ജിഎസ്ടി; ഹ്യുണ്ടായി ക്രെറ്റയുടെ വില കുറഞ്ഞു

By Dijo Jackson

Published: Thursday, July 13, 2017, 10:34 [IST]

ജിഎസ്ടിയുടെ അടിസ്ഥാനത്തില്‍ ക്രെറ്റ എസ്‌യുവിയുടെ വില ഹ്യുണ്ടായി മോട്ടോര്‍ ഇന്ത്യ ലിമിറ്റഡ് വെട്ടിക്കുറച്ചു. ജിഎസ്ടിയുടെ ആനുകൂല്യം ഉപഭോക്താക്കളില്‍ എത്തിക്കുന്നതിന്റെ ഭാഗമായി മോഡലുകളില്‍ 5.9 ശതമാനം വരെ വിലക്കിഴിവ് ഹ്യുണ്ടായി പ്രഖ്യാപിച്ചിരുന്നു.

ജിഎസ്ടി; ഹ്യുണ്ടായി ക്രെറ്റയുടെ വില കുറഞ്ഞു

ഹ്യുണ്ടായി നിരയിലെ ബെസ്റ്റ് സെല്ലിംഗ് എസ്‌യുവിയാണ് ക്രെറ്റ. 36305 രൂപ മുതല്‍ 63670 രൂപ വരെയാണ് ക്രെറ്റ വേരിയന്റുകളില്‍ പ്രാബല്യത്തില്‍ വന്നിരിക്കുന്ന വിലക്കിഴിവ്.

പുതിയ നികുതി ഘടനയുടെ പശ്ചാത്തലത്തില്‍ 4 മീറ്ററില്‍ കൂടുതല്‍ നീളമുള്ള വാഹനങ്ങളില്‍ 28 ശതമാനം നികുതിയും 15 ശതമാനം അധിക സെസുമാണ് ഈടാക്കുന്നത്.

4270 mm നീളമുള്ള ക്രെറ്റയില്‍ തത്ഫലമായി 43 ശതമാനം നികുതിയാണ് പ്രാബല്യത്തില്‍ വന്നിരിക്കുന്നതും. ക്രെറ്റയുടെ ടോപ് വേരിയന്റ്, 1.6 L CRDi VGT 6AT SX+ ല്‍ 63670 രൂപയുടെ ഏറ്റവും ഉയര്‍ന്ന വിലക്കിഴിവ് രേഖപ്പെടുത്തുന്നു.

14363685 രൂപ വിലയില്‍ എത്തിയിരുന്ന ക്രെറ്റയുടെ ടോപ് വേരിയന്റ് ഇനി 1400015 രൂപ വിലയില്‍ ലഭ്യമാകും.

14 വ്യത്യസ്ത പെട്രോള്‍-ഡീഡസല്‍ വേരിയന്റുകളാണ് ക്രെറ്റയില്‍ ഹ്യുണ്ടായി ഒരുക്കുന്നത്. 121 bhp കരുത്തേകുന്ന 1.6 ലിറ്റര്‍ പെട്രോള്‍ എഞ്ചിന്‍, 89 bhp കരുത്തേകുന്ന 1.4 ലിറ്റര്‍ ഡീസല്‍ എഞ്ചിന്‍, 126 bhp കരുത്തേകുന്ന 1.6 ലിറ്റര്‍ ഡീസല്‍ എഞ്ചിനുകളാണ് ഹ്യുണ്ടായി ക്രെറ്റയില്‍ ലഭ്യമാകുന്നത്.

6 സ്പീഡ് മാനുവല്‍, 6 സ്പീഡ് ഓട്ടോമാറ്റിക് ഗിയര്‍ബോക്‌സ് ഓപ്ഷനുകളാണ് വേരിയന്റുകളില്‍ ഹ്യുണ്ടായി ഒരുക്കുന്നതും.

ഹ്യുണ്ടായി ക്രെറ്റ വേരിയന്റുകളുടെ പുതുക്കിയ വില ഇങ്ങനെ-

Hyundai Creta Variants	Pre-GST	Post-GST	Price Difference
1.6L Dual VTVT 6MT E	Rs 928,547	Rs 892,242	Rs 36,305
1.6L Dual VTVT 6MT E+	Rs 999,900	Rs 959,000	Rs 40,900
1.6L Dual VTVT 6MT SX+	Rs 1,197,393	Rs 1,151,214	Rs 46,179
1.6L Dual VTVT 6MT SX+ (Dual Tone)	Rs 1,235,441	Rs 1,187,151	Rs 48,290
1.6L Dual VTVT 6AT SX+	Rs 1,299,914	Rs 1,248,485	Rs 51,429
1.4L CRDi 6MT E+	Rs 999,900	Rs 979,000	Rs 20,900
1.4L CRDi 6MT S	Rs 1,133,808	Rs 1,109,482	Rs 24,326
1.4L CRDi 6MT S+	Rs 1,224,488	Rs 1,198,417	Rs 26,071
1.6L CRDi VGT 6AT S+	Rs 1,370,288	Rs 1,312,681	Rs 57,607
1.6L CRDi VGT 6MT SX	Rs 1,250,337	Rs 1,196,838	Rs 53,499
1.6L CRDi VGT 6MT SX+	Rs 1,350,245	Rs 1,292,211	Rs 58,034
1.6L CRDi VGT 6MT SX+ (Dual Tone)	Rs 1,388,291	Rs 1,328,147	Rs 60,144
1.6L CRDi VGT 6MT SX (O)	Rs 1,456,615	Rs 1,393,580	Rs 63,035
1.6L CRDi VGT 6AT SX+	Rs 1,463,685	Rs 1,400,015	Rs 63,670

നേരത്തെ, ജിഎസ്ടിയുടെ അടിസ്ഥാനത്തില്‍ മുന്‍നിര നിര്‍മ്മാതാക്കളെല്ലാം എസ്‌യുവി, സെഡാന്‍, ഹാച്ച്ബാക്കുകളുടെ വില കുറച്ചിരുന്നു. ഫോര്‍ച്യൂണറില്‍ 2.68 ലക്ഷം രൂപ വരെ വിലക്കുറവ് പ്രഖ്യാപിച്ച ഫോര്‍ഡാണ് വിലക്കിഴിവില്‍ മുന്‍പന്തിയിലുള്ളത്.

ജിഎസ്ടി പ്രകാരം, 43 ശതമാനം നികുതിയാണ് 1500 സിസി എഞ്ചിന്‍ ശേഷിയുള്ള എസ് യുവികളില്‍ വന്നെത്തിയിരിക്കുന്നത്. നേരത്തെ 50 ശതമാനം നികുതിയായിരുന്നു ഫോര്‍ച്യൂണറില്‍ ഈടാക്കിയിരുന്നതും.