ക്ലച്ചും ഗിയറും മാറ്റി കുഴയേണ്ട ഇതാ എഎംടി കാറുകളിലെ താരോദയങ്ങൾ

റിനോ ലോഡ്ജി എഎംടി

ഈസി-ആർ എന്ന പേരിൽ റിനോ വികസിപ്പിച്ചിട്ടുള്ള ഗിയർബോക്സാണ് എംപിവി വാഹനം ലോഡ്ജിയിൽ ഉൾപ്പെടുത്തുന്നത്.

ഇന്ത്യയിലുള്ള മിക്ക എംപിവികളിലും എഎംടി ഉള്ളതിനാലാണ് ലോഡ്ജിയിലും ഓട്ടോമറ്റിക് മാനുവൽ ട്രാൻസ്മിഷൻ ഉൾപ്പെടുത്താൻ റിനോയെയും പ്രേരിപ്പിച്ചത്.

വില-10-12, ദില്ലി എക്സ്ഷോറൂം

ലോഞ്ച്- ഒക്ടോബർ-ഡിസംബർ 2016

റിനോ ക്വിഡ് എഎംടി

റിനോ ക്വിഡ് മികച്ച രീതിയിൽ വിപണിയിൽ തുടരുമ്പോൾ വില്പനയൊന്ന് കൊഴുപ്പിക്കാം എന്ന മുൻവിധിയോടെയാണ് ഒരു ലിറ്റർ എൻജിനുള്ള കരുത്തൻ ക്വിഡിനെ വിപണിയിലെത്തിച്ചത്.

നിരത്തിലെ തിരക്കുകൾക്ക് പരിഹാരമായി റിനോ ക്വിഡിന്റെ എഎംടി വേരിയന്റിനെ കൂടി അവതരിപ്പിക്കുന്നു.

പുതിയ 1.0ലിറ്റർ ക്വിഡിനെയാണ് എഎംടി ഉൾപ്പെടുത്തി അവതരിപ്പിക്കുന്നത്. കരുത്തേറിയ എൻജിനൊപ്പം ക്ലച്ചും പെഡലന്നുമില്ലാതെ നിരത്തിൽ വിലസുകയുമാകാം.

വില:3-5, ദില്ലി എക്സ്ഷോറൂം

ലോഞ്ച്- ഒക്ടോബർ-നവംബർ 2016

ഡാറ്റ്സൺ റെഡി-ഗോ എഎംടി

താങ്ങാവുന്ന വിലയ്ക്ക് ഡാറ്റ്സൺ ഇറക്കിയ റെഡി-ഗോ സാമാന്യം മികച്ച വില്പനകാഴ്ചവെച്ച് തന്നെ വിപണിയിലുണ്ട്. എഎംടിക്കുള്ള ഡിമാന്റ് വർധിച്ചതോടെ ഡാറ്റസണും എഎംടി ഉൾപ്പെടുത്തി വിപണിയിലേക്ക് കുതിക്കാനൊരുങ്ങുകയാണ്.

റെഡി-ഗോയുടെ 800സിസി വേരിയന്റിലായിരിക്കും എഎംടി ഉൾപ്പെടുത്തുക. 800സിസി സെഗ്മെന്റിൽ എഎംടി അവതരിച്ചെത്തുന്ന ആദ്യ വാഹനമെന്ന നിലയിലായിരിക്കും റെഡി-ഗോയും അറിയപ്പെടുക.

വില:3.5-4.5 ലക്ഷം, ദില്ലി എക്സ്ഷോറൂം

ലോഞ്ച്- ഡിസംബർ 2016

മാരുതി വിറ്റാര ബ്രെസ എഎംടി

അടുത്തിടെ നടന്ന ഇന്തോനേഷ്യ ഓട്ടോ എക്സ്പോയിലായിരുന്നു മാരുതി വിറ്റാരയുടെ എഎംടി വേരിയന്റിനെ അവതരിപ്പിച്ചത്. ഈ വർഷം തന്നെ വിറ്റാര ബ്രെസയുടെ എഎംടി പതിപ്പിനെ ഇന്ത്യയിലെത്തിക്കുന്നതായിരിക്കും.

വിറ്റാരയുടെ ഡീസൽ പതിപ്പിനെ മാത്രമാണ് ഇന്ത്യയിലവതരിപ്പിച്ചിരിക്കുന്നത്. എന്നാൽ വിറ്റാരയുടെ പ്രഭ മങ്ങും മുൻപെ പെട്രോളിന്റേയും എഎംടി വേരിയന്റിന്റേയും ലോഞ്ച് ഉടൻ നടത്തേണ്ടതായിട്ടുണ്ട്. എഎംടി എന്ന സാങ്കേതികയ്ക്ക് തുടക്കം കുറിച്ചതു തന്നെ മാരുതിയാണ്. മാരുതിയുടെ ചെറുവാഹനം സെലരിയോയിലായിരുന്നു ആദ്യമായി എഎംടി ഉൾപ്പെടുത്തി അവതരിപ്പിച്ചത്.

വില:7-9 ലക്ഷം, ദില്ലി എക്സ്ഷോറൂം

ലോഞ്ച്- ഒക്ടോബർ-ഡിസംബർ 2016

ടാറ്റ ടിയാഗോ എഎംടി

പാസെഞ്ചർ കാർ സെഗ്മെന്റിൽ ടിയാഗോയ്ക്ക് മികച്ച വരവേല്പാണ് ലഭിച്ചത് കൊണ്ട്തന്നെ ടാക്സി കാർ എന്നുള്ള ലേബലിൽ നിന്നും ടാറ്റയ്ക്ക് മുക്തി നേടാൻ കഴിഞ്ഞു. മികച്ച ഡിസൈനും ഫീച്ചറുകളും ആകർഷകമായ വിലയും ടിയാഗോയ്ക്ക് മികച്ച പ്രതികരണം നേടിക്കൊടുക്കുന്നതിൽ പ്രധാന പങ്കുവഹിച്ച ഘടകങ്ങളാണ്.

1.2ലിറ്റർ പെട്രോൾ, 1.05ലിറ്റർ ഡീസൽ എൻജിനുകളോടെ എത്തിയ ടിയാഗോയ്ക്ക് എഎംടി ഉൾപ്പെടുത്തുന്നതോടെ ജനപ്രീതിയേറാനുള്ള സാധ്യതയും കൂടുതലാണ്.

വില:4-5 ലക്ഷം, ദില്ലി എക്സ്ഷോറൂം

ലോഞ്ച്: ഡിസംബർ 2016-ജനുവരി 2017

മാരുതിക്ക് ഭീഷണിയായി മറ്റൊരു സൗത്ത് കൊറിയൻ കമ്പനി ഇന്ത്യയിൽ

വിദേശത്തും പ്രചാരം നേടിയ 5 'ഇന്ത്യൻ നിർമിത' കാറുകൾ