രണ്ടും കല്പിച്ച് മാരുതി; ക്വിഡിനെ കൊന്ന് കൊലവിളിക്കാൻ കില്ലർ വരവായി...

2018 ഓട്ടോഎക്സ്പോയിൽ അവതരണം നടത്തുക എന്ന ലക്ഷത്തോടെ അണിയറയിൽ തകൃതിയായുള്ള ഒരുക്കങ്ങളിലാണ് മാരുതിയുടെ ഈ പുത്തൻ ഹാച്ചബാക്ക്.

ഓൾട്ടോയ്ക്ക് മുകളിലായി സ്ഥാനം പിടിക്കുന്ന ഈ ക്രോസോവർ വാഹനം ഒരിക്കലും ഓൾട്ടോയ്ക്ക് ഒരു പകരക്കാരനായിരിക്കില്ല എന്നാണ് കമ്പനിയുടെ അറിയിപ്പ്.

2018 ഓടുകൂടി ക്വിഡുമായി കൊമ്പുകോർക്കുന്നതിന് ഈ വാഹനത്തെ വിപണിയിൽ എത്തിക്കാൻ സാധിക്കുമെന്നുള്ള പ്രതീക്ഷയിലാണ് കമ്പനി.

പുതിയ ക്രോസോവറിനെ സംബന്ധിച്ചുള്ള കൂടുതൽ വിവരങ്ങൾ വെളിപ്പെട്ടില്ലെങ്കിലും ഓൾട്ടോയ്ക്ക് കരുത്തേകുന്ന 800സിസി, 1.0ലിറ്റർ എൻജിൻ തന്നെയായിരിക്കും കരുത്തുപകരാൻ ഉപയോഗിക്കുക.

റിനോ ക്വിഡിന് കടുത്ത വെല്ലുവിളിയാവുക എന്ന ഉദ്ദേശത്തോടെ ഇറക്കുന്ന ഈ വാഹനത്തിനും അതെ എസ്‌യുവി ലുക്കുള്ള ഡിസൈൻ തന്നെയായിരിക്കും പകർന്നു നൽകുക.

മാരുതിയിൽ നിന്നുമുള്ള പുതിയ ക്വിഡ് ഫൈറ്റർ നിരത്തിലെത്താൻ വെറും ഒരു വർഷത്തെ ഇടവേള മാത്രമാണുള്ളത്. അതിനുമുൻപായി ന്യൂജെൻ സ്വിഫ്റ്റുമായി ഷോറൂമുകളിൽ എത്തിച്ചേരുമെന്നുള്ള നിഗമനത്തിലാണ് മാരുതി.