Just In
- 8 min ago ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ
- 47 min ago ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- 1 hr ago കുട്ടികളോട് നിങ്ങൾ ഇങ്ങനെ ചെയ്യരുത്, കാറിൽ ഒറ്റയ്ക്ക് ഇരുത്തരുതെന്ന് ദുരന്ത നിവാരണ അതോറിറ്റിയുടെ മുന്നറിയിപ്
- 2 hrs ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
Don't Miss
- News സിനിമ മുതല് സർവ്വേ വരെ പാടില്ല: എന്താണ് നിശബ്ദ പ്രചരണം, അറിയേണ്ടതെല്ലാം
- Lifestyle ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ്
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
പുതിയ ഫോര്ഡ് ഇക്കോസ്പോര്ട് എസ് വിപണിയില്, ഒപ്പം സിഗ്നേച്ചര് എഡിഷനും!
പുതിയ രണ്ടു വകഭേദങ്ങളില് ഫോര്ഡ് ഇക്കോസ്പോര്ട് വിപണിയില്. ഇക്കോസ്പോര്ട് എസ്, ഇക്കോസ്പോര്ട് സിഗ്നേച്ചര് എഡിഷന് വകഭേദങ്ങള് ഇന്ത്യയില് പുറത്തിറങ്ങി. പ്രകടനക്ഷമതയെ മുന്നിര്ത്തിയാണ് പുതിയ ടൈറ്റാനിയം എസിന്റെ ഒരുക്കം. അതേസമയം കൂടുതല് പ്രീമിയം ഫീച്ചറുകളും പരിഷ്കരിച്ച രൂപവുമാണ് ഇക്കോസ്പോര്ട് സിഗ്നച്ചേര് എഡിഷന്റെ ആകര്ഷണം.
10.40 ലക്ഷം രൂപ മുതലാണ് ലിമിറ്റഡ് എഡിഷന് ഇക്കോസ്പോര്ട് സിഗ്നേച്ചര് എഡിഷന്റെ എക്സ്ഷോറൂം വില. പുതിയ ഇക്കോസ്പോര്ട് ടൈറ്റാനിയം എസിന് വില, 11.37 ലക്ഷം രൂപ മുതലും. വിലകള് ദില്ലി എക്സ്ഷോറൂമിനെ അടിസ്ഥാനപ്പെടുത്തി.
പുതിയ ഇക്കോസ്പോര്ട് വകഭേദങ്ങളുടെ ബുക്കിംഗ് ഡീലര്ഷിപ്പുകള് ആരംഭിച്ചു. സ്റ്റാന്ഡേര്ഡ് ഇക്കോസ്പോര്ട് ടൈറ്റാനിയം വകഭേദമാണ് പുതിയ ഇക്കോസ്പോര്ട് എസിനും സിഗ്നേച്ചര് എഡിഷനും ആധാരം. പെട്രോള്, ഡീസല് പതിപ്പുകളില് പുതിയ രണ്ടു അവതാരങ്ങളും ലഭ്യമാണ്.
Model | Petrol | Diesel |
EcoSport Signature Edition | ₹ 10.4 lakh | ₹ 10.99 lakh |
EcoSport S | ₹ 11.37 lakh | ₹ 11.89 lakh |
പേരുകേട്ട 1.0 ലിറ്റര് ഇക്കോബൂസ്റ്റ് എഞ്ചിനാണ് പുതിയ ഇക്കോസ്പോര്ട് എസില്. എഞ്ചിന് 123 bhp കരുത്തും 170 Nm torque ഉം പരമാവധി സൃഷ്ടിക്കാനാവും. ആറു സ്പീഡാണ് മാനുവല് ഗിയര്ബോക്സ്. പുതിയ എസ്യുവി വകഭേദത്തില് 18.1 കിലോമീറ്റര് മൈലേജ് ഫോര്ഡ് വാഗ്ദാനം ചെയ്യുന്നു. 1.5 ലിറ്റര് ഡീസല് എഞ്ചിനും ഇക്കോസ്പോര്ട് എസിലുണ്ട്.
നിലവിലുള്ള 1.5 ലിറ്റര് ഡ്രാഗണ് സീരീസ് പെട്രോള്, 1.5 ലിറ്റര് ഡീസല് എഞ്ചിനുകളിലാണ് ഫോര്ഡ് ഇക്കോസ്പോര്ട് സിഗ്നേച്ചര് എഡിഷന്റെ വരവ്. 121 bhp കരുത്തും 150 Nm torque ഉം പെട്രോള് എഞ്ചിനുണ്ട്. പരമാവധി 98.6 bhp കരുത്തും 205 Nm torque ഉം ഉത്പാദിപ്പിക്കുന്നതാണ് ഡീസല് എഞ്ചിന്.
ഇരു എഞ്ചിന് പതിപ്പുകളിലും അഞ്ചു സ്പീഡ് മാനുവല് ഗിയര്ബോക്സ് ഇടംപിടിക്കുന്നു. 'ഫണ് റൂഫെന്ന്' ഫോര്ഡ് വിശേഷിപ്പിക്കുന്ന വൈദ്യുത സണ്റൂഫാണ് ഇക്കോസ്പോര്ട് എസില് പ്രധാന ആകര്ഷണം.
പരിഷ്കരിച്ച 17 ഇഞ്ച് അലോയ് വീല്, HID ഹെഡ്ലാമ്പുകള്, പുതുക്കിയ ഇന്സ്ട്രമെന്റ് ക്ലസ്റ്റര്, ടയര് പ്രഷര് മോണിട്ടറിംഗ് സംവിധാനം എന്നിങ്ങനെ നീളും മോഡലിന്റെ മറ്റു പ്രത്യേകതകള്. രസകരമായ ഡ്രൈവിംഗ് ഉറപ്പുവരുത്തുന്ന ദൃഢതയേറിയ സസ്പെന്ഷനാണ് ഇക്കോസ്പോര്ട് എസില്.
മികവേറിയ സ്റ്റീയറിംഗ് പ്രതികരണവും മോഡലില് എടുത്തുപറയണം. 'സ്മോക്ക്' ചെയ്ത ഹെഡ്ലാമ്പുകളാണ് ഇക്കോസ്പോര്ട് എസിന്. ഫോഗ്ലാമ്പുകള്ക്ക് ചുറ്റും കറുപ്പിന്റെ പിന്തുണ കാണാന് സാധിക്കും. പുതിയ സാറ്റിന് ഓറഞ്ച് നിറവും ടൈറ്റാനിയം എസിന്റെ ഡിസൈന് സവിശേഷതകളില് ഉള്പ്പെടും.
അകത്തളത്തിലേക്ക് കയറിയാല് ഓറഞ്ച് നിറമുള്ള സെന്റര് കണ്സോളാണ് ആദ്യ ശ്രദ്ധയില്പ്പെടുക. സീറ്റുകളിലും ഡോറുകളുടെ വശങ്ങളിലും ഇതേ ഓറഞ്ച് നിറം കാണാം. ആറു എയര്ബാഗുകള്, 8.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനം എന്നിവ ഇക്കോസ്പോര്ട് എസിന്റെ മറ്റു ഫീച്ചറുകളാണ്.
ഇക്കോസ്പോര്ട് സിഗ്നേച്ചര് എഡിഷനിലും പുതിയ 17 ഇഞ്ച് അലോയ് വീലുകള് ഇടംപിടിച്ചിട്ടുണ്ട്. സണ്റൂഫ്, ക്രോം അലങ്കാരം നേടിയ ഗ്രില്ല്, പുത്തന് ഗ്രാഫിക്സ്, റിയര് സ്പോയിലര് എന്നിവയ്ക്കൊപ്പമാണ് സിഗ്നേച്ചര് എഡിഷന്റെ ഒരുക്കം.
ആനൊഡൈസ്ഡ് ബ്ലൂ നിറശൈലിയാണ് സിഗ്നേച്ചര് എഡിഷന്. അകത്തളത്തെ സീറ്റ് സ്റ്റിച്ചിംഗിലും, സെന്റര് കണ്സോൡലും, ഇന്സ്ട്രമെന്റ് പാനലിലും ഇതേ നീല നിറം തെളിഞ്ഞു കിടപ്പുണ്ട്. ടൈറ്റാനിയം വകഭേദത്തില് ഓപ്ഷനലായാണ് സിഗ്നേച്ചര് എഡിഷന് ലഭ്യമാവുക.
മാരുതി വിറ്റാര ബ്രെസ്സ, ടാറ്റ നെക്സോണ്, വരാനിരിക്കുന്ന ഹ്യുണ്ടായി ക്രെറ്റ ഫെയ്സ്ലിഫ്റ്റ് എന്നിവരോടാണ് ഫോര്ഡ് ഇക്കോസ്പോര്ടിന്റെ അങ്കം.