Just In
- 7 min ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 40 min ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
- 1 hr ago വാഗ്ദാനങ്ങൾ പാലിച്ചില്ല, 'നവകേരള ബസ്' കറിവേപ്പിലയായി! കോടികൾ മുടക്കിയ ബസ് പൊടിപിടിച്ചു കിടക്കുന്നു
- 2 hrs ago മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി
Don't Miss
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Movies കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ
- Lifestyle സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള്
- News അഞ്ച് ദിവസത്തേക്ക് തിരിഞ്ഞുനോക്കേണ്ട, ആഗ്രഹിച്ചതെന്തും നടക്കും; എന്തൊരു ഭാഗ്യം! ഇവര്ക്ക് രാജയോഗം
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
വരുന്നു ഇക്കോബൂസ്റ്റ് എഞ്ചിനില് ഫോര്ഡ് ഇക്കോസ്പോര്ട്; പുതിയ രണ്ടു വകഭേദങ്ങള് ഉടന് വിപണിയില്
പോയ വര്ഷമാണ് ഫോര്ഡ് ഇക്കോസ്പോര്ട് ഫെയ്സ്ലിഫ്റ്റ് വിപണിയില് എത്തിയത്. വന്നത് പുതിയ 1.5 ലിറ്റര് ഡ്രാഗണ് സീരീസ് പെട്രോള് എഞ്ചിനില്. എന്നാല് എസ്യുവിയ്ക്ക് ഇത്രയും കാലം തുടിപ്പേകിയ ടര്ബ്ബോചാര്ജ്ഡ് ഇക്കോബൂസ്റ്റ് എഞ്ചിനെ നിരയില് നിന്നും കമ്പനി നിര്ദാക്ഷിണ്യം നീക്കി.
ഇപ്പോൾ വീണ്ടും 1.0 ലിറ്റര് ഇക്കോബൂസ്റ്റ് എഞ്ചിനെ ഇക്കോസ്പോര്ടില് തിരികെ കൊണ്ടുവരാനുള്ള ആലോചനയിലാണ് ഫോര്ഡ് ഇന്ത്യ. എന്തായാലും പുതിയ രണ്ടു വകഭേദങ്ങള് ഫോര്ഡ് ഇക്കോസ്പോര്ട് നിരയില് ഉടന് തലയുയര്ത്തും.
ടൈറ്റാനിയം എസ്, സിഗ്നേച്ചര് എഡിഷന് വകഭേദങ്ങളാണ് ഇനി വരാനുള്ളത്. രണ്ടു വകഭേദങ്ങളും ക്യാമറയ്ക്ക് മുന്നില്പ്പെട്ടു കഴിഞ്ഞു. സ്പോര്ടി കോമ്പാക്ട് എസ്യുവി സങ്കല്പം പേറുന്ന ഉപഭോക്താക്കള്ക്ക് വേണ്ടിയാണ് പുതിയ ഇക്കോസ്പോര്ട് ടൈറ്റാനിയം എസ്.
പുതിയ ഇക്കോസ്പോര്ട് ടൈറ്റാനിയം എസില് 1.0 ലിറ്റര് ടര്ബ്ബോചാര്ജ്ഡ് ഇക്കോബൂസ്റ്റ് പെട്രോള് എഞ്ചിനാണെന്നാണ് വിവരം. 125 bhp കരുത്തേകുന്നതാണ് എഞ്ചിന്. ദൃഢമേറിയ സസ്പെന്ഷന് സംവിധാനവും മികവേറിയ സ്റ്റീയറിംഗ് പ്രതികരണവും ടൈറ്റാനിയം എസിന്റെ പ്രത്യേകതകളാണ്.
പെട്രോള് എഞ്ചിന് പുറമെ 1.5 ലിറ്റര് ഡീസല് എഞ്ചിനും ഇക്കോസ്പോര്ട് ടൈറ്റാനിയം എസില് ഒരുങ്ങും. എഞ്ചിന് പരമാവധി 98.5 bhp കരുത്തും 205 Nm torque ഉം സൃഷ്ടിക്കാനാവും.
ഏറ്റവും ഉയര്ന്ന ഇക്കോസ്പോര്ട് വകഭേദത്തിലുള്ള എല്ലാ ഫീച്ചറുകളും ടൈറ്റാനിയം എസിലുണ്ട്. ഇതു കൂടാതെ പുതിയ സണ്റൂഫും ആറു സ്പീഡ് മാനുവല് ഗിയര്ബോക്സുമാണ് മോഡലില് എടുത്തുപറയേണ്ട വിശേഷം.
17 ഇഞ്ച് അലോയ് വീലുകള്, HID ഹെഡ്ലാമ്പുകള്, പരിഷ്കരിച്ച ഇന്സ്ട്രമെന്റ് ക്ലസ്റ്റര്, 4.2 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനം എന്നിങ്ങനെ നീളും ടൈറ്റാനിയം എസിന്റെ മറ്റു പ്രത്യേകതകള്. സാറ്റിന് ഓറഞ്ച് നിറത്തിലാണ് പുതിയ എസ് വകഭേദം ലഭ്യമാവുക. കറുത്ത പശ്ചാത്തലത്തിലാണ് ഗ്രില്ല്.
ഏറ്റവും ഉയര്ന്ന ടൈറ്റാനിയം പ്ലസ് വകഭേദത്തെ അടിസ്ഥാനപ്പെടുത്തിയാണ് ഇക്കോസ്പോര്ട് സിഗ്നേച്ചര് എഡിഷന്റെ ഒരുക്കം. എസ്യുവിയുടെ മെക്കാനിക്കല് മുഖത്ത് മാറ്റങ്ങളുണ്ടാകില്ല. കോസ്മറ്റിക് അപ്ഡേറ്റുകളാണ് സിഗ്നേച്ചര് എഡിഷനില് മുഖ്യം.
വേറിട്ട ഡിസൈന് ശൈലിയിലാണ് 17 ഇഞ്ച് അലോയ് വീലുകള്. പുതിയ സ്പോയിലര്, ഗ്രില്ലിലുള്ള കറുത്ത ആക്സന്റുകള്, ആനോഡൈസ്ഡ് ബ്ലൂ നിറം എന്നിവ സിഗ്നേച്ചര് എഡിഷന്റെ പ്രത്യേകതകളാണ്.
ഹെഡ്ലാമ്പുകളും ഫോഗ്ലാമ്പുകളും മോഡലില് പരിഷ്കരിച്ചിട്ടുണ്ട്. ഇലക്ട്രോണിക് സ്റ്റബിലിറ്റി കണ്ട്രോള്, ഹില് സ്റ്റാര്ട്ട് അസിസ്റ്റ് പോലുള്ള കൂടുതല് സുരക്ഷാ സജ്ജീകരണങ്ങളും സിഗ്നേച്ചര് എഡിഷനില് എടുത്തുപറയാം.
കഴിഞ്ഞ ദിവസമാണ് ഇക്കോസ്പോര്ട് വകഭേദങ്ങളുടെ വില ഫോര്ഡ് പുതുക്കിയത്. വകഭേദങ്ങളെ അടിസ്ഥാനപ്പെടുത്തി അയ്യായിരം രൂപ മുതല് പതിനായിരം രൂപ വരെയാണ് ഇക്കോസ്പോര്ടിന് വില കൂടിയതും.
അതേസമയം വേരിയന്റുകളില് ഉടനീളം ഫീച്ചറുകളെയും കമ്പനി പരിഷ്കരിച്ചു. റിയര് പാര്ക്കിംഗ് സെന്സറുകള്, സ്പീഡ് സെന്സിംഗ് ഓട്ടോ ഡോര് ലോക്ക്, പാസഞ്ചര് സീറ്റ്ബെല്റ്റ് റിമൈന്ഡര് എന്നിവ ഇനി മുതല് ഇക്കോസ്പോര്ടില് സ്റ്റാന്ഡേര്ഡ് ഫീച്ചറുകളാണ്.
മാരുതി വിറ്റാര ബ്രെസ്സ, റെനോ ഡസ്റ്റര് എന്നിവരാണ് ഇക്കോസ്പോര്ടിന്റെ മുഖ്യ എതിരാളികള്.
Source: AutoCar