മൂന്ന് ഡോറുകളുള്ള ഹോട്ട് ഹാച്ച്- പോളോ ജിടിഐ

പ്രമുഖ്യ യൂറോപ്പ്യൻ വാഹന കമ്പനിയായ ഫോക്സ്‌വാഗൺ പുതിയ 3 ഡോർ പോളോ ജിടിഐ ഹാച്ച് ബാക്കിനെ ഓട്ടോഎക്സ്പോയിൽ അവതരിപ്പിച്ചു. ഇന്ത്യൻ വിപണിയിൽ നിലവിൽ ലഭ്യമായിട്ടുള്ള ഏറ്റവും കരുത്തുറ്റ ഹാച്ച്ബാക്കാണ് പോളോ ജിടിഐ മാത്രമല്ല ഈ സെഗ്മെന്റിലുള്ള ആദ്യ ത്രീ ഡോർ കാറുകൂടിയാണിത്.

1.8ലിറ്റർ ശേഷിയുള്ള ടർബോചാർജ്ഡ് 4 സിലിണ്ടർ പെട്രോൾ എൻജിൻ 189കുതിരശക്തിയും 250എൻഎം ടോർക്കും ഉല്പാദിപ്പിക്കുന്നു. 250km/h ആണിതിന്റെ ഉയർന്ന വേഗത. 7 സ്പീഡ് ഡിഎസ്ജി ഗിയർ ബോക്സാണ് നൽകിയിരിക്കുന്നത്.

നിലവിലുള്ള പോളോ ജിടിഐയുമായി താരതമ്യം ചെയ്യുമ്പോൾ ആകർഷകമായ രൂപകല്പന, കരുത്തുറ്റ പെർഫോമൻസ്, മികച്ച ഫിനിഷിംഗ് എന്നീ സവിശേഷതകളാൽ ഈ പുതു മോഡൽ ഒരുപടി മുന്നിലാണ്. സുരക്ഷയ്കായി എയർബാഗുകൾ, എബിഎസ്, ഇഎസ്പി, ഹിൽ ഹോൾഡ് ഫംഗ്ഷൻ എന്നീ ഫീച്ചറുകൾ ഉൾപ്പെടുത്തിയിരിക്കുന്നു.

ദസറ-ദീപാവലി ഫെസ്റ്റിവൽ സീസണായ സെപ്തംബറിലാണ് ജിടിഐ ഇന്ത്യൻ വിപണിയിൽ എത്തിച്ചേരുന്നത്. നിലവിൽ പോളോ ജിടിഐയ്ക്ക് വെല്ലുവിളിയായി ആരുമില്ലെന്ന് തന്നെ പറയാം.