Just In
- 30 min ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 43 min ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 1 hr ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
- 2 hrs ago ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
Don't Miss
- Movies ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ
- Sports T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത്
- Lifestyle എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട്
- News ലോക്സഭാ തിരഞ്ഞെടുപ്പ്; കാസർഗോഡ് ഉണ്ണിച്ച വീണ്ടുമെത്തുമെന്ന് യുഡിഎഫ്; തിരിച്ചുപിടിക്കാൻ എൽഡിഎഫും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
'കാര് പൂളിങ്ങ്' അനധികൃതം; പണംവാങ്ങി യാത്രക്കാരെ കയറ്റിയതിന് പൊലീസ് കാര് പിടിച്ചെടുത്തു
'കാര് പൂളിങ്ങ്' ആശയത്തിന് മെട്രോനഗരങ്ങളില് വലിയ സ്വീകാര്യത ലഭിക്കുകയാണ്. നിശ്ചിത സ്ഥാനത്തെത്താന് പണംകൊടുത്തു സ്വകാര്യ കാറുകളെ ആശ്രയിക്കുന്ന യാത്രാ ഉപാധിയാണ് കാര് പൂളിങ്ങ്. 'ബ്ലാബ്ലാകാര്', 'ക്വിക്ക്റൈഡ്' പോലുള്ള റൈഡ് ഷെയറിങ്ങ് ആപ്പുകളുടെ പ്രചാരം കാര് പൂളിങ്ങ് ആശയത്തിന് ജനകീയ മുഖംനല്കി.
ലളിതമായി പറഞ്ഞാല് കാര് കാലിയടിച്ചു പോകാതെ വഴിയില് യാത്രക്കാരെ കയറ്റി കൂടുതല് പണം സമ്പാദിക്കാനുള്ള അവസരമായി സ്വകാര്യ കാറുടമകള് കാര് പൂളിങ്ങ് ഉപയോഗപ്പെടുത്തുന്നു.
എന്നാല് ഇന്ത്യയില് കാര് പൂളിങ്ങ് അനധികൃതമാണെന്നു റൈഡ് ഷെയറിങ്ങ് ആപ്പുകള് ഉപയോഗിക്കുന്ന ആളുകള് അറിയുന്നില്ല. നിയമത്തിന് മുന്നില് ഇത്തരക്കാര് കുറ്റക്കാരാണ്. കഴിഞ്ഞദിവസം ബെംഗളൂരുവില് ആര്ടിഒ ഉദ്യോഗസ്ഥര് പിടികൂടിയ ഹ്യുണ്ടായി എലൈറ്റ് i20 -യും കാര് പൂളിങ്ങ് നടത്തിയതിനാണ് കുടുങ്ങിയത്.
ബെംഗളൂരുവില് നിന്നും ഹൈദരാബാദിലേക്കുള്ള യാത്രയില് യാത്രക്കാരെ പണംസ്വീകരിച്ചു കയറ്റുകയായിരുന്നു ഉടമ. റൈഡ് ഷെയറിങ്ങ് ആപ്പില് യാത്രക്കാരായി ചമഞ്ഞ പൊലീസ് ഉദ്യോഗസ്ഥരാണ് കാറുടമയെ കൈയ്യോടെ പിടികൂടിയത്.
ആപ്പ് മുഖേന കാറില് മൂന്നു സീറ്റുകള് ബുക്ക് ചെയ്യുകയായിരുന്നു ഇവര്. 1,600 രൂപയാണ് ഓരോ യാത്രക്കാരനില് നിന്നും എലൈറ്റ് i20 ഉടമ ഈടാക്കിയത്. എലൈറ്റ് i20 പിടിച്ചെടുത്ത പൊലീസ് കാര് പൂളിങ്ങ് നടത്തിയതിന് 2,000 രൂപ ഡ്രൈവര്ക്ക് പിഴ ചുമത്തി.
സ്വകാര്യ രജിസ്ട്രേഷനുള്ള കാറില് പണംസ്വീകരിച്ചു ആളെ കയറ്റിയതാണ് കുറ്റം. സ്വകാര്യ കാറുകള്ക്ക് ടാക്സിയായി ഓടാനുള്ള അനുമതി ഇന്ത്യയിലില്ല. ഇക്കാരണത്താല് കാര് പൂളിങ്ങ് രാജ്യത്തു നിയമവിരുദ്ധമാണ്.
ഇതാദ്യമായല്ല പണം സ്വീകരിച്ചു കാര് പൂളിങ്ങ് നടത്തുന്നവര്ക്ക് എതിരെ അധികൃതര് നടപടിയെടുക്കുന്നത്. ചെന്നൈയിലും ഹസനിലും സമാന സംഭവങ്ങളില് പൊലീസ് കുറ്റക്കാര്ക്ക് എതിരെ പിഴ ചുമത്തിയിട്ടുണ്ട്.
പൂളിങ്ങ് നടത്തുന്ന കാറുകള് അപകടത്തില്പ്പെടുന്ന സാഹചര്യത്തില് ഉള്ളില് സഞ്ചരിക്കുന്ന യാത്രക്കാര്ക്ക് ഇന്ഷുറന്സ് പരിരക്ഷ ലഭിക്കില്ല. അതേസമയം ടാക്സി കാറുകളില് യാത്രക്കാര്ക്ക് പ്രത്യേക പരിരക്ഷയുണ്ടാകും.
കാര് പൂളിങ്ങ് പോലെ തന്നെ അപരിചിതര്ക്ക് സ്വകാര്യ വാഹനങ്ങളില് ലിഫ്റ്റ് കൊടുക്കുന്നതും മോട്ടോര് വാഹന നിയമത്തില് പിഴ ഈടാക്കാവുന്ന കുറ്റമാണ്. പൊതുഗതാഗതം, ചരക്കുനീക്കം എന്നീ ആവശ്യങ്ങള്ക്ക് സ്വകാര്യ വാഹനങ്ങള് ഉപയോഗിക്കരുതെന്ന് മോട്ടോര് വാഹന നിയമം സെക്ഷന് 66 -ല് വ്യക്തമായി നിഷ്കർഷിക്കുന്നുണ്ട്.
അതേസമയം രോഗം, അപകടം തുടങ്ങിയ അടിയന്തര സാഹചര്യങ്ങളില് നിയമത്തില് ഇളവ് ലഭിക്കും. സ്വകാര്യ വാഹനങ്ങള് ടാക്സിയായി ഉപയോഗിച്ചു വാണിജ്യ നികുതി വെട്ടിക്കാന് ശ്രമിക്കുന്നവര്ക്ക് തടയിടുകയാണ് ഈ നിയമത്തിന്റെ ലക്ഷ്യം.
മാത്രമല്ല, ഒറ്റപ്പെട്ട റോഡുകളില് ലിഫ്റ്റ് ആവശ്യപ്പെട്ടുള്ള ആസൂത്രിത ആക്രമണങ്ങള് ചെറുക്കാനും ഇത്തരമൊരു നിര്ദ്ദേശത്തിന് കഴിയും.
Source: The Hindu