വില വർധനവിൽ പങ്കു ചേർന്ന് ഫോക്സ്‌വാഗണും; വർധവന് 3%

ഈ വർഷമാദ്യം പുറത്തിറങ്ങിയ കോംപാക്ട് സെഡാൻ അമിയോയും വിലവർധനവിന് ബാധകമായിരിക്കുമെന്നാണ് കമ്പനി അറിയിപ്പ്.

പോളോ, വെന്റോ, ജെറ്റ, ബീറ്റിൽ, അമിയോ എന്നീ വാഹനങ്ങളാണ് ഫോക്‌സ്‌വാഗൺ ഇന്ത്യയിൽ വിൽക്കപ്പെടുന്നതായിട്ടുള്ളത്. ദില്ലി എക്സ്ഷോറൂം 26 ലക്ഷത്തിനുള്ള ഫോക്‌സ്‌വാഗൺ ആഡംബര വാഹനം പോളോ ജിടിഐയും ഇതിലുൾപ്പെടും.

5.24 ലക്ഷം മുതൽ 27.83ലക്ഷം വരേയുള്ള കാറുകളാണ് ഫോക്സ്‌വാഗൺ ഇന്ത്യയിൽ വില്പനയ്ക്കെത്തിച്ചിട്ടുള്ളത്. മോഡലുകൾക്കും വേരിയന്റുകൾക്കും അനുസരിച്ച് മൂന്ന് ശതമാനം വർധനവായിരിക്കും നടപ്പിലാക്കുക.

2016 ഫോക്സ്‌വാഗണിനെ സംബന്ധിച്ചിടത്തോളം സംഭവബഹുലമായ ചിലതൊക്കെ നടന്നു. അമിയോയുടെ അവതരണത്തിലൂടെ കോംപാക്ട് സെഡാൻ സെഗ്മെന്റിലേക്കുള്ള ആദ്യ ചുവടുവെപ്പ് നടത്തി.

അതിനുശേഷം ആഡംബരത്വം തുളുമ്പുന്ന പോളോ ജിടിഐയുടെ അവതരണം നടത്തി. ചില നല്ല കാര്യങ്ങൾ സംഭവിച്ചിതിനൊപ്പം എൻജിൻ തകരാറിനെ തുടർന്ന് മുൻ തലമുറ സ്‌കോഡ് സൂപ്പർബിനെ തിരിച്ചുവിളിക്കുകയുണ്ടായി.

അടുത്ത വർഷം പുത്തൻ തലമുറ പസാറ്റ്, ടിഗ്വാൻ എന്നീ മോഡലുകളെ ഇന്ത്യയിൽ അവതരിപ്പിക്കാനുള്ള തയ്യാറെടുപ്പിൽ കൂടിയാണ് കമ്പനി.

ഇതിനകം തന്നെ ടൊയോട്ട, റിനോ, നിസാൻ, ടാറ്റാ മോട്ടേഴ്സ്, ഹ്യുണ്ടായ് എന്നീ നിർമാതാക്കൾ വില വർധിപ്പിക്കുന്ന വാർത്തകളുമായി രംഗത്തെത്തി കഴിഞ്ഞു. ഒടുവിൽ ഫോക്സ്‌വാഗണും ഇക്കൂട്ടത്തിൽ ചേർന്നിരിക്കുന്നു.

ഫിയറ്റ് പുന്തോ, ലീനിയ ലിമിറ്റഡ് എഡിഷനുകൾ ഇന്ത്യയിൽ

കോംപാക്ട് സെഡാൻ സെഗ്മെന്റിലേക്ക് ഷവർലെയുടെ പുത്തൻ വാഹനം