Just In
- 9 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 11 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 12 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 13 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Sports IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ്
- News ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സഹകരിക്കാന് ബിഎംഡബ്ല്യുവിന് താത്പര്യമില്ല; ആപ്പിളുമായി കൈകോര്ത്ത് ഫോക്സ്വാഗണ്
2015 മുതലാണ് ഡ്രൈവറില്ലാത്ത ഓട്ടോണമസ് കാറിനെ കുറിച്ച് അമേരിക്കന് ടെക്ക് ഭീമന്മാരായ ആപ്പിള് ആലോചന തുടങ്ങിയത്. എന്നാല് മൂന്നു വര്ഷങ്ങള്ക്ക് ഇപ്പുറം ജര്മ്മന് നിര്മ്മാതാക്കളായ ഫോക്സ്വാഗണുമായി ചേര്ന്നു ഓട്ടോണമസ് വാഹനം വികസിപ്പിക്കാന് ആപ്പിള് തീരുമാനിച്ചതായി റിപ്പോര്ട്ട്. ഇനി T6 ട്രാന്സ്പോര്ടര് വാന് മോഡലാകും ആപ്പിളിന്റെ ഓട്ടോണമസ് കാറിന് അടിസ്ഥാനം.
രണ്ടു വര്ഷം കഴിഞ്ഞിട്ടും ഓട്ടോണമസ് കാര് പദ്ധതി എങ്ങും എത്താത്തതിനെ തുടര്ന്നാണ് ഫോക്സ് വാഗണുമായി സഹകരിക്കാനുള്ള ആപ്പിളിന്റെ തീരുമാനം. പദ്ധതിയുടെ പ്രാരംഭ ഘട്ടത്തില് ആയിരം ജീവനക്കാരെ ഓട്ടോണമസ് കാറിന് വേണ്ടി ആപ്പിള് നിയമിച്ചിരുന്നു.
എന്നാല് പിന്നീട് പല കാരണങ്ങളാല് പദ്ധതിയില് നിന്നും ജീവനക്കാര് കൊഴിഞ്ഞു പോയി. തുടക്കകാലത്ത് ചാസിയ്ക്കും ചക്രങ്ങള്ക്കും വേണ്ടി മാത്രമാണ് വാഹന നിര്മ്മാതാക്കളുമായി ആപ്പിള് ബന്ധപ്പെട്ടത്. എന്നാല് പദ്ധതിയുടെ പിന്നീടൊരു ഘട്ടത്തില് പൂര്ണമായും നിര്മ്മിച്ച കാറില് ഓട്ടോണമസ് സാങ്കേതികത സ്ഥാപിക്കാന് കമ്പനി തീരുമാനമെടുത്തു.
2015 -ല് പദ്ധതിയുടെ ഭാഗമായി രണ്ടു ലെക്സസ് എസ്യുവികളില് ഓട്ടോണമസ് സെന്സറുകള് ആപ്പിള് ഘടിപ്പിച്ചു. തൊട്ടടുത്ത വര്ഷം സെന്സറുകള് ഘടിപ്പിച്ച ഓട്ടോണമസ് കാറുകളെ കാലിഫോര്ണിയയില് പരീക്ഷിക്കാനുള്ള അനുമതിയും ആപ്പിള് നേടി.
55 ഓട്ടോണമസ് എസ്യുവികളെ നിരത്തിലിറക്കി പരീക്ഷിക്കാനുള്ള അനുമതിയാണ് ആപ്പിളിന് ലഭിച്ചത്. എന്നാല് ഈ ഘട്ടത്തില് ലെക്സസ് ആപ്പിളിന്റെ ഓട്ടോണമസ് കാര് പദ്ധതിയുടെ ഔദ്യോഗിക പങ്കാളിയായിരുന്നില്ല.
ശേഷം ബിഎംഡബ്ല്യു, മെര്സിഡീസ് ബെന്സ്, നിസാന്, മക്ലാരന് പോലുള്ള വന്കിട നിര്മ്മാതാക്കളുമായി സഹകരിച്ചു പദ്ധതി പൂര്ത്തീകരിക്കാന് ആപ്പിള് ശ്രമിച്ചു. പക്ഷെ നടന്നില്ല. എന്നാല് ഒടുവില് ഡീസല്ഗേറ്റ് വിവാദത്തില് നിറംമങ്ങിയ ഫോക്സ്വാഗണ് ആപ്പിളുമായി സഹകരിക്കാന് സമ്മതം മൂളി.
മലിനീകരണ തട്ടിപ്പുവിവാദത്തിന്റെ പശ്ചാത്തലത്തില് ഓട്ടോണമസ് കാര് പദ്ധതികളില് ഫോക്സ്വാഗണും മെല്ലെപ്പോക്കു നയമാണ് സ്വീകരിച്ചു പോരുന്നത്. എന്നാല് ആപ്പിളുമായുള്ള പങ്കാളിത്തം കമ്പനിയുടെ സല്പ്പേരു വീണ്ടെടുക്കുമെന്ന് ജര്മ്മന് നിര്മ്മാതാക്കളും പ്രത്യാശിക്കുന്നു.
റിപ്പോര്ട്ടുകള് പ്രകാരം ഇറ്റലിയിലെ ടൂറിനിലുള്ള ഫോക്സ്വാഗണ് പരീക്ഷണ കേന്ദ്രത്തില് നിന്നും T6 വാനുകളെ ആപ്പിള് വൈദ്യുത ഓട്ടോണസ് വാഹനമായി പരിഷ്കരിക്കും. എന്തായാലും ആപ്പിളും ഫോക്സ്വാഗണും തമ്മിലുള്ള പുതിയ സഹകരണം വാഹനലോകത്തു ചര്ച്ചാവിഷയമായി മാറിക്കഴിഞ്ഞു.
Source: NY Times