വേഗതയില്‍ റെക്കോര്‍ഡ് സൃഷ്ടിച്ച് ലംബോര്‍ഗിനി

മോഡിഫിക്കേഷന്റെ അനന്ത സാധ്യത മുതലെടുത്ത് പല കസ്റ്റം ഗ്രൂപ്പുകളും അതിവേഗ താരങ്ങളെ ഒരുക്കി കൊണ്ടിരിക്കുകയാണ്. അത്തരത്തില്‍ ഒരുക്കിയ ലംബോര്‍ഗിനി ഹുറാക്കാന്‍ സൃഷ്ടിച്ച റെക്കോര്‍ഡാണ് ഇന്ന് ശ്രദ്ധ നേടുന്നത്.

1.6 കിലോമീറ്റര്‍ ദൂരപരിധിയില്‍, മണിക്കൂറില്‍ 472 കിലോമീറ്റര്‍ വേഗത രേഖപ്പെടുത്തിയ ഫോര്‍ഡ് ജിടിയുടെ റെക്കോര്‍ഡിനെ പകുതി ദൂരത്തില്‍ തന്നെ മറികടക്കാനാണ് ലംബോര്‍ഗിനി ഹുറാക്കാന്‍ ശ്രമിച്ചത്.

ലംബോര്‍ഗിനിയുടെ ശ്രമം വിജയിച്ചോ? 0.8 ദൂരത്തില്‍, അതായത് ഫോര്‍ഡ് ജിടി കൈവരിച്ച വേഗതയുടെ പകുതി ദൂരത്തില്‍ ലംബോര്‍ഗിനി ഹുറാക്കാന്‍ കീഴടക്കിയത് മണിക്കൂറില്‍ 402 കിലോമീറ്റര്‍ വേഗതയാണ്.

യഥാര്‍ത്ഥത്തില്‍ ലംബോര്‍ഗിനിയ്ക്ക് ഫോര്‍ഡ് ജിടിയുടെ റെക്കോര്‍ഡ് തകര്‍ക്കാന്‍ സാധിച്ചിട്ടില്ല. മണിക്കൂറില്‍ 70 കിലോമീറ്റര്‍ വേഗതയ്ക്ക് പിന്നില്‍ ലംബോര്‍ഗിനിയുടെ ശ്രമം അവസാനിക്കുകയായിരുന്നു.

പക്ഷെ, ദൂരം കണക്കിലെടുക്കുമ്പോള്‍ ലംബോര്‍ഗിനി രേഖപ്പെടുത്തിയ വേഗത അതിശയിപ്പിക്കുന്നതാണ്.

ഫോര്‍ഡ് ജിടിയുടെ വേഗത കൈവരിക്കാന്‍ ലംബോര്‍ഗിനി ഹുറാക്കാന് സാധിക്കില്ലെന്നാണ് വിദഗ്ധര്‍ വിലയിരുത്തുന്നത്.

ലംബോര്‍ഗിനിയുടെ വേഗതയെ സ്വാധീനിക്കുന്ന ഘടകങ്ങളാണ് ഇതിന് കാരണം. ഫോര്‍ഡ് ജിടിയെ മറികടക്കാന്‍ ഉയര്‍ന്ന ഗിയര്‍ അനുപാതവും, ഉയര്‍ന്ന ആക്‌സിലറേഷനും ലംബോര്‍ഗിനി ഹുറാക്കാനില്‍ ഇനിയും അനിവാര്യമാണ്.

എന്നാല്‍ മണിക്കൂറില്‍ 70 കിലോമീറ്റര്‍ വേഗത കൂടി കൂട്ടിച്ചേര്‍ക്കാനുള്ള കരുത്തും, കരുത്തിനുള്ള ഇടവും ലംബോര്‍ഗിനി ഹുറാക്കാനില്ലെന്നാണ് മോഡിഫിക്കേഷൻ വിദഗ്ധർ പറയുന്നത്.

എന്നാല്‍ 0.8 ദൂരത്തില്‍ ലംബോര്‍ഗിനി രേഖപ്പെടുത്തിയ 402 കിലോമീറ്റര്‍ വേഗത അമ്പരിപ്പിക്കുന്നതാണ്. ഫോര്‍ഡ് ജിടിയെ കീഴടക്കാന്‍ സാധിച്ചില്ലെങ്കിലും ഹാഫ് മൈല്‍ ദൂരത്തില്‍ രേഖപ്പെടുത്തുന്ന ഏറ്റവും ഉയര്‍ന്ന വേഗത എന്ന റെക്കോര്‍ഡ് അണ്ടര്‍ഗ്രൗണ്ട് റേസിംഗ് സംഘം ഒരുക്കിയ ഹുറാക്കാനിന് സ്വന്തമാണ്.