Click it and Unblock the Notifications
ഇലക്ട്രിക് കരുത്തില് ടിയാഗൊ; ഇത് ടാറ്റയുടെ പുതിയ ഇലക്ട്രിക് ഹാച്ച്ബാക്ക്
ടിയാഗൊയുടെ ഇലക്ട്രിക് പതിപ്പിനെ മറയ്ക്ക് പുറത്ത് ടാറ്റ അവതരിപ്പിച്ചു. മില്ബ്രൂക്കില് വെച്ച് നടന്ന ലോ കാര്ബണ് എമ്മിഷന്സ് വെഹിക്കിള്സ് 2017 ല്, കോണ്സെപ്റ്റായാണ് ടിയാഗൊയുടെ പൂര്ണ ഇലക്ട്രിക് പതിപ്പിനെ ടാറ്റ കാഴ്ചവെച്ചത്.
ഇംഗ്ലണ്ട് ആസ്ഥാനമായ ടാറ്റ മോട്ടോര്സ് ടെക്നിക്കല് സെന്ററില് നിന്നുമാണ് ടിയാഗൊ ഇലക്ട്രിക് പതിപ്പ് ഒരുങ്ങിയിരിക്കുന്നത്. 200 Nm torque ഉത്പാദിപ്പിക്കുന്ന ലിക്വിഡ്-കൂള്ഡ് 85 kW ഇലക്ട്രിക് മോട്ടോറാണ് ടിയാഗൊ ഇലക്ട്രിക് കോണ്സെപ്റ്റില് ഇടംപിടിക്കുന്നതും.
11 സെക്കന്ഡ് കൊണ്ട് മണിക്കൂറില് 100 കിലോമീറ്റര് വേഗത കൈവരിക്കാന് ടിയാഗൊ ഇലക്ട്രിക് പതിപ്പിന് സാധിക്കുമെന്നാണ് ടാറ്റയുടെ വാദം.
മണിക്കൂറില് 135 കിലോമീറ്ററാണ് മോഡലിന്റെ പരമാവധി വേഗത. സാധാരണ ടിയാഗൊയിലും 20 കിലോഗ്രാം ഭാരക്കുറവിലാണ് ഇലക്ട്രിക് പതിപ്പ് എത്തുന്നത്.
Recommended Video
1040 കിലോഗ്രാമാണ് ടിയാഗൊ ഇലക്ട്രിക് പതിപ്പിന്റെ ഭാരം. സിംഗിള് ചാര്ജില് 100 കിലോമീറ്ററാണ് ഇലക്ട്രിക് പതിപ്പിന്റെ ദൂരപരിധി.
നേരത്തെ ബോള്ട്ട് ഇലക്ട്രിക് വേര്ഷനെ കോണ്സെപ്റ്റ് കാറായി ടാറ്റ കാഴ്ചവെച്ചിരുന്നു. ബോള്ട്ട് ഇലക്ട്രിക് വേര്ഷനില് ടാറ്റ ഉള്പ്പെടുത്തിയ സമാന സാങ്കേതികവിദ്യയാകും ഇലക്ട്രിക് ടിയാഗൊയിലും വന്നെത്തുക.
ചെലവ് കുറഞ്ഞ പുത്തന് മോഡിഫൈഡ് X0 പ്ലാറ്റ്ഫോമിലാണ് ഇലക്ട്രിക് ടിയാഗൊയുടെ നിര്മ്മാണം. തത്ഫലമായി ഇലക്ട്രിക് പവര്ട്രെയിന്, ബാറ്ററി, മറ്റ് ഘടകങ്ങളുടെ ചെലവ് ഗണ്യമായി കുറയുമെന്നാണ് നിഗമനം.
ഓഗസ്റ്റ് മാസത്തെ കണക്കുകള് പ്രകാരം 7000 ടിയാഗൊ യൂണിറ്റുകളുടെ വില്പനയാണ് ടാറ്റ നടത്തിയത്. ഹാച്ച്ബാക്ക് ശ്രേണിയില് ടിയാഗൊയ്ക്ക് പ്രചാരമേറുന്നതിന്റെ അടിസ്ഥാനത്തില് പുതിയ ഇലക്ട്രിക് പതിപ്പ് ടാറ്റയുടെ പ്രതീക്ഷ കാക്കുമെന്നാണ് വിലയിരുത്തല്.
ചെലവ് കുറഞ്ഞ അടിത്തറയില് ഒരുങ്ങുന്ന ടിയാഗൊയ്ക്ക് ഇലക്ട്രിക് പതിപ്പിനെ നല്കാനുള്ള ടാറ്റയുടെ നീക്കം, ശ്രേണിയില് പുതിയ സമവാക്യങ്ങള്ക്ക് വഴിതെളിക്കും.
എന്തായാലും 2018 ഓടെ മാത്രമാകും ഇലക്ട്രിക് ടിയാഗൊ ഇന്ത്യയിലേക്ക് കടന്ന് വരികയെന്നാണ് സൂചന. അടുത്തിടെയാണ് ഇന്ത്യയിലെ ആദ്യ ബയോ-സിഎന്ജി അല്ലെങ്കില് ബയോ-മിഥെയ്ന് ബസിനെ ടാറ്റ അവതരിപ്പിച്ചത്.
2030 ഓടെ പെട്രോള്, ഡീസല് കാറുകളില് നിന്നും ഇലക്ട്രിക് കാറുകളിലേക്ക് ചുവട് മാറാനുളള കേന്ദ്ര നീക്കം, ടാറ്റ ടിയാഗൊ ഇലക്ട്രിക് പതിപ്പിന്റെ സ്വീകാര്യത വര്ധിപ്പിക്കുമെന്നതില് സംശയം ഏതുമില്ല.
Continue with Google