Click it and Unblock the Notifications
ഇന്ത്യയ്ക്ക് ഏറ്റവും വിശ്വാസമുള്ള വാഹന നിര്മ്മാതാക്കള് — പട്ടിക പുറത്ത്!
വന്നു വന്നു ഇന്ത്യയ്ക്ക് മാരുതിയോടുള്ള വിശ്വാസം കുറഞ്ഞോ? കഴിഞ്ഞ വര്ഷം ഏഴാം സ്ഥാനത്ത്; ഇക്കുറി കാലിടറി പത്താമതും. പറഞ്ഞു വരുന്നത് ഏറ്റവും വിശ്വാസ്യതയുള്ള ബ്രാന്ഡുകളെ കുറിച്ച്. ട്രസ്റ്റ് അഡ്വൈസറി ഓഫ് ഇന്ത്യ (TRA) ബ്രാന്ഡ് ട്രസ്റ്റ് റിപ്പോര്ട്ട് 2018 (BTR 2018) പുറത്തുവിട്ടു.
ടാറ്റ, മാരുതി, ഹോണ്ട, ബിഎംഡബ്ല്യു എന്നിവരടങ്ങുന്നതാണ് പട്ടിക. കണ്സ്യൂമര് ഇലക്ട്രോണിക്സ് കമ്പനിയായ സാംസങ്ങാണ് പട്ടികയില് ഏറ്റവും മുന്നില്. അതായത് സാംസങ്ങിനെയാണ് ഇന്ത്യയ്ക്ക് ഏറ്റവും വിശ്വാസം.
വാഹന നിര്മ്മാതാക്കള്ക്ക് ഇടയില് ടാറ്റയ്ക്കാണ് ഏറ്റവും വിശ്വാസ്യത. പട്ടികയില് നാലാമതാണ് ടാറ്റ. വൈവിധ്യ ബ്രാന്ഡുകളുടെ ഗണത്തിലാണ് ടാറ്റ എന്നതും ഇവിടെ എടുത്തുപറയണം.
വൈവിധ്യമാര്ന്ന ഗണത്തില്പ്പെടുന്ന ബജാജ് പട്ടികയില് ബിഎംഡബ്ല്യുവിന് തൊട്ടു പിന്നില് പതിനാറാമതാണ്. കഴിഞ്ഞ ഒരു വര്ഷം വിപണി വിലയിരുത്തിയും ഉപഭോക്താക്കളുടെ പ്രതികരണങ്ങളെ അടിസ്ഥാനമാക്കിയുമാണ് TRA യുടെ റിപ്പോര്ട്ട്.
കമ്പനികളുടെ വില്പനനാന്തര സേവനങ്ങള്, ഉത്പന്നങ്ങളുടെ ഗുണനിലവാരം, പണത്തിനൊത്ത മൂല്യം പോലുള്ള ഘടകങ്ങള് റിപ്പോര്ട്ടില് പഠനവിധേയമാക്കി.
വാഹന നിര്മ്മാതാക്കളുടെ ഗണത്തില് ജാപ്പനീസ് നിര്മ്മാതാക്കളായ ഹോണ്ടയാണ് മുന്നില്. പട്ടികയില് ഏഴാമതാണ് ഹോണ്ട. കഴിഞ്ഞ വര്ഷത്തെ പട്ടികയില് ഹോണ്ട ആറാം സ്ഥാനത്തായിരുന്നു.
ഇന്ത്യന് നിര്മ്മാതാക്കളായ മാരുതിക്ക് ഇക്കുറി വലിയ വീഴ്ചയാണ് സംഭവിച്ചത്. ഏഴാം സ്ഥാനത്ത് നിന്നും നേരെ പത്താം സ്ഥാനത്താണ് മാരുതി സുസൂക്കി ഇപ്പോള്.
പാസഞ്ചര് വാഹന വിഭാഗത്തില് കൂടുതല് നിര്മ്മാതാക്കള് മോഡലുകളെ അവതരിപ്പിക്കാന് തുടങ്ങിയത് മാരുതി സുസൂക്കിയ്ക്ക് വിനയായി. ഇന്ത്യയില് ബിഎംഡബ്ല്യുവിന്റെ വിശ്വാസ്യത കുതിച്ചുയരുകയാണെന്ന് പട്ടിക പറഞ്ഞുവെയ്ക്കുന്നു.
കഴിഞ്ഞ വര്ഷം 45 ആം സ്ഥാനത്ത്; ഇത്തവണ 15 മതാണ് ജര്മ്മന് നിര്മ്മാതാക്കള്. ഇന്ത്യന് വിപണിയില് പ്രീമിയം വാഹനങ്ങള്ക്ക് ആവശ്യക്കാരേറിയത് ബിഎംഡബ്ല്യുവിന് അനുകൂലമായി മാറി.
നേരത്തെ പത്താം സ്ഥാനത്തായിരുന്ന ബജാജ് പുതിയ പട്ടികയില് പതിനാറാമതാണ്. വിപണിയില് ഇരുചക്ര, മുചക്ര വാഹനങ്ങളെ അണിനിരത്തുന്ന ബജാജ്, ശ്രേണികളില് ഉടനീളം ശക്തമായ മത്സരം നേരിടുന്ന പശ്ചാത്തലത്തിലാണ് ഈ വീഴ്ച.
ഇന്ത്യയില് ഏറ്റവും വിശ്വാസ്യതയുള്ള ആദ്യ പത്തു ബ്രാന്ഡുകള്
- സാംസങ്ങ് - കണ്സ്യൂമര് ഇലക്ട്രോണിക്സ്
- സോണി - കണ്സ്യൂമര് ഇലക്ട്രോണിക്സ്
- എല്ജി - കണ്സ്യൂമര് ഇലക്ട്രോണിക്സ്
- ടാറ്റ - വൈവിധ്യ ഗണം
- ആപ്പിള് - ടെക്നോളജി
- ഡെല് - ടെക്നോളജി
- ഹോണ്ട - ഓട്ടോമൊബൈല്
- നൈക്കി - സ്പോര്ട്സ്വെയര്
- എച്ച്പി - ടെക്നോളജി
- മാരുതി സുസൂക്കി - ഓട്ടോമൊബൈല്
Continue with Google