നിരത്ത് കീഴടക്കാൻ രണ്ട് എസ്‌യുവികളുമായി വീണ്ടും ടാറ്റ...

നിലവിൽ മഹീന്ദ്ര ആന്റ് മഹീന്ദ്രയാണ് ഇന്ത്യയിലെ മുൻനിര എസ്‌യുവി നിർമാതാക്കളായി അറിയപ്പെടുന്നത്. അടുത്ത മൂന്ന് വർഷത്തിനുള്ളിൽ ഈയൊരു സ്ഥാനം കൂടിയാണ് ടാറ്റ മുന്നിൽ കാണുന്നത്.

ടാറ്റ ടിയാഗോ, ഹെക്സ അവതരണത്തിലൂടെ പാസഞ്ചർ കാർ സെഗ്മെന്റിൽ ശക്തമായ തിരിച്ചുവരവിനുള്ള ഒരുക്കങ്ങളും ആരംഭിച്ചുക്കഴിഞ്ഞു.

ടാറ്റയിൽ നിന്നും ഈ വർഷം ആദ്യമായി വിപണിയിലെത്തുന്ന എസ്‌യുവി 2016 ഓട്ടോഎക്സ്പോയിൽ അവതരണം നടത്തിയ നെക്സൺ ആയിരിക്കും.

അതിനുശേഷം ഒരു ആഡംബര എസ്‌യുവിയെ അവതരിപ്പിച്ചകൊണ്ട് ആഡംബര സെഗ്മെന്റിലും ചുവടുറപ്പിക്കാനുള്ള തയ്യാറെടുപ്പാണ് ടാറ്റ.

ലാന്റ് റോവർ ഡിസ്‌കവറി സ്പോർട് എൽ550 പ്ലാറ്റ്ഫോമിലായിരിക്കും ആഡംബര എസ്‌യുവിയുടെ നിർമാണം എന്നാണ് ചില റിപ്പോർട്ടുകൾ സൂചിപ്പിക്കുന്നത്.

ടാറ്റ അവതരിപ്പിക്കുന്ന ഏറ്റവും മികച്ച പ്രീമിയം വാഹനമായിരിക്കുമെന്നാണ് കമ്പനിയും അഭിപ്രായപ്പെടുന്നത്.

അടുത്ത വർഷമായിരിക്കും എസ്‌യുവി വാഹനം നെക്സണിന്റെ അനതരണമുണ്ടാവുക. ഏതാണ്ട് 20 ലക്ഷത്തിലും അധികം വിലയുണ്ടായിരിക്കും ടാറ്റയുടെ പുതിയ ആഡംബര എസ്‌യുവിക്ക്.

1.2ലിറ്റർ പെട്രോൾ, 1.5ലിറ്റർ ഡീസൽ എൻജിനുകളായിരിക്കും നെക്സണിന് കരുത്തേകുക. ആഡംബര എസ്‌യുവിക്ക് കരുത്തേകാനായി 2 ലിറ്റർ ഡീസൽ എൻജിനായിരിക്കും ഉപയോഗപ്പെടുത്തുക.

സിറ്റി, ഇക്കോ, സ്പോർട് എന്നീ ഡ്രൈവിംഗ് മോഡുകളും എസ്‌യുവികളിൽ ഉൾപ്പെടുത്തുന്നതായിരിക്കും.

ടിയാഗോ ഹാച്ച്ബാക്കിനു ശേഷം ടിയാഗോ ആക്ടീവ് എന്നുപേരിലുള്ള പുതിയൊരു വാഹനത്തിന്റേയും അവതരണത്തിന് തയ്യാറെടുക്കുകയാണ് ടാറ്റ.

വിറ്റാരയ്ക്ക് കടുത്ത എതിരാളിയാകാൻ ടാറ്റ നെക്സൺ

ടിയാഗോ വിജയത്തനുശേഷമിതാ ടിയാഗോ ആക്ടീവ്