Click it and Unblock the Notifications
Just In
-
-
-
-
Don't Miss
-
രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം -
'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു -
പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
കോമ്പസിനെക്കാളും വിലക്കുറവില്‍ ജീപിന്റെ ചെറു എസ്‌യുവി, വിപണിയില്‍ ഉടന്‍
ഇന്ത്യയില്‍ സബ് നാലു മീറ്റര്‍ ഗണത്തിലുള്ള ചെറു എസ്‌യുവിയെ കൊണ്ടുവരുമെന്നു ജീപ്. വിപണിയില്‍ അമേരിക്കന്‍ നിര്‍മ്മാതാക്കളുടെ പ്രാരംഭ മോഡലാകും വരാനിരിക്കുന്ന ചെറു എസ്‌യുവി. നിലവില്‍ കോമ്പസ് എസ്‌യുവിയാണ് ജീപ് നിരയിലെ തുടക്കക്കാരന്‍. ചെറു എസ്‌യുവിക്ക് പിന്നാലെ മൂന്നു നിരയുള്ള പുത്തന്‍ ഇടത്തരം എസ്‌യുവിയും ജീപ് നിരയില്‍ അണിചേരും.
മാരുതി സുസൂക്കി വിറ്റാര ബ്രെസ്സ, ഫോര്‍ഡ് ഇക്കോസ്‌പോര്‍ട്, ടാറ്റ നെക്‌സോണ്‍ എന്നിവര്‍ക്കുള്ള ജീപിന്റെ മറുപടിയാണ് പുതിയ സബ് നാലു മീറ്റര്‍ എസ്‌യുവി. ആഗോള ജീപ് നിരയില്‍ റെനഗേഡിനും താഴെയാണ് പുതിയ ചെറു എസ്‌യുവിയുടെ സ്ഥാനം.
പുതുതലമുറ ഫിയറ്റ് പാണ്ട, ഫിയറ്റ് 500 മോഡലുകളുമായി ജീപ് എസ്‌യുവി അടിത്തറ പങ്കിടും. റെനഗേഡിന്റെ അടിത്തറയില്‍ ചെറു എസ്‌യുവിയെ ഇങ്ങോട്ടു കൊണ്ടുവരാനായിരുന്നു ജീപ് ആദ്യം പദ്ധതിയിട്ടത്. എന്നാല്‍ പുതിയ എസ്‌യുവിയുടെ സ്വഭാവ സവിശേഷതകളോടു നീതി പുലര്‍ത്താന്‍ ഭാരം കൂടിയ റെനഗേഡ് അടിത്തറയ്ക്ക് സാധിക്കില്ലെന്നു കമ്പനി തിരിച്ചറിഞ്ഞു.
ഈ അവസരത്തിലാണ് ഫിയറ്റ് പാണ്ടയിലേക്കു ജീപ് കണ്ണെത്തിച്ചത്. നാലു വീല്‍ ഡ്രൈവുള്ള പാണ്ടയെ അടിസ്ഥാനപ്പെടുത്തിയാണ് എസ്‌യുവിയുടെ രൂപകല്‍പന. അതേസമയം ഓഫ്‌റോഡ് ശേഷി വെളിപ്പെടുത്തുന്ന 'ജീപ് ഡിസൈന്‍' ശൈലി എസ്‌യുവി പിന്തുടരുമെന്നു കമ്പനി വ്യക്തമാക്കിയിട്ടുണ്ട്.
ഇന്ത്യയില്‍ ജീപിന്റെ ബജറ്റ് പരിവേഷമാണ് കോമ്പസ് എസ്‌യുവി. ബജറ്റ് നിരയിലേക്കു കൂടുതല്‍ മോഡലുകളെ അവതരിപ്പിക്കാനാണ് കമ്പനിയുടെ ലക്ഷ്യം. സമീപഭാവിയില്‍ റെനഗേഡും ഇന്ത്യയില്‍ എത്തുമെന്നാണ് വിവരം.
രാജ്യത്തു പരീക്ഷണയോട്ടം നടത്തുന്ന റെനഗേഡിനെ ക്യാമറ പലതവണ പകര്‍ത്തി കഴിഞ്ഞു. വരാനിരിക്കുന്ന ചെറു എസ്‌യുവിയും റെനഗേഡും ജീപ് നിരയില്‍ എത്തുന്നതോടു കൂടി നിര ശക്തമാകും; പോര് മുറുകും.
ഇവര്‍ക്കു പുറമെ നാലു വൈദ്യുത മോഡലുകളെയും പത്തു പ്ലഗ്-ഇന്‍ ഹൈബ്രിഡ് മോഡലുകളെയും ഇന്ത്യയ്ക്കു വേണ്ടി കമ്പനി ആലോചിക്കുന്നുണ്ട്. 2022 ഓടെ വൈദ്യുത മോഡലുകള്‍ ഇന്ത്യയില്‍ എത്തും. ഇതേകാലയളവില്‍ റാംഗ്‌ളര്‍ പിക്കപ്പ്, ഗ്രാന്‍ഡ് വാഗണീര്‍ മോഡലുകളും ജീപ് നിരയില്‍ അണിനിരക്കും.
