥവാ സ്വയം നിയന്ത്രിക്കുന്ന കാറുകളുടെ നിര്‍മാണം മൂലം ഇന്ന് ഓട്ടോമൊബൈല്‍ മേഖലയില്‍ വൻ തോതിലുള്ള പുരോഗതി സംഭവിച്ചിട്ടുണ്ട്. ഭാവികാലത്തിന്റെ നിരത്തുകളെയും ആകാശങ്ങളെയും കീഴടക്കാൻ കഴിവുള്ള സാങ്കേതിക മുന്നേറ്റമാണ് ഈ മേഖല കൈവരിച്ചിരിക്കുന്നത്. പറക്കുന്ന കാറുകളുടെ അഥവാ നിരത്തിലോടുന്ന വിമാനങ്ങളുടെ നിർമാണം ഇതിനകം തന്നെ പൂർത്തിയാക്കി കഴിഞ്ഞിരിക്കുന്നു. അധികം വിദൂരമല്ലാത്ത തരത്തിൽ ഇത്തരം വാഹനങ്ങൾ ബഹുഭൂരിഭാഗം ജനങ്ങളുടെയും പക്കലെത്തുമെന്നതിൽ സംശയമില്ല.

ടെസ്‌ലയുടെ മോഡൽ 3 ഇലക്ട്രിക് കാർ അവതരിച്ചു

ഇലക്ട്രിക് കാർ വിപണിയിലെ അധികായർ എന്ന് വിശേഷിപ്പിക്കുന്ന ടെസ്‌ല മോട്ടേഴ്സ് അടുത്തിടെ മോഡൽ 3 സെഡാനെ അവതരിപ്പിച്ചിരുന്നു. മോഡൽ എഫ് ഓട്ടോണമസ് ഫ്ലയിംഗ് കാറിന് രൂപം നൽകുകയെന്നതാണ് കമ്പനിയുടെ ഭാവി പദ്ധതി. 2019 ആകുമ്പോഴേക്കും മോഡൽ എഫ് ഫ്ലയിംഗ് കാറിനെ പുറത്തിറക്കുമെന്നാണ് ടെസ്‌ല അറിയിച്ചിരിക്കുന്നത്.

ടെസ്‌ലയുടെ മോഡൽ ത്രീ ലോഞ്ച് ഇവന്റിന്റെ അവസാന ഘട്ടത്തിലാണ് ഈ മോഡൽ എഫ് കൺസെപ്റ്റിനെ കുറിച്ച് കമ്പനി വെളിപ്പെടുത്തുന്നത്.

ഒരേ സമയം നിരത്തുകളിൽ കാറായും പറക്കുന്ന വിമാനമായും ഉപയോഗിക്കാമെന്നതാണ് ഈ കൺസ്പെറ്റിന്റെ പ്രത്യേകത.

വെർട്ടിക്കൽ ടേക്ക് ഓഫ്, ലാന്റിംഗ് എന്നിവ സാധ്യമാകും വിധമാണ് ഈ ഫ്ലയിംഗ് കാറിന് രൂപം നൽകുക.

നാല് വീലുകളും ഉപയോഗിച്ച് ഈ വാഹനത്തിന് സുഖകരമായ ലാന്റിംഗും സാധ്യമാക്കാൻ കഴിയും.

മണിക്കൂറിൽ 482 കിലോമീറ്റർ വേഗത്തിൽ പറക്കാൻ കഴിയുമെന്നാണ് കമ്പനി അവകാശപ്പെടുന്നത്.

വീഡിയോ കാണാം

പറക്കുന്ന കാര്‍ ടെസ്റ്റ് ചെയ്തു