Just In
- 40 min ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 3 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 3 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 4 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Movies 'ഞാൻ ആ പെൺകുട്ടിയെ ചതിച്ചിട്ടില്ല, വിവാഹം വേണ്ടെന്ന് വെച്ചത് അവരാണ്, രഹ്നയ്ക്ക് അപ്പോഴും സമ്മതമായിരുന്നു'
- Sports IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം
- News ഈ രാശിക്കാർക്ക് സമയം ശരിയല്ല, ദമ്പതികള് തമ്മില് വഴക്ക്, സ്വര്ണാഭരണങ്ങള് കൈവശമെത്തും, രാശിഫലം
- Lifestyle പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഒരുലക്ഷം രൂപയ്ക്ക് മേലെ ഡിസ്കൗണ്ട്, വന്വിലക്കുറവില് 12 കാറുകള് — അറിയേണ്ടതെല്ലാം
കാര് വാങ്ങാന് ഇതിലും നല്ല അവസരമില്ല. ജൂലായ് മാസം മോഡലുകളില് വന്വിലക്കുറവ് കാര് നിര്മ്മാതാക്കള് പ്രഖ്യാപിച്ചു കഴിഞ്ഞു. ഒരുലക്ഷം രൂപയ്ക്ക് മേലെ ഡിസ്കൗണ്ട് ആനുകൂല്യങ്ങളുമായി പന്ത്രണ്ടോളം കാറുകളാണ് ഈ മാസം വിപണിയില് വില്പനയ്ക്കെത്തുന്നത്.
മണ്സൂണ് ഓഫറുകള്, എക്സ്ചേഞ്ച് ബോണസ്, സൗജന്യ ഇന്ഷൂറന്സ് എന്നിങ്ങനെ വിവിധ ആനുകൂല്യങ്ങളുടെ അടിസ്ഥാനത്തില് ഒരുലക്ഷം രൂപയ്ക്ക് മേലെ വിലക്കിഴിവ് ലഭിക്കുന്ന കാറുകള് പരിശോധിക്കാം —
റെനോ ക്യാപ്ച്ചര്: 2 ലക്ഷം രൂപ വിലക്കിഴിവ്
റെനോ ക്യാപ്ച്ചറില് രണ്ടുലക്ഷം രൂപയുടെ വിലക്കിഴിവ് ഉപഭോക്താക്കള്ക്ക് നേടാം. അതേസമയം 2017 നിര്മ്മിത ക്യാപ്ച്ചര് എസ്യുവികളില് മാത്രമെ വിലക്കിഴിവ് ലഭ്യമാവുകയുള്ളു. ഡീലര്ഷിപ്പുകളില് കെട്ടിക്കിടക്കുന്ന 2017 റെനോ ക്യാപ്ച്ചറുകളെ വിറ്റഴിക്കാനുള്ള കമ്പനിയുടെ ശ്രമമാണിത്.
കഴിഞ്ഞ വര്ഷം നവംബറില് പുറത്തിറങ്ങിയ ക്യാപ്ച്ചര് എസ്യുവിക്ക് വില്പനയില് കാര്യമായ നേട്ടങ്ങളുണ്ടാക്കാന് ഇതുവരെയും കഴിഞ്ഞിട്ടില്ല. വിലക്കിഴിവിന്റെ പശ്ചാത്തലത്തില് എട്ടുലക്ഷം രൂപ മുതലാണ് 2017 മോഡല് റെനോ ക്യാപ്ച്ചറിന് വില ആരംഭിക്കുക.
ഹോണ്ട CR-V: 1.50 രൂപ വിലക്കിഴിവ്
ഈ വര്ഷാവസാനം പുതുതലമുറ CR-V വിപണിയില് എത്താനിരിക്കെ നിലവില് വില്പനയിലുള്ള CR-V എസ്യുവികളെ വിറ്റുതീര്ക്കാനുള്ള നീക്കത്തിലാണ് ഹോണ്ട. വില്പനയില് ഹോണ്ട CR-V എതിരാളികളെക്കാള് ബഹുദൂരം പിന്നിലാണ്.
ഇക്കാരണത്താല് ഒന്നരലക്ഷം രൂപ വിലക്കിഴിവ് കൂടുതല് ആളുകളെ എസ്യുവിയിലേക്ക് ആകര്ഷിക്കുമെന്നു ഹോണ്ട പ്രത്യാശിക്കുന്നു. ഫെബ്രുവരിയില് സമാപിച്ച 2018 ഓട്ടോ എക്സ്പോയില് വെച്ചാണ് പുതിയ CR-V മോഡലിനെ ഹോണ്ട കാഴ്ചവെച്ചത്. ഡീസല് എഞ്ചിനില് മാത്രമെ പുതിയ CR-V ഇന്ത്യയില് വരികയുള്ളു.
ഹോണ്ട BR-V: 1.26 ലക്ഷം രൂപ വിലക്കിഴിവ്
1.26 ലക്ഷം രൂപ വിലക്കിഴിവില് BR-V എസ്യുവിയെയും പരിമിത കാലത്തേക്ക് ഹോണ്ട ഇന്ത്യയില് വില്പനയ്ക്ക് കൊണ്ടുവരുന്നുണ്ട്. അമ്പതിനായിരം രൂപ എക്സ്ചേഞ്ച് ബോണസ് ഉള്പ്പെടെയാണ് 1.26 ലക്ഷം രൂപ വിലക്കിഴിവ് നേടാന് ഉപഭോക്താക്കള്ക്ക് അവസരം.
50,000 രൂപയ്ക്ക് മേലെയുള്ള ആദ്യവര്ഷ സൗജന്യ ഇന്ഷൂറന്സും എസ്യുവിയില് കമ്പനി നല്കും. ഇതിന് പുറമെ 26,000 രൂപ വിലയുള്ള ആക്സസറികള് സൗജന്യമായി നേടാനും ഉപഭോക്താക്കള്ക്ക് അവസരമുണ്ട്.
മാരുതി സിയാസ്: 1.20 ലക്ഷം രൂപ വിലക്കിഴിവ്
പുത്തന് സിയാസ് ഫെയ്സ്ലിഫ്റ്റ് ഓഗസ്റ്റ് ആറിന് വില്പനയ്ക്ക് എത്താനിരിക്കെ പഴയ സ്റ്റോക്ക് വിറ്റഴിക്കാനുള്ള തിടുക്കത്തിലാണ് മാരുതിയും. ഇതിന്റെ ഭാഗമായി 40,000 രൂപ വിലക്കിഴിവ് സിയാസ് പെട്രോള് വകഭേദങ്ങളില് കമ്പനി പ്രഖ്യാപിച്ചു കഴിഞ്ഞു. ഡീസല് മോഡലുകള്ക്ക് 70,000 രൂപയാണ് വിലക്കിഴിവ്.
ഇതിന് പുറമെ 50,000 രൂപയുടെ എക്സ്ചേഞ്ച് ബോണസും കോര്പറേറ്റ് ആനുകൂല്യങ്ങളും ഉപഭോക്താക്കള്ക്ക് നേടാം.
ഫോക്സ്വാഗണ് വെന്റോ: 1.15 ലക്ഷം രൂപ വിലക്കിഴിവ്
വില്പനയില് കിതയ്ക്കുന്ന വെന്റോയ്ക്ക് ഊര്ജ്ജം പകരാന് 1.15 ലക്ഷം രൂപയുടെ വിലക്കിഴിവാണ് ഫോക്സ്വാഗണ് പ്രഖ്യാപിച്ചിരിക്കുന്നത്. കംഫോര്ട്ട്ലൈന് ഡീസല്, ഹൈലൈന് പെട്രോള് വകഭേദങ്ങള് ഒഴികെ മറ്റു വെന്റോ മോഡലുകളിലെല്ലാം 60,000 രൂപയുടെ ഡിസ്കൗണ്ട് നേടാനാണ് ഉപഭോക്താക്കള്ക്ക് അവസരം.
ഇതുകൂടാതെ 40,000 രൂപയുടെ എക്സ്ചേഞ്ചും ബോണസും 15,000 രൂപയുടെ കോര്പറേറ്റ് ഡിസ്കൗണ്ടും വെന്റോയില് ലഭ്യമാണ്. മുഴുവന് ആനുകൂല്യങ്ങളും ചേര്ത്താണ് 1.15 ലക്ഷം രൂപയുടെ വിലക്കിഴിവ് കാറില് ഒരുങ്ങുന്നത്.
ടാറ്റ ഹെക്സ: ഒരുലക്ഷം രൂപ വിലക്കിഴിവ്
ഫ്ളാഗ്ഷിപ്പ് എസ്യുവിയില് ഇന്ത്യന് നിര്മ്മാതാക്കളായ ടാറ്റയും വമ്പന് വിലക്കുറവ് പ്രഖ്യാപിച്ചിട്ടുണ്ട്. പുതിയ മഹീന്ദ്ര XUV500 -യുടെ വരവോടു കൂടി ഹെക്സ വില്പന സാരമായാണ് ഇടിഞ്ഞത്. ഡിസ്കൗണ്ട് ആനുകൂല്യങ്ങള് ഹെക്സയുടെ പ്രചാരം കൂട്ടുമെന്നു ടാറ്റ പ്രതീക്ഷിക്കുന്നു.
ഒരുലക്ഷം രൂപ വരെ വിലക്കിഴിവ് ടാറ്റ ഹെക്സയില് ഉപഭോക്താക്കള്ക്ക് നേടാം. എന്തായാലും ടാറ്റ ഹാരിയര് അടുത്തവര്ഷം വിപണിയില് യാഥാര്ത്ഥ്യമാകുന്നതോടു കൂടി ഫ്ളാഗ്ഷിപ്പ് പട്ടം ഹെക്സയ്ക്ക് നഷ്ടപ്പെടും.
ഫോര്ഡ് ആസ്പൈര്: ഒരുലക്ഷം രൂപ വിലക്കിഴിവ്
പുതിയ ഫോര്ഡ് ആസ്പൈര് ഫെയ്സ്ലിഫ്റ്റും വിപണിയില് വരാന് കാത്തുനില്ക്കുകയാണ്. ഇതിനുമുമ്പെ നിലവിലെ സ്റ്റോക്ക് വിറ്റുതീര്ക്കണം. ഫോര്ഡ് ഡീലര്മാര് കോമ്പാക്ട് സെഡാനില് ഒരുലക്ഷം രൂപ വിലക്കിഴിവ് നല്കാന് കാരണമിതാണ്.
ഫോര്ഡ് ഫിഗൊ: ഒരുലക്ഷം രൂപ വിലക്കിഴിവ്
ആസ്പൈര് ഫെയ്സ്ലിഫ്റ്റിനൊപ്പം ഫിഗൊ ഫെയ്സ്ലിഫ്റ്റിനെയും അണിയറയില് ഫോര്ഡ് ഒരുക്കി നിര്ത്തിയിട്ടുണ്ട്. വിപണിയില് പുതിയ ഫിഗൊ ഫെയ്സ്ലിഫ്റ്റും ഉടനെത്തും.
ഫ്രീസ്റ്റൈലിന്റെ വരവോടു കൂടി ഫിഗൊ ഹാച്ച്ബാക്കിന് ആവശ്യക്കാര് കുറഞ്ഞ സാഹചര്യത്തില് സ്റ്റോക്ക് വിറ്റുതീര്ക്കാനുള്ള തീവ്രശ്രമത്തിലാണ് ഫോര്ഡ് ഡീലര്മാര്. ഇതിന്റെ ഭാഗമായി നിലവിലെ ഫിഗൊ ഹാച്ച്ബാക്കില് ഒരുലക്ഷം രൂപ വരെ ഡിസ്കൗണ്ട് ആനുകൂല്യങ്ങള് ഡീലര്മാര് നല്കുന്നുണ്ട്.
ഹോണ്ട ജാസ്: ഒരുലക്ഷം രൂപ വിലക്കിഴിവ്
ചെറിയ മാറ്റങ്ങളോടെ ജാസ് ഫെയ്സ്ലിഫ്റ്റ് വിപണിയില് എത്താന് ദിവസങ്ങള് മാത്രം ബാക്കിനില്ക്കെ ഒരുലക്ഷം രൂപ വരെയാണ് നിലവിലെ ജാസ് മോഡലുകളില് ഹോണ്ട ഡീലര്ഷിപ്പുകള് നല്കുന്ന വിലക്കിഴിവ്. ക്യാഷ് ഡിസ്കൗണ്ട്, സൗജന്യ ആക്സസറികള്, എക്സ്ചേഞ്ച് ബോണസ് എന്നിവ ഉള്പ്പെടെയാണിത്.
ഹ്യുണ്ടായി ഗ്രാന്ഡ് i10, എക്സെന്റ്: ഒരുലക്ഷം രൂപ വിലക്കിഴിവ്
എക്സെന്റ്, ഗ്രാന്ഡ് i10 മോഡലുകളുടെ വില്പന ഉയര്ത്തുകയാണ് വിലക്കിഴിവിലൂടെ ഹ്യുണ്ടായിയുടെ ലക്ഷ്യമിടുന്നത്. പുതുതലമുറ മാരുതി സുസുക്കി ഡിസൈറും അമേസും വന്നതു മുതല് എക്സെന്റ് വില്പനയില് ബഹുദൂരം പിന്നിലായിരിക്കുകയാണ്.
ഗ്രാന്ഡ് i10 -ന്റെ കാര്യവും വ്യത്യസ്തമല്ല. ഇക്കാരണത്താല് കോര്പറേറ്റ് ഡിസ്കൗണ്ടുകള്, എക്സ്ചേഞ്ച് ബോണസ്, ക്യാഷ് ഡിസ്കൗണ്ട് എന്നിവയെല്ലാം ഉള്പ്പെടെ ഒരുലക്ഷം രൂപ വരെ വിലക്കിഴിവ് മോഡലുകളില് ഹ്യുണ്ടായി ലഭ്യമാക്കുന്നു.
സ്കോഡ സൂപ്പേര്ബ്: ഒരുലക്ഷം രൂപ വിലക്കിഴിവ്
75,000 രൂപയോളം ചെലവുള്ള ആദ്യവര്ഷ സൗജന്യ ഇന്ഷൂറന്സും 15,000 രൂപയുടെ കോര്പറേറ്റ് ഡിസ്കൗണ്ടുമാണ് സൂപ്പേര്ബില് സ്കോഡ് പ്രഖ്യാപിച്ചിട്ടുള്ളത്. ഇതിനു പുറമെ പ്രത്യേക നിരക്കില് നാലു വര്ഷ സര്വീസ് പാക്കേജും ഉപഭോക്താക്കള്ക്ക് ലഭിക്കും. ആനുകൂല്യങ്ങളെല്ലാം കൂടി ചേര്ത്ത് ഒരുലക്ഷം രൂപവരെ ലാഭിക്കാന് സ്കോഡ സൂപ്പേര്ബില് ഉപഭോക്താക്കള്ക്ക് അവസരമുണ്ട്.
Source: MyCarHelpline, AutocarIndia