Just In
- 53 min ago ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം
- 1 hr ago ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
- 2 hrs ago ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ്
- 3 hrs ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
Don't Miss
- Lifestyle മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം
- Movies 'പ്രണയത്തിൻ്റെ പേരിൽ ജാസ്മിൻ എന്നെ വിഡ്ഢിയാക്കി, ഞാൻ അനുഭവിക്കുന്നത് ഇനി അവൾ മനസിലാക്കും'; ഭാവി വരൻ അഫ്സൽ
- News യുഎഇയും ഖത്തറും തുര്ക്കിയുടെ കൂടെ; ഇറാഖില് നിന്ന് പുതിയ പാത, ഇന്ത്യന് മോഹങ്ങള്ക്ക് തിരിച്ചടി
- Finance മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
കൂടുതല് പക്വതയോടെ പുത്തന് ഫോര്ഡ് ആസ്പൈര്
ഫോര്ഡ് ഫിഗൊ ആസ്പൈര് ഫെയ്സ്ലിഫ്റ്റ്. മാസങ്ങള് ഒരുപാടായി മോഡലിനെ വിപണി കാത്തിരിക്കാന് തുടങ്ങിയിട്ട്. എന്തായാലും ഒക്ടോബര് നാലിന് പുതിയ ഫിഗൊ ആസ്പൈര് ഇന്ത്യയില് വില്പനയ്ക്കെത്തും. പരിഷ്കരിച്ച കോമ്പാക്ട് സെഡാന്റെ പ്രീ-ബുക്കിംഗ് കഴിഞ്ഞമാസം മുതല്ക്കെ കമ്പനി തുടങ്ങി. ബുക്കിംഗ് തുക 11,000 രൂപ.
വരവിന് മുന്നോടിയായി ഫോര്ഡ് പുറത്തുവിട്ട പുത്തന് ആസ്പൈറിന്റെ സ്റ്റുഡിയോ ചിത്രങ്ങള് ആരാധകരുടെ പ്രതീക്ഷ പതിന്മടങ്ങ് ഉയര്ത്തിയെന്നുവേണം പറയാന്. പുതിയ സെഡാനെ ചിത്രങ്ങളിലൂടെ ഫോര്ഡ് വരച്ചുകാട്ടി. ഇത്തവണ മോഡലിന്റെ മുന് പിന് ഭാഗങ്ങളില് പരിഷ്കാരങ്ങള് അനവധിയുണ്ട്.
ബമ്പറുകളുടെ ശൈലി മാറി. ഇനി കൂടുതല് പക്വത അനുഭവപ്പെടും. മെഷ് ഘടന പാലിക്കുന്ന വീതിയേറിയ മുന് ഗ്രില്ല് ആസ്പൈര് ഫെയ്സ്ലിഫ്റ്റിന്റെ പ്രധാന സവിശേഷതയാണ്. അകത്തളത്തില് ഡാഷ്ബോര്ഡായിരിക്കും ശ്രദ്ധയാകര്ഷിക്കുക.
പുതിയ ടച്ച്സ്ക്രീന് ഇന്ഫോടെയ്ന്മെന്റ് സംവിധാനമാണ് ഡാഷ്ബോര്ഡില് ഒരുങ്ങുന്നത്. ആപ്പിള് കാര്പ്ലേയും ആന്ട്രോയ്ഡ് ഓട്ടോയുമുള്ള ഫോര്ഡ് SYNC3 ഇന്ഫോടെയ്ന്മെന്റ് മോഡലിന്റെ ഉയര്ന്ന വകഭേദങ്ങളില് പ്രതീക്ഷിക്കാം.
Most Read: ഇത് കൊഡിയാക്ക് RS, സ്കോഡയുടെ ചരിത്രത്തിലെ ഏറ്റവും കരുത്തുറ്റ ഡീസല് എസ്യുവി
ബീജ് - ബ്ലാക് നിറങ്ങള് ഇടകലര്ന്ന അകത്തളം പുതുമ സമര്പ്പിക്കുന്നതില് നിര്ണ്ണായകമായി മാറും. കാറിന് പ്രീമിയം പ്രതിച്ഛായ നല്കാന് അടുത്തകാലത്തായി ബീജ് നിറത്തെയാണ് നിര്മ്മാതാക്കള് ആശ്രയിക്കാറ്. ഇന്ത്യന് റോഡ് സാഹചര്യങ്ങളില് ബീജ് നിറം പരിപാലിക്കുക അല്പം ശ്രമകരമാണെന്ന കാര്യം ഇവര് സൗകര്യപൂര്വ്വം മറക്കുന്നു.
പുത്തന് ആസ്പൈറിന്റെ എഞ്ചിന് മുഖത്തും മാറ്റങ്ങൾ സംഭവിച്ചിട്ടുണ്ട്. ഫ്രീസ്റ്റൈലില് ഇടംപിടിക്കുന്ന പുതിയ 1.2 ലിറ്റര് മൂന്നു സിലിണ്ടര് ഡ്രാഗണ് സിരീസ് പെട്രോള് എഞ്ചിന് ഫോര്ഡ് ഫിഗൊ ആസ്പൈര് ഫെയ്സ്ലിഫ്റ്റില് തുടിക്കും.
എഞ്ചിന് 95 bhp കരുത്തും 120 Nm torque ഉം പരമാവധി സൃഷ്ടിക്കാനാവും. അഞ്ചു സ്പീഡ് മാനുവല് ഗിയര്ബോക്സാകും കാറില്. അതേസമയം ആവശ്യമെങ്കില് പുതിയ ആറു സ്പീഡ് ടോര്ഖ് കണ്വേര്ട്ടര് ഓട്ടോമാറ്റിക് ഗിയര്ബോക്സ് തിരഞ്ഞെടുക്കാനും ആസ്പൈര് പെട്രോള് മോഡലില് ഫോര്ഡ് അവസരം നല്കും.
ഫോര്ഡ് ഇക്കോസ്പോര്ടിലും ഇതേ ഗിയര്ബോക്സാണ് ഒരുങ്ങുന്നത്. ഡീസല് എഞ്ചിനില് മാറ്റങ്ങളുണ്ടാകില്ല. ആസ്പൈറിലുള്ള 1.5 ലിറ്റര് നാലു സിലിണ്ടര് ടര്ബ്ബോ ഡീസല് എഞ്ചിന് 98.6 bhp കരുത്തും 215 Nm torque ഉം പരമാവധിയേകും.
അഞ്ചു സ്പീഡ് മാനുവല് ഗിയര്ബോക്സ് സ്റ്റാന്ഡേര്ഡ് ഫീച്ചറായി തുടരും. ആസ്പൈറിന് പിന്നാലെ ഫിഗൊ ഫെയ്സ്ലിഫ്റ്റിനെയും വിപണിയില് കൊണ്ടുവരാനുള്ള പുറപ്പാടിലാണ് ഫോര്ഡ്.
Most Read: ക്രെറ്റയുടെ വിപണിയില് കണ്ണുവെച്ച് മാരുതി വിറ്റാര — പ്രതീക്ഷകള് എന്തെല്ലാം?
ഡിസൈനിലും എഞ്ചിന് സാങ്കേതികതയിലും ഇതേ പരിഷ്കാരങ്ങള് ഫിഗൊയ്ക്കും ലഭിക്കും. ഇതിനുപുറമെ ഫിഗൊ, ഫിഗൊ ആസ്പൈര് മോഡലുകളുടെ പെര്ഫോര്മന്സ് പതിപ്പുകളെ പരിഷ്കരിക്കാനും കമ്പനിക്ക് ആലോചനയുണ്ട്.
നിലവിലുള്ള മോഡലുകള്ക്ക് സമാനമായ വിലയിലാകും ഫിഗൊ, ഫിഗൊ ആസ്പൈര് ഫെയ്സ്ലിഫ്റ്റ് മോഡലുകള് വിപണിയില് എത്തുക. മാരുതി ഡിസൈര്, ഹോണ്ട അമേസ്, ടാറ്റ ടിഗോര്, ഹ്യുണ്ടായി എക്സെന്റ് എന്നിവരുമായാണ് ഫോര്ഡ് ഫിഗൊ ആസ്പൈറിന്റെ മത്സരം.